1 Corintios 4:17 - Tüpä Ñe'ëngagwer

¹⁷ Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

Tũpa Ñehengagüer

¹⁷ Sese che amondo che rembiaɨsu Timoteo pẽu, che rahɨr nungar omboavɨye vahe ocuaita yande Yar suindar. Ahe pe momahenduhara Cristo rupi che guatasa rese. Ahe oyoya che porombohe agüer rese che sose opacatu Jesús reroyasar ñemonuhasa rupi yepi.

1 Corintios 4:17 Iomraidhean Croise

San Mateo 24:45

¿Uma vo mbigwai omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Mateo 25:23

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’ ”

Los Hechos 16:1

Pablo oyepota oso Derbe ve, Listra ve avei, a'eve osepia ñepëi mbɨa Jesús reroyasar Timoteo serer va'e, ñepëi kuña Jesús reroyasar judía membrɨ iyesupa evokoiyase griego.

1 Corintios 11:16

Akoi ava oñe'ë pota va'e ko tekokwer rese, toikwa rane esepia ore oroiko va'e Tüpä reroyasar, ndoroikwai ete ambuae tekokwer.

1 Corintios 11:2

Avɨye peü che rɨvrɨ eta esepia ndaperesai ete che sui yepi iyavei pema'endu'a pegwataño vɨte avei che opombo'e va'e agwer rupi.

1 Corintios 11:34

Akoi ava ndasɨepoise yuvɨreko, tokaru rane gwëtäve, a'ese Tüpä nomondoi chira chupe poronupasa yuvɨrasose ñemonu'äsave. Iyavei che asose eipeve pe repia opara ambuae mba'e amoigätu vicho peü.

1 Corintios 14:33

esepia Tüpä sekoi Tüpä mba'e avɨye va'e aposar ite, nda'ei mba'e naporäi va'e aposar. Iya ite rumo yayapora mba'e avɨye va'e Jesús reroyasar yande rekosa pɨpe,

1 Corintios 16:1

Iyavei ko gwarepochi monu'ä agwä iparaɨsu va'e Jesús reroyasar upe narä, pe avei katu peyapo mba'e inungar che amombe'u Jesús reroyasar ɨvɨ Galacia rupindar upe.

1 Corintios 16:10

Akoi Timoteo oyepotase oso pe pɨri, taseko tuprɨño ite pe pa'üve, esepia a'e avei oporavɨkɨ yande Yar upe narä oiko che nungar.

1 Corintios 4:14

Nda'ei pe mochi agwä aipo a'e ikwachia peü, egwë e'i rumo pe mboarakwa agwä tëi, inungar che ra'ɨrɨ ite, che rembiaɨsu opovɨreko.

1 Corintios 4:15

Esepia, yepe pereko atɨ pe pɨtɨ̇vɨïsar Cristo rese pe reko agwä viña, ndaperekoi rumo seta pe yesupa, esepia che amombe'use ni'ä ñe'ësa pɨsɨrösa resendar peü, a'ese ramo peroya Cristo Jesús. Seroyasa pɨpe evokoiyase che inungar pe yesupa ite aiko peü.

1 Corintios 4:2

Supiete kurïtëi, akoi vɨreko va'e okwaitära iya ite omboyekwa okwaita mboavɨye tuprɨsa.

1 Corintios 7:17

Ñepëi-pëi yande Yar ombou tekokwer yaiko va'erä yande remimbotar rupi, inungar Tüpä yɨpɨndar yande poravo oiko. Ko mborokwaita opakatu rupi ete amombe'u Jesús reroyasar upe vichiko.

1 Corintios 7:25

Akoi kuña nomenda vɨtei va'e yuvɨreko, a'e chupe narä ndarekoi Yar suindar che ñe'ë agwä; che rumo amondora che pɨ'a ñemoñetasa yuvɨreko chupe, esepia yande Yar che paraɨsuerekosa pɨpe ite imboyeroyaprɨ aiko.

2 Corintios 8:18

Tito rupi oromondo yande rɨvrɨ, a'e opakatu ambuae Jesús reroyasar oikwa iporavɨkɨ tuprɨaise ñe'ësa pɨsɨrösa rese yuvɨreko.

Efesios 6:21

Yande rɨvrɨ Tíquico, yande rembiaɨsu, che pɨtɨ̇vɨïsar omboavɨye va'e okwaita yande Yar upe mboravɨkɨsa rese, a'e omombe'ura opakatu che rekokwer mba'e che rembiapo avei peü.

Filipenses 2:19

Che ayeroya yande Yar Jesús rese, amondo pɨ'aivi va'erä Timoteo pe repia, a'e omboyevɨse ñe'ësa pe rekokwer resendar, a'ese che avɨ'aretera.

Filipenses 2:22

Pe ni'ä peikwa Timoteo reko tuprɨsa opakatu upe, iyavei che pɨtɨ̇vɨï Tüpä ñe'ëngagwer mombe'u agwä, inungar chi'ïvä'e oipɨtɨ̇vɨï oyesupa, egwë e'i che pɨtɨ̇vɨï oiko.

Colosenses 1:7

Ko ñe'ësa rese yande rembiaɨsu Epafras pe mbo'e, a'e mbɨa yande Yar Jesucristo rese oporavɨkɨ va'e ore rupi, okwaita vɨroya tuprɨ va'e pe pa'üve.

Colosenses 4:9

Ko Onésimo avei osora supi, a'e avei yande rembiaɨsu, yande rɨvrɨ seko tuprɨ va'e pe rekwa pendar. A'e ñuvɨrïo mbɨa omombe'ura peü opakatu mba'e oime va'e ko'ave.

1 Timoteo 1:18

Che ra'ɨrɨ Timoteo, ko amondo nde kwaitära nde reko movɨräkwä agwä mba'e tëi rekopɨ agwä Cristo rese nde yeroyasa pɨpe nde pɨ'a ñemoñeta katuprɨsa pɨpe avei, supi tuprɨ Tüpä reroyasar oñe'ë yuvɨreko nde rese serer pɨpe. Amove ava opɨ'añemoñeta tuprɨ reroya e'ɨ̇save, omokañɨ uka Tüpä rese oyeroyasa.

1 Timoteo 1:2

amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

2 Timoteo 1:2

amondo che avɨravesa ko kwachiar ndeu, che rembiaɨsu che ra'ɨrɨ nungar Timoteo. Yande Ru Tüpä iyavei yande Yar Cristo Jesús tombou oporovasasa, oporoparaɨsuerekosa nde reko tuprɨ agwä ndeu.

2 Timoteo 2:2

Akoi che porombo'esa eresendu va'e ava re'ɨi rovake amondo va'e ndeu, embo'e tuprɨ mbɨa oyeroya va'e, oikatu va'e avei ambuae mbo'e agwä oiko.

2 Timoteo 3:10

Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

Tito 1:5

Che oroeya vitu ka'a pa'ü Creta ve, mba'e opɨta vɨte va'e moigätu tuprɨ agwä iyavei tekwa yakatu rupi, ereñe'ëra ava kwakwa tüpäro pendar upe, amombe'u va'ekwer rupi ndeu.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.