1 Corintios 3:10 - Tüpä Ñe'ëngagwer

¹⁰ Che aiko oɨ aposar esepia Tüpä oyapo uka oɨ vɨräkwäsa cheu, ambuae evokoiyase omopü'a i'arɨve. Ñepëi-pëi peiko va'e peikwa tuprɨra imopü'a,

Tũpa Ñehengagüer

^10-12 Che inungar oɨ apo cuapar oyapo rane vahe oɨ vɨ̃racua ãgua, ẽgüe ahe imombehu Cristo resendar ñehesa pẽu seroya tuprɨ ãgua. Ndiyai eté yaroya que ambuae ava tẽi, Jesucristo güeraño ité yaroyara. Ambuae evocoiyase inungar oɨ aposar omopuha vahe ivɨ̃racuasa harɨve, ẽgüe ehi ahe pe monguerẽhɨ catu pe mbohe co ñehesa rese. Evocoiyase inungar oɨ aposar amove oiporu mbahe ipocopɨ vahe oɨ apo ãgua yuvɨreco oro, guarepochi, anise ita avɨye vahe. Amove rumo oiporu avei ndipocopɨi vahe mbahe que ɨvɨrape tẽi, capihi, anise tacuar tẽi oɨguã yuvɨreco. Ẽgüe ehi aveira pe mbohesar yuvɨreco. Ahe ñepei-pei rumo iya oicua tuprɨra pe mbohe ãgua yuvɨreco.

1 Corintios 3:10 Iomraidhean Croise

San Mateo 24:45

¿Uma vo mbigwai omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Mateo 7:24

“Akoi, osendu va'e che ñe'ë oyapo va'e avei mba'e che remimbotar, inungar ava ipɨ'a ñemoñeta tuprɨai va'e omopü'a ita arɨve gwëtära.

San Lucas 11:35

Sese peikwa katu ko poroesapesa pereko va'e, tape rereko eme pɨ̇tümimbi va'e nungar.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

Los Hechos 18:27

Apolo oso potase Acaya ɨvɨ rese, a'ese Jesús reroyasar omongere'ɨ̇ katu, oyapo kwachiar imondo a'e pendar upe yuvɨreko sese añeko tuprɨ agwä. Ipare oyepota oso Acaya ve, a'e oipɨtɨ̇vɨï ava Tüpä reroyar yuvɨrekoi va'e a'eve,

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 12:3

Tüpä ni'ä oporovasasa pɨpe che kwai, sese aipo a'e peü pepɨ'añemoñeta eme pe yemboɨvateai agwä rese. Iyakatu rumo peikwa tuprɨ pe pɨ'añemoñetasa peyesendar Tüpä peü mba'e imbougwer rupi sese pe yeroyasa pɨpe.

Romanos 15:15

ko tekokwer rese rumo aikwachia opakatu che sɨkɨye e'ɨ̇sa pɨpe peü pe resarai e'ɨ̇ agwä ichui. Esepia ayapo Tüpä che kwaita ombou va'e che raɨsusa pɨpe cheu,

Romanos 15:20

Che kere'ɨ̇ avei ko ñe'ësa pɨsɨrösa resendar mombe'u agwä ava Cristo rekokwer ndosendui va'e upe yepi, nda'ei rumo ambuae ava imboarakwa pare tëi,

1 Corintios 3:11

esepia ndipoi chietera ambuae omopü'a va'e oɨ vɨräkwäsa yapoprɨ arɨve, esepia a'e ite Jesucristo sekoi.

1 Corintios 9:2

Yepe nda'ei Jesús ñe'ë mombe'usar e'i ambuae ava yuvɨreko cheu viña; peü narä rumo che a'e ite aiko, esepia che remimombe'u pɨpe sui ni'ä yande Yar peroya peiko, ipɨpe sui avei ikwasa tuprɨ Jesús ñe'ë mombe'usar che rekosa peü.

2 Corintios 10:15

Ndoroyapɨrasai avei ore ñe'ë pɨpe ambuae ava poravɨkɨsa sui tëi. Ore rumo, orosärö ore oroporavɨkɨ katu va'erä pe pa'üve Tüpä rese pe yeroyasa rupi, ndoroyapɨrasai avei rumo orekwaita.

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

Colosenses 1:29

Ko rese ni'ä che aporavɨkɨ eteprɨ opakatu Cristo pirätäsa pɨpe.

Colosenses 4:17

Pemombe'u ko Arquipo upe: “Emboavɨye tuprɨ yande Yar nde kwaisa peyera.”

1 Tesalonicenses 3:2

iyavei yande rɨvrɨ Timoteo a'e oporavɨkɨ va'e Tüpä upe ore rupi, omombe'u va'e ko ñe'ësa pɨsɨrösa resendar Cristo suindar ou va'e. A'e amondo peü pe movɨräkwä katu agwä, pe mongere'ɨ̇ katu agwä avei peyeroya katu va'erä Cristo rese,

1 Timoteo 4:16

Iyavei eñearö tuprɨ, eikwa katu nde porombo'esa rese, eyemovɨräkwä opakatu mba'e nde rembiapokwer rese. Akoi egwë erese ipɨsɨröprɨ ereikora, nde ñe'ë rese oyapɨsaka va'e avei ipɨsɨröprɨ yuvɨrekoira.

2 Timoteo 2:15

Eyapo tuprɨ mba'e opakatu nde katugwer rupi nde rekokwer mboyekwa agwä Tüpä rovai inungar oporavɨkɨ tuprɨ va'e nochi ete va'e, egwë ere, eporombo'e tuprɨ ñe'ësa supiete va'e rese.

Santiago 3:1

Che rɨvrɨ eta, anichira pe pa'üve oime seta iteanga oporombo'e va'e yuvɨreko, esepia peikwa ni'ä yande oporombo'e va'e yaikose, Tüpä oporandu itera ambuae ava sui yande porombo'e agwer rese yandeu kuri.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

2 San Pedro 3:15

Tapeikwa ko yande Yar seko mbegwe yandeu yande pɨsɨrö agwä. Egwë e'i avei yande rembiaɨsu Pablo ikwachia oyeupe Tüpä ombou va'e mba'ekwasa pɨpe peü.

Apocalipsis 21:14

Tekwa gwasu ächisa vɨreko opayandepo yovaive ñuvɨrïo tuprɨ ita imovɨräkwäsa, a'e sese evokoi opayandepo yovaive ñuvɨrïo tuprɨ yuvɨrekoi va'e ikwachiasa serer Ovesami a'e Cristo sekoi va'e ñe'ë mombe'usar.

Apocalipsis 21:19

Ñachisa movɨräkwäsa vɨreko opakatu ambuae ita-ita tëi iporañete va'e päve: yɨpɨndar, ivɨräkwäsa jaspe; imoñuvɨrïosa, zafiro; imombosapɨsa, ágata; imoirugätusa, esmeralda;