1 Corintios 5:10 - Tüpä Ñe'ëngagwer

¹⁰ Iyavei ko namombe'ui peyepepɨ va'erä opakatu mba'e ɨvɨ pɨpendar oime va'e yemboagwasasa sui, ani chiaveira mba'e ñomiprɨ sui, ani chiaveira mondasa sui, ani chiaveira yeruresa mba'e ra'anga upe tëi, imboavɨye agwä pesë itera ko ɨvɨ pɨpe sui viña.

1 Corintios 5:10 Iomraidhean Croise

San Lucas 18:11

Evokoiyase fariseo, opü'a o'ä oyerure aipo e'i: ‘Tüpä, avɨye ndeu che nda'ei ambuae ava nungar che rekokwer; imondarai va'e, ndacherekorai va'e, ndacheagwasai tëi va'e, nda'ei avei inungar gwarepochi rerokwasar tëi aiko.

San Juan 15:19

Peikose ko ɨvɨ pɨpendarse viña, a'ese ava ko ɨvɨ pɨpendar pe raɨsuai etera viña, inungar a'e osaɨsuai oyesuindar yuvɨreko yepi. Che rumo opoporavo ko ɨvɨ pɨpendar pa'ü sui, sese ni'ä ko ɨvɨ pɨpendar ndapeambotai ete yuvɨreko, esepia ni'ä nda'e iri ete peiko ko ɨvɨ pɨpendar.

San Juan 17:6

Akoi nde ereiporavo va'e ko ɨvɨ pɨpe erembou va'erä cheu, orokwa uka ite yuvɨreko chupe. A'e yuvɨrekoi va'ekwer nde rupi, nde evokoiyase erembou cheu, a'e oyapo ite nde porokwaita yuvɨreko.

San Juan 17:9

Che aporandu nde remimbou rese; ndaporandui rumo ko ɨvɨ pɨpendar rese, che aporandu erembou va'e rese cheu, esepia a'e ndeundar ite yuvɨrekoi yepi.

San Juan 8:23

Jesús aipo e'i chupe: –Pe rumo peiko ko'ave ɨvɨ pendar, che rumo ɨvatendar aiko; iyavei peiko ko ɨvɨ pɨpendar tëi, che nda'ei ete ko ɨvɨ pɨpendar aiko.

1 Corintios 1:20

¿Kevo pi'ä opɨta ava imba'ekwa vai va'e mba'ekwasa, iyavei porokwaita rese oporombo'e va'e arakwasa, iyavei oikwapa va'e mba'e ko ɨvɨ pɨpendar moigätu? ¡Tüpä opa ite osekuñarö ava mba'ekwasa egwë e'i tëi va'e ko ɨvɨ pɨpendar!

1 Corintios 10:27

Akoi Tüpä reroyasare'ɨ̇ pe so'o ukase oyepɨri pe mbokaru agwä, peso potase ipɨri, pe'uñora mba'e imbouprɨ peü. Ndapeporandui chira rumo sese chupe Tüpä rese pe pɨ'a ñemoñetasa momarä e'ɨ̇ agwä.

1 Corintios 5:11

Che akoi aipo a'e peü ndapemborɨi chira ava che Jesucristo reroyasar aiko e'i anga'u tëi va'e, oyemboagwasase, anise oipotaraise ambuae ava mba'e, oyerure tëi va'e mba'e ra'anga upe, iyavei ima'echiröiai va'e, kagwar tëi va'e, anise imondarai va'e. Evokoi nungar ava pɨri ñepëi yepe ndapekarui chietera.

1 Corintios 5:9

Ambuae aikwachia va'e pɨpe aipo a'e peü ndapemborɨi chira ava oyemboagwasa-gwasa tëi va'e.

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

Efesios 2:2

Ko ɨvɨ pɨpendar pɨ'a ñemoñetasa rupi tëi peiko iyavei ɨvate rupindar karugwar rerekwar porokwaita tëi avei peroya, a'e Tüpä reroyasare'ɨ̇ ombo'e va'e oiko.

Filipenses 2:15

sese tipo eme mba'e pe rembiavɨ pereko raisa rese, evokoiyase peikora Tüpä ra'ɨrɨ ndayangaipai va'e ava mba'e-mba'e tëi oyapo va'e pa'üve. A'e ipa'üve pe rekokwer osesapera, inungar yasɨtata osesape ko ɨvɨ pɨpe yepi,

1 San Juan 4:5

Evokoi ko ɨvɨ pɨpendar tëi yuvɨrekoi va'e; esepia oñe'ë mba'e ɨvɨ pɨpendar rese tëi yuvɨreko, iyavei ava supindar a'e ite oyapɨsaka iñe'ë rese yuvɨreko.

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.