1 Corintios 5:6 - Tüpä Ñe'ëngagwer

⁶ Ndapeyeeko mboɨvateai chira peiko ko mba'e tëi oimese pe pa'üve. Esepia peikwa ni'ä ko ñe'ësa aipo e'i va'e: “Yepe chi'ïmi imondosa mboyape mboapeposa mboyapegwä rese viña, a'e rumo oikepa tuprɨ mboyapegwä rese.”

Tũpa Ñehengagüer

⁶ Ndapeyeecomboɨvate ai chira peico co mbahe tẽi oimese pe pãhuve. Esepia, peicua niha co ñehesa aipo ehi vahe: “Yepe chĩhimi imondosa pan mboapeposa panguã rese viña, ahe rumo oiquepa tuprɨ panguã rese” ehi.

1 Corintios 5:6 Iomraidhean Croise

San Mateo 13:33

Omombe'u avei ambuae ko porombo'esa: “Tüpä mborerekwasa inungar mboyape mboapeposa ñepëi kuña omboyese'ase mbosapɨ sa'ämbrɨ trigo ku'i rese opakatu imboapepo agwä yepi.”

San Lucas 13:21

Oyoya tuprɨ ko mboyape mboapeposa rese, akoi kuña omboyese'a tuprɨ va'e mbosapɨ sa'ämbrɨ trigo ku'i rese opakatu imboapepo agwä.”

Romanos 6:16

Pe ni'ä peikwa ite mbigwai mba'e yar povrɨ pendar perekose, evokoiyase peiko ite a'e mba'e yar rembigwai ete. Iyavei ko egwë e'i ete peroyase angaipa, a'e evokoiyase pereraso manosa pɨpe, inungar peroya va'e ite Tüpä porokwaita pereko agwä.

1 Corintios 15:33

Peyembopa ukai eme evokoi nungar ava upe: “Esepia ava naporäi va'e pɨri peikose, a'e evokoiyase vɨrovara pe reko tuprɨsa yuvɨreko.”

1 Corintios 3:21

Sese, ndapeyeeko mboɨvateai chira ava tëi porombo'esa rupi; esepia opakatu mba'e oime va'e peündar ite:

1 Corintios 5:2

¡Pe rumo peyeekomboɨvateai peiko! ¡Iyakatu rumo ndapeyembovɨ'ai chira evokoi nungar mba'e tëi repiase viña! Evokoi nungar ava iyakatu ite pemboyepepɨra pe pa'ü sui.

Gálatas 5:9

Ndapeikwai vo akoi aipo e'i va'e “chi'ïmi mboyape mboapeposa oso mboyapegwä rese opakatu rupi oika'opa tuprɨ yepi”,

2 Timoteo 2:17

iyavei iporombo'esa rai oyembouvicha inungar mba'erasɨ vai ndokwera katui va'e, oyembouvicha-vichaño yepi. Egwë e'i tuprɨ Himeneo iyavei Fileto,

Santiago 4:16

Pe rumo peñe'ëño pe yemboɨvateaisa pɨpe mba'e pe rembiaporä rese; opakatu evokoi nungar mba'e rumo naporäi.