1 Corintios 4:5 - Tüpä Ñe'ëngagwer

⁵ Sese ani, peñemoñeta ava rese tenondeve tëi; pesärö ranera rumo yande Yar yevɨ agwä, a'e ni'ä omboyekwara opakatu mba'e ndoyekwai va'e, iyavei omboyekwapara ñepëi-pëi yande pɨ'a ñemoñetasa. A'ese Tüpä omondora vɨ'aretesa ñepëi-pëi upe narä.

Tũpa Ñehengagüer

⁵ Sese pe, “Ahe ava recocuer avɨye ai”; anise, “Ahe ava recocuer naporai vahe” ndapeye voi tẽi chira. Pesãro ranera rumo yande Yar yevɨ ãgua. Ahe niha omboyecuara opacatu mbahe ndoyecuai vahe, iyavei omboyecuapara ñepei-pei yande pɨhañemoñetasa. Ipare aipo ehira yandeu: “Avɨye, nde eremboavɨye tuprɨ nde cuaita” ehira; anise, “Nderemboavɨyei nde cuaita” ehira ñepei-pei yandeu.

1 Corintios 4:5 Iomraidhean Croise

San Mateo 10:26

“Ndapesɨkɨyei chira, ava pe amotare'ɨ̇mbar sui. Esepia ndipoi chietera mba'e ñomiprɨ ndikwasai va'erä kuri, opakatu mba'e ñomiprɨ ikwasapaño itera.

San Mateo 24:30

A'ese oyekwara ɨva rese poromondɨisa che ava ɨvate katu va'e Ra'ɨrɨ yu agwä, iyavei opakatu ava-ava tëi ko ɨvɨ pɨpendar oyase'o tëira osɨkɨyepave yuvɨreko, ipare pesepiara che ava ɨvate katu va'e Ra'ɨrɨ agweyɨse ɨva kɨ'a rese che pirätäsa rendɨgwer porañetesa pɨpe.

San Mateo 24:46

Sorɨvetera akoi omboavɨyese mbigwai okwaita, oyepotase serekwar a'ese osepiara iporavɨkɨsa avɨye va'e.

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Mateo 25:23

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’ ”

San Lucas 6:37

“Ndiyai oyavɨ ite mba'e peye voiño tëi ambuae ava upe, Tüpä avei oyavɨ mba'e nde'i chira peü. Pemokañɨ uka tëi rene ambuae ava, Tüpä avei ndape mokañɨ tëi chira. Peñeröiño katu, Tüpä avei a'ese iñeröira peü.

San Juan 21:22

Jesús omboyevɨ chupe: –Aipotase a'e sekove vɨte agwä che yevɨse narä kuri, ¿marä vo ererekora nde? Nde egwataño che rupi.

San Juan 21:23

Sese oikwapa ite ko ñe'ësa seroyasar yuvɨreko ñepëi semimbo'e nomanoi chietera viña. Jesús rumo aipo nde'i chupe nomanoi chietera, a'e rumo aipo e'i: “Aipotase sekove vɨte agwä che yevɨse narä kuri, ¿marä vo evokoiyase nde ererekora?”

San Juan 5:44

¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

Romanos 14:4

¿Uma vo nde ereiko ereroɨrö va'erä ambuae ava rembigwai eiko? Esepia sekoi tuprɨse anise sekorai tëise, a'ese serekwar oikwara chupe. Sekoira mba'e tuprɨ pɨpe, esepia yande Yar vɨreko ite pirätäsa osekomoigätu agwä.

Romanos 2:1

Oimese pe pa'ü pendar ko oyapo mba'e tëi; tokañi o'esave ambuae upe, a'ese a'e ae oyemokañɨ tëi uka, esepia a'e inungar tuprɨ avei.

Romanos 2:16

a'e arɨ kañɨ pɨpe Tüpä oyokwai ukara opakatu ava rembiapo kwae'ɨ̇sa reprɨ pɨsɨ agwä Jesucristo upe, ko ñe'ësa pɨsɨrösa resendar amombe'u va'ekwer rupi tuprɨ egwë e'ira kuri.

Romanos 2:29

Judío ete ite, yuvɨrekoi va'e rumo opɨ'a pɨpe vɨroya Tüpä: iyavei circuncisión supiete va'e, Espíritu rembiapo yande pɨ'a pɨpe, nda'ei porokwaita ikwachiaprɨ rembiapo tëi. Akoi egwë e'i va'e, a'e oipɨsɨra omboeteisa Tüpä suindar ite, nda'ei chira ava tëi suindar.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

1 Corintios 1:7

Ko pɨpe sui ni'ä nipanei ete Tüpä porovasasa pesärö va'e peiko yande Yar Jesucristo yevɨ agwä kuri.

1 Corintios 11:16

Akoi ava oñe'ë pota va'e ko tekokwer rese, toikwa rane esepia ore oroiko va'e Tüpä reroyasar, ndoroikwai ete ambuae tekokwer.

1 Corintios 11:26

Esepia akoi pe'use ko peɨ'use avei, peyemoma'endu'ara pemombe'u aveira yande Yar mano agwer opakatu ava upe, egwë peyera iyevɨ rärö peiko.

1 Corintios 15:23

Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

1 Corintios 3:13

a'e iporavɨkɨ agwer rumo arɨ kañɨse ikwasa tuprɨra ñepëi-pëi yuvɨreko; esepia a'e arɨ pɨpe yande Yar oura tata reseve, ñepëi-pëi pe poravɨkɨ agwer kwa agwä.

1 Corintios 3:14

Akoi ava oporombo'e tuprɨ va'e inungar ava oyapo oɨ ndokai va'e, a'e oipɨsɨra oporavɨkɨ reprɨ;

1 Corintios 3:8

Mba'e tɨ̇sar iyavei imboɨ'usar oyoya tuprɨ iporavɨkɨ yuvɨreko, sese Tüpä omboepɨra ñepëi-pëi upe iporavɨkɨgwer rupi.

2 Corintios 10:18

Esepia akoi ava che aiko tuprɨ e'i va'e nda'ei a'e osë tuprɨ gwekoa'äsa sui yande Yar rovake, avɨye ite ko mbɨa e'ise rumo yande Yar chupe, a'e osë tuprɨ gwekoa'äsa sui.

2 Corintios 10:9

Anichira pe pɨ'a ñemoñeta pesɨkɨye agwä che rembikwachia sui.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

2 Corintios 5:10

Esepia yande opakatu yañekwave'ëra Cristo rovai iporandusave yaipɨsɨ va'erä ñepëi-pëi mba'e yande rembiapokwer rupi mba'e avɨye va'e, anise mba'e naporäi va'e yande rete rese yaiko vɨtese.

1 Tesalonicenses 5:2

Esepia peikwa tuprɨ ko yande Yar arɨ oyepotara imo'ä e'ɨ̇sa pɨpe, inungar akoi imondarai va'e oyepota pɨ̇tü pɨpe.

Hebreos 4:13

Ndipoi ete ni'ä mba'e Tüpä rembiapo ñomiprɨ ichui; opakatu ite oikwa, osepia avei opakatu mba'e, a'e ni'ä oporandura opakatu yande rekokwer rese yandeu kuri.

Santiago 4:11

Che rɨvrɨ eta, anichira peñe'ë marä peyeupe. Akoi oñe'ërai va'e iyavei vɨroɨrö va'e ambuae Jesús reroyasar, a'e oñe'ërai tëi aveira mborokwaita rese seroɨrösave. Egwë peyese, evokoiyase seroya e'ɨ̇sa pɨpe peyemboɨvate katura mborokwaita sui viña.

Santiago 5:7

Che rɨvrɨ eta, peñemosaño yande Yar yevɨ iri agwä rese. Inungar ava oma'etɨ̇ va'e osärö rane gwemitɨ̇ po'o agwä, esepia a'e osärö yɨpɨndar okɨ va'e iyavei ipa okɨ va'e mba'e mitɨ̇ avɨye agwä.

Santiago 5:9

Iyavei che rɨvrɨ eta, peñemoɨröi rene peyeupe, evokoiyase ndipoichira porandusa perembiapokwer rese peü; esepia Tüpä yande rärö ite okendɨpɨve o'ä mba'e rese porandu agwä.

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

1 San Pedro 5:4

Evokoiyase akoi oyevɨse yande Yar, yande rärösar ɨvate katu va'e, a'ese peipɨsɨra mba'e porerekosa, teko orɨ porañete apɨre'ɨ̇ va'e.

2 San Pedro 3:12

Pesäröño Tüpä yepotasa resendar arɨ, iyavei peyapo opakatu peikatugwer rupi toyepota poyava voi pe yapave. A'e arɨ pɨpe ɨva opara okañɨ tëiete tata pɨpe, opakatu mba'e yapoprɨ tɨkupa tuprɨra kuri;

2 San Pedro 3:4

oporandura yuvɨreko “¿Maräse vo aipo oyevɨra imombe'uprɨ yande Yar Cristo ou kuri? Esepia yande ramoi opa tëi omano yuvɨreko, kurïtëi opakatu a'e tuprɨño tëi tekokwer araka'e ɨvɨ apo suive.”

San Judas 1:14

Iyavei Henoc, Adán rakɨkwerindar imoñuvɨrïo ova rupi oyesu va'e, a'e oñe'ë evokoi nungar ava naporäi va'e rekokwer rese: “Che asepia che Yar, ouse mbigwai ɨva pendar re'ɨi-re'ɨi rese

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.

Apocalipsis 20:12

Ipare asepia omano va'ekwer seko ɨvate va'e, seko mbegwemi va'e aveino opü'a yuvɨno'ä Tüpä rovai; a'ese kwachiar opa ipɨpirasa, iyavei ambuae kwachiar, a'e kwachiar tekovesa resendar. Omano va'ekwer upe evokoiyase porandusa evokoi kwachiar pɨpendar mba'e sembiapokwer rese.