1 Corintios 2:14 - Tüpä Ñe'ëngagwer

¹⁴ Akoi ava ndovɨrekoi va'e Tüpä Espíritu opɨ'a pɨpe, ndoipɨsɨi ete mba'e Tüpä Espíritu suindar yuvɨreko, esepia chupe evokoi mba'e avɨye egwë e'i tëi va'e. Iyavei ndosendukwa katui ete yuvɨreko, esepia evokoi nungar mba'e sendukwasa Espíritu pɨpeño ite.

Tũpa Ñehengagüer

¹⁴ Acoi ava ndovɨrecoi vahe rumo Tũpa Espíritu opɨha pɨpe, ndoipɨsɨi eté mbahe Tũpa Espíritu suindar yuvɨreco. Esepia, chupe evocoi mbahe avɨye ẽgüe ehi tẽi vahe, iyavei ndosenducua catui eté yuvɨreco. Esepia, evocoi nungar mbahe senducuasa Espíritu pɨpeño ité.

1 Corintios 2:14 Iomraidhean Croise

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Juan 10:20

Seta iteanga ipa'ü pendar aipo e'i va'e: –¿Ma'erä vo pemboyeroya, esepia vɨreko ite karugwar oyese iyavei ndayarakwai ete oiko?

San Juan 12:37

Yepe Jesús seta iteanga oyapo tuvicha va'e poromondɨisa ava re'ɨi rovake viña, a'e rumo ndovɨroyai ñoite yuvɨreko;

San Juan 14:26

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

San Juan 15:26

“Akoi ouse rumo Poropɨtɨ̇vɨïsar che Ru suindar a'e che amboura, Espíritu supiete va'e che Ru sui ou va'e, a'e omombe'ura che rekokwer.

San Juan 5:44

¿Ndapeikatui ete che reroya agwä peye, esepia pe ae tëi peyemboetei; ndapesekai ete Tüpä ñepëi va'e suindar yemboeteisa?

San Juan 8:43

¿Ma'erä pi'ä ndapesendukwa katui ete mba'e che remimombe'u? Esepia ndapeyapɨsaka potai ete che ñe'ë rese.

Los Hechos 16:14

Ñepëi kuña imboetasa Lidia serer va'e; tekwa Tiatira pendar iyavei omondo turukwar piräumbɨ sepɨrusuai va'e gwarepochi repɨrä. Ko kuña Tüpä mboeteisar iyavei oyapɨsaka ite ñe'ësa rese, yande Yar omo'ɨ̇vi ipɨ'añemoñetasa iyapɨsaka tuprɨ agwä Pablo remimombe'u rese.

Los Hechos 17:18

Evokoiyase oime amove mbɨa oyembo'e va'e epicúreo arakwasa rese iyavei mbɨa oyembo'e va'e estoicos arakwasa rese omboɨpɨ oyemomborandu sese yuvɨreko. Ñepëi ipa'ü pendar aipo e'i: –¿Mba'e rese pi'ä ko mbɨa oñe'ë iñe'ë paparai va'e oiko? Ambuae avei aipo e'i yuvɨreko: –Ndoyavɨi ko mbɨa oñe'ë va'e ambuae ava tüpä rese tëi. Aipo e'i yuvɨreko esepia Pablo omombe'u ite ñe'ësa avɨye va'e Jesús rekokwer resendar ikwerayevɨsa resendar avei.

Los Hechos 17:32

Osenduse kwerayevɨsa resendar, a'ese oime ava oyoyai katu va'e yuvɨreko seroɨrösave, ambuae rumo aipo e'i yuvɨreko: –Ko pɨpe rese voi torosendu iri aipo ñe'ësa.

Los Hechos 18:15

Ko rumo peñe'ë ñotëi, porokwaita pereko va'e rese, sese pemoigätuño pe ae pe rekokwer; esepia che ndaiko potai evokoi mba'e tëi pɨpe.

Los Hechos 25:19

Mba'e sembieroya tëi omombe'u yuvɨreko, evokoi Jesús omano e'i ava yuvɨreko, Pablo rumo aipo e'i imombe'u oikoveño ite.

1 Corintios 1:18

Esepia akoi ava okañɨ tëi va'erä upe ko ñe'ësa kurusu rese Cristo manosa resendar avɨye egwë e'i tëi va'e viña; yande ipɨsɨröprɨ yaiko va'erä upe rumo ko ñe'ësa vɨreko ite Tüpä pirätäsa.

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 1:23

yande rumo yamombe'u ite ñepëi Poropɨsɨrösa atɨka agwer kurusu rese yaiko. Ko ñe'ësa nda'ei ete avɨye va'e judío eta pɨ'a rupi, iyavei ava nda'ei va'e judío upe ko ñe'ësa osenduse avɨye akoi egwë e'i tëi va'e yuvɨreko chupe;

1 Corintios 1:25

Esepia Tüpä mba'ekwasa ava upe avɨye egwë e'i tëi va'e, iyavei Tüpä reko mbegwesa ipirätä katu opakatu ava pirätäsa sui.

1 Corintios 15:44

Supiete, akoi ava re'ögwer ñotɨ̇sa va'e, a'e ko ɨvɨ pɨpendar tëi setekwer; okwerayevɨse rumo, setekwer ɨva pendar sekoira. Esepia oime ite ɨvɨ pendar setekwer, oime avei ɨva pendar setekwer.

1 Corintios 15:46

Yɨpɨndar oime ko ɨvɨ pɨpendar tekovesa, ipare rumo oime ko tekovesa ɨva pendar yandeu.

1 Corintios 2:12

Yande evokoiyase nda'ei ko ɨvɨ pɨpendar tëi espíritu yaipɨsɨ, egwë e'i rumo Espíritu Tüpä suindar ite yaipɨsɨ, yaikwa va'erä avei Tüpä porerekosa oporoaɨsusa pɨpe ombou va'e yandeu.

1 Corintios 3:1

Che rɨvrɨ eta, ndapegwata tuprɨi pɨ'a ñemoñetasa avɨye va'e rupi, pe rumo pegwataño vɨte ava tëi pɨ'a ñemoñetasa rupi peiko, pe pɨ'a ñemoñetasa inungar pitani pɨ'a ñemoñetasa tëi Cristo rese.

Santiago 3:15

Esepia ko mba'ekwasa nda'ei ete Tüpä sui ou va'e, a'e mba'ekwasa rumo ko ɨvɨ pɨpendar tëi, ava pɨ'añemoñeta sui tëi osë va'e karugwar suindar tëi avei.

1 San Juan 2:20

Cristo, ndaseko maräi va'e omondo peü, Espíritu Maräne'ɨ̇, ipɨpe sui kurïtëi opakatu peikwa mba'e supi tuprɨ va'e.

1 San Juan 2:27

Pereko Espíritu Maräne'ɨ̇ Jesucristo ombou va'e peü, sese ndiyai ete ambuae pe mbo'era yuvɨreko, Espíritu ae pe mbo'e opakatu mba'e rese, iporombo'esa supiete ndoporombopai va'e, sese peikoño Cristo rese Espíritu Maräne'ɨ̇ pe mbo'esa rupi.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

San Judas 1:19

A'e ava ni'ä omboya'o-ya'o ukara ava yuvɨreko; gwekokwer ɨvɨ pɨpendar tëi vɨreko va'e, a'e ni'ä ndovɨrekoi Tüpä Espíritu yuvɨreko.