1 Corintios 3:18 - Tüpä Ñe'ëngagwer

¹⁸ Peyembopa eme katu pe ae: oimese pe pa'ü pendar inungar imba'ekwa vai va'e ko ɨvɨ pɨpendar pɨ'a ñemoñetasa rupi tëi, toyeekomombegwemi rane oarakwa agwä, a'ese osupitɨra mba'e kwasa avɨye va'e.

Tũpa Ñehengagüer

¹⁸ Peyembopa eme catu pe ae. Oimese que pe pãhu pendar oyeupe aipo “che yaracua tuprɨ vahe aico” ehi vahe co ɨvɨ pɨpendar pɨhañemoñetasa rupi tẽi, toyeecomombegüemi rane oaracua ãgua.

1 Corintios 3:18 Iomraidhean Croise

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Mateo 18:4

Seko ɨvate katu va'e Tüpä mborerekwasave a'e oñemominimi va'e oyevɨra inungar ko chi'ïvä'emi sekoi.

San Marcos 10:15

Supi ete, akoi ndoipɨsɨi va'e Tüpä mborerekwasa chi'ïvä'e nungar yuvɨreko, a'e evokoiyase ndoyuvɨroikei chietera ipɨpe.

San Lucas 18:17

Supiete amombe'u ndoipɨsɨpotai va'e che Ru Tüpä mborerekwasa chi'ïvä'emi nungar yuvɨreko, a'e ndoyuvɨroikei chietera ipɨpe.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

Romanos 11:25

Che rɨvrɨ eta, che aipota peikwa va'erä Tüpä sui mba'e ndikwasai va'e, oyemboɨvateai e'ɨ̇ agwä yuvɨreko: esepia Israel ɨgwar movɨrö kokotɨ tëi ipɨ'a ñemoñeta va'e yuvɨreko, ko rese egwë e'i opakatu yuvɨroikepa rane itera ava nda'ei va'e Israel pendar yuvɨreko.

Romanos 12:16

Peiko tuprɨ oyoya gwasu ñepëi-pëi oyese pe yeaɨsusa pɨpe. Anichira peyeekomboɨvateai, iyakatu rumo peyemoigätu ava seko mbegwemi va'e mborɨ agwä. Anichira peiko imba'ekwa vai va'e nungar.

1 Corintios 15:33

Peyembopa ukai eme evokoi nungar ava upe: “Esepia ava naporäi va'e pɨri peikose, a'e evokoiyase vɨrovara pe reko tuprɨsa yuvɨreko.”

1 Corintios 3:17

Oimese ava omomarä va'e Tüpä rëtä, Tüpä evokoiyase omboura oñemoɨrösa a'e ava upe, esepia Tüpä rëtä nimaräi va'e ite; iyavei evokoi Tüpä rëtä a'e ite ni'ä peiko.

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

1 Corintios 6:9

¿Ndapeikwai vo akoi ava mba'e-mba'e tëi aposar ndoyuvɨroikei chietera Tüpä mborerekwasa pɨpe kuri? Ndapeyembopa ukai chira, yemboagwasasa angaipa pɨpe iyavei oyerure va'e mba'e ra'anga upe tëi, oyemboagwasa tëi va'e, iyavei kuimba'e yuvɨrekoi va'e kuña rekokwer nungar pɨpe, iyavei kuimba'e yuvɨrekoi va'e oyese ae, iyavei mba'e ñomisar, iyavei ava nomombe'ui va'e mba'e supi, iyavei kagwar, iyavei ava iñe'ë-ñe'ë tëi va'e, iyavei ava imondarai va'e yuvɨreko, a'e ndoyuvɨroikei chietera Tüpä mborerekwasave kuri.

Gálatas 6:3

Amove ava, che ɨvate katu va'e aiko e'i tëi, egwë e'i rumo a'e ae oyembopa aipo o'esa pɨpe oiko.

Gálatas 6:7

Peyembopa eme katu pe ae: ndipoi chietera ava vɨroɨrö va'e Tüpä ñemoɨrösa pɨsɨ e'ɨ̇sa pɨpe. Egwë e'i ete yañotɨ̇se mba'e, ichui avei mba'e yaipɨsɨra.

Efesios 5:6

Ndapeyembopa ukai chira evokoi nungar ñe'ësa tekokwer egwë e'i tëi va'e upe, esepia evokoi nungar mba'e apo pɨpe sui ou Tüpä ñemoɨrösa ava seroyasare'ɨ̇ upe.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Santiago 1:22

Nda'ei pesenduño tëira ko ñe'ësa avɨye va'e; iya rumo peyapora mba'e ko ñe'ësa remimbotar rupi ete, esepia egwë peyese pe ae tëi peyembopara peiko.

Santiago 1:26

Amove akoi ava che agwata tuprɨ Tüpä rupi e'i tëi va'e, ndoikwai rumo oñe'ë mongiriri agwä, evokoiyase a'e ae oyembopa oiko, sembieroya evokoiyase egwë e'i tëi va'e.

1 San Juan 1:8

Iyavei, ndarekoi angaipa che pɨ'a pɨpe ya'e tëise, yande ae yayembopa ipɨpe, evokoiyase mba'e supiete va'e ndayarekoi yandeyese;