1 Corintios 3:12 - Tüpä Ñe'ëngagwer

¹² Ko oɨ movɨräkwäsa arɨve, a'ese ñepëi oikatura imopü'a oro pɨpe, gwarepochi iyavei ita avɨye va'e pɨpe, anise ɨvɨra, kapi'i, anise takwar pɨpe avei;

1 Corintios 3:12 Iomraidhean Croise

Los Hechos 20:30

Oime aveira ava pe pa'ü pendar pe mbopa pota va'e yuvɨreko pereraso agwä oyeupi.

Romanos 16:17

Che rɨvrɨ eta, peikwa katu pe pa'ü pendar oporomboya'o pota serai va'e sui oime ava egwë e'i va'e oitɨ uka va'e ava mba'e tëi pɨpe, esepia a'e nda'ei ete ko ñe'ësa pe yembo'esa rupi yuvɨrekoi. Sese evokoi nungar ava sui peyepepɨño itera,

1 Corintios 3:11

esepia ndipoi chietera ambuae omopü'a va'e oɨ vɨräkwäsa yapoprɨ arɨve, esepia a'e ite Jesucristo sekoi.

1 Corintios 3:13

a'e iporavɨkɨ agwer rumo arɨ kañɨse ikwasa tuprɨra ñepëi-pëi yuvɨreko; esepia a'e arɨ pɨpe yande Yar oura tata reseve, ñepëi-pëi pe poravɨkɨ agwer kwa agwä.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

Colosenses 2:8

Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

1 Timoteo 6:3

Oimese oporombo'e va'e oyesuindar pɨ'a ñemoñetasa kokotɨ tëi va'e rese, ndoyoyai va'e yande Yar Jesucristo porombo'esa avɨye va'e rese, ndoyoyai va'e avei yande yembo'esa Tüpä rese yande yeroya tuprɨsa rese,

2 Timoteo 2:20

Oɨ gwasu pɨpe, nda'ei gwarepochi, oro apoprɨ gweraño oime, oime avei ɨvɨrape ñaɨ'u apoprɨ aveino, ñepëi iporupɨrä arɨ imboeteisa pɨpe narä, ambuae rumo arɨ rupi iporupɨrä.

2 Timoteo 3:13

ava sekokwer naporäi va'e rumo, iporombopa serai va'e avei ombouvicha katura gwekokwerai, oporombopa-mbopa tëira yuvɨreko, iporombopasa pɨpe rumo ambuae omboyevɨra chupe.

2 Timoteo 3:7

yepe oyapɨsaka tuprɨ tëira ñe'ësa rese yuvɨreko viña, ndosupitɨi ete rumo ko porombo'esa supiete va'e rendukwa agwä yuvɨreko.

2 Timoteo 4:3

Esepia koiye ava ndosendu pota iri chira porombo'esa avɨye va'e yuvɨreko; a'ese gwemimbotar tëi osekara ombo'e agwä, gwemimbotar tëi avei omombe'u ukara oyeupe yuvɨreko.

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

Apocalipsis 2:14

Che rumo aikwa mba'e pe resendar: eipeve amove ava ndoyepepɨ potai ete Balaam porombo'esa sui yuvɨreko. A'e omboarakwa Balac Israel pendar mboangaipa uka agwä, toyuvɨro'uño mba'e ro'o seropove'ëprɨ mba'e ra'anga upendar tëi oya, toyemboagwasaño yuvɨreko oyapave avei.

Apocalipsis 21:18

Tekwa ächisa ita porañete va'e Jaspe serer va'e apoprɨ, tekwa evokoiyase oro päve tuprɨ, avɨye yepiasa sekose katu va'e.

Apocalipsis 3:18

Sese opomboarakwa; peseka ɨva pendar oro tatave imoatɨröprɨ nungar che sui pe paraɨsue'ɨ̇ iri agwä che Ru rovake; peseka avei turukwar morochi va'e teko tuprɨsa peyeupe che suindar nani tuprɨ va'e nungar pɨpe pe reko e'ɨ̇ agwä, pechi e'ɨ̇ agwä avei inungar ava oseka mosa gwesa upe narä osareko iri agwä, egwë peye aveira.