1 Corintios 3:23 - Tüpä Ñe'ëngagwer

²³ iyavei pe ni'ä Cristo upendar, Cristo evokoiyase Tüpä upendar sekoi.

Tũpa Ñehengagüer

²³ pe niha Cristo upendar, Cristo evocoiyase Tũpa upendar secoi.

1 Corintios 3:23 Iomraidhean Croise

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Juan 17:18

Inungar nde che mbou eve ko ɨvɨ pɨpendar pa'üve, egwë a'e avei che imondo ko ɨvɨ pɨpendar pa'üve yuvɨreko.

San Juan 17:21

Aporandu ndeu ko opakatu rese yuvɨrekoi tuprɨ va'erä; inungar nde, che Ru, ereiko che rese iyavei che aiko nde rese, egwë tëi avei a'e yande rese yuvɨreko, iyavei vɨroya va'erä ko ɨvɨ pɨpendar nde che mbousa rese eve yuvɨreko.

Romanos 14:8

Supiete yaikovese, yande Yar upe narä ite yaikove; iyavei yamanopase, yande Yar upe narä ite yamanopara. Yaikose tekovesa pɨpe anise manosa pɨpe, yande Yar upe narä ite rumo yaikove.

1 Corintios 11:3

Che rumo aikwa uka tuprɨ pota peü, Cristo ni'ä sekoi ñepëi-pëi kuimba'e kwaisar, kuimba'e evokoiyase gwembireko kwaisar sekoi. Egwë e'i avei Tüpä Gwa'ɨrɨ Cristo upe.

1 Corintios 15:23

Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

1 Corintios 15:28

Iyavei opakatu ava opase imondosa Cristo povrɨve, evokoiyase Cristo tëiete Tüpä Ra'ɨrɨ sekoira ipovrɨve, esepia a'e ite vɨreko opakatu mba'e opovrɨve. A'ese Tüpä sekoira ɨvate katu va'e opakatu mba'e oime va'e sui.

1 Corintios 7:22

Esepia pe mbigwai tëi peiko viña, peroyase rumo yande Yar, a'ese inungar nda'e iri va'e mbigwai peiko chupe; iyavei pe no, nda'ei va'e mbigwai tëi peiko va'e, yepe egwë peye viña, peroyase rumo Cristo, a'ese sembigwai peiko.

1 Corintios 8:6

yande rumo yaikwa ñepëiño ite Tüpä oime, a'e ni'ä yande Ru opakatu mba'e aposar. Evokoiyase yande chupe narä ite yaiko, oime avei yande Yar ñepëi va'e, a'e Jesucristo ichui oime opakatu mba'e, ichui avei yaikove.

2 Corintios 10:7

Pe rumo pema'eño tëi a'e ava rekokwer rese. Akoi ava pe pa'ü pendar oikwa va'e Cristo rese gwekosa, toikwa tuprɨ avei ore Cristo rese ore rekosa yuvɨreko.

Gálatas 3:29

Iyavei Cristo suindar peikose, evokoiyase Abraham suindar tuprɨ ite peiko, a'ese peipɨsɨra Tüpä remimombe'u porerekosa yandeundar.

Gálatas 5:24

Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Efesios 1:10

oyepotase a'e arɨ imboavɨye agwä. Tüpä opakatu mba'e ɨva pendar ko ɨvɨ pɨpendar avei, opara omoinge ñepëi reseve Gwa'ɨrɨ Cristo povrɨve.