1 Corintios 4:11 - Tüpä Ñe'ëngagwer

¹¹ Kurïtëi oroikove vɨte ite ore rɨepore'ɨ̇ pɨpe, ore usei tëi iyavei ndore turukwai ete; ava evokoiyase marä-marä tëi ore rereko yuvɨreko, iyavei ndorovɨrekoi ore rëtä

Tũpa Ñehengagüer

¹¹ Cũritei ore oroicove vɨte ité ore rɨeporẽhɨ pɨpe, ore husei tẽi iyavei ndore turucuai eté. Ava rumo evocoiyase mara-mara tẽi ore rereco yuvɨreco. Iyavei ndorovɨrecoi ore rẽta ité.

1 Corintios 4:11 Iomraidhean Croise

San Mateo 8:20

Jesús omboyevɨ chupe: –Esepia agwara vɨreko okesa iyavei vɨräi vɨreko gwaitɨ, che ava ɨvate katu va'e Ra'ɨrɨ ndarekoi ete che pɨtu'u agwä.

Los Hechos 14:19

A'ese oime oyepota va'e judío Antioquía sui Iconio sui avei, oipɨ'añemoñeta rerova ava re'ɨi yuvɨreko; evokoiyase oyapi-yapi ita pɨpe Pablo yuvɨreko, a'e yayuka ite revo e'i yuvɨreko viña sese ombotɨrɨ seraso tekwa popɨve yuvɨreko.

Los Hechos 16:23

Inupa iteanga pare, osokenda yuvɨreko, ipare oyokwai poroekendaprɨ rärösar, osärö tuprɨ va'erä yuvɨreko.

Los Hechos 23:2

Evokoiyase Ananías, a'e pa'i rerekwar ɨvate katu va'e, oyokwai ñepëi yɨpɨndar okwa va'erä Pablo yuru rese.

Romanos 8:35

¿Uma pi'ä oikatura yande mboyepepɨ Cristo yande raɨsusa sui? ¿Ke yande paraɨsusa, mba'e yavai va'e yandeu, yande momarä-marä tëisa, tɨepore'ɨ̇, anise yande turukwarä ndipoise, mba'e tëise yandeu, yande yuka potase tie yuvɨreko?

1 Corintios 9:4

Yareko ite ni'ä opakatu yaipɨsɨ va'erä tembi'u mba'e yaɨ'u va'erä avei,

2 Corintios 11:20

pe ni'ä pemboyoyaño akoi mbigwai tëi nungar pe rereko va'e, mba'e pe rembiereko sui tëi oikove va'e, pe mbopa tëisar, pe reroɨrösar, pe rova pete-petesar avei.

2 Corintios 4:8

Yepe mba'e-mba'e tëi oime opakatu rupi oreu viña, oimeño ite rumo oresë agwä ichui; yepe orepɨ'añemoñeta mba'e tëi rese, ore pɨ'a ñemoñetasa avɨye va'e rumo ndoromokañɨi ete oreyesui.

Filipenses 4:12

Aikwa marä ya'e yande paraɨsusa pɨpe yaiko, aikwa avei marä ya'e mba'e rereko atɨ agwä. Ayembo'e avei che vɨ'a agwä opakatu mba'e oimese cheu, inungar che ɨ̇taröse ndache rɨepoise avei, oimese sumbɨre va'e mba'e ipanese avei cheu.

2 Timoteo 3:11

ereiporara avei mba'e-mba'e tëi che rupive eiko, inungar oyapo Antioquía ve, Iconio ve Listra ve avei yuvɨreko cheu. ¡A'eve aiporara mba'e-mba'e tëi paraɨsusa vichiko! Yande Yar rumo che pɨsɨrö opakatu evokoi mba'e-mba'e tëi sui.