1 Corintios 2:1 - Tüpä Ñe'ëngagwer

¹ Iyavei che rɨvrɨ eta, che asose añe'ëse peü Tüpä suindar ñe'ësa supiete va'e yɨpɨndar ndikwasai va'e pɨpe, nañe'ëi ko ɨvɨ pɨpendar tëi ava mba'ekwasa pɨpe, ñe'ësa ɨvateai va'e pɨpe avei.

Tũpa Ñehengagüer

¹ Iyavei, che rɨvɨreta, che asose cuese, añehese pẽu Tũpa suindar ñehesa supi eté vahe yɨpɨndar ndicuasai vahe pɨpe, nañehei co ɨvɨ pɨpendar tẽi ava mbahecuasa pɨpe, ñehesa ɨvate ai vahe pɨpe avei.

1 Corintios 2:1 Iomraidhean Croise

Los Hechos 20:21

Amombe'u ñe'ësa judío eta upe, ava nda'ei va'e judío upe avei aipo a'e peyevɨ Tüpä upe, iyavei peroya yande Yar Jesús.

Los Hechos 22:18

Asepia yande Yar, a'e aipo e'i cheu: ‘Nde poyava eso voi Jerusalén sui, esepia ndoyapɨsaka potai chira eremombe'use ñe'ësa che resendar yuvɨreko.’

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

1 Corintios 1:17

Cristo ndachekwai che poroapirämo agwä, a'e rumo che kwai amombe'u va'erä iñe'ëngagwer vichiko, iyavei nda'ei ñe'ësa yavai katu va'e aiporu, esepia nañomi potai ete ko ñe'ësa pirätägwer Cristo kurusu rese imano agwer resendar ava sui.

1 Corintios 1:6

esepia ko ñe'ësa avɨye va'e Cristo resendar a'e sekoi ete pe rese peñekuñarö agwä.

1 Corintios 2:13

A'e ni'ä oromombe'u Tüpä Espíritu ore mbo'e va'e, nda'ei ñe'ësa ava tëi arakwasa sui. Egwë oro'e ko supiete va'e ñe'ësa espíritu suindar oromombe'u espíritu rese yuvɨrekoi va'e upe yepi.

1 Corintios 2:4

iyavei akoi añe'ëse ñe'ësa pɨsɨrösa rese peü, ndaiporui ete rumo ñe'ësa ɨvateai va'e pe pɨ'a ñemoñetasa rerova agwä. Che rumo, Tüpä Espíritu pirätäsa pɨpe añe'ë peü,

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

2 Corintios 10:10

Oime ava che rembikwachia upe yavai eteanga sendukwa agwä e'i yuvɨreko, che añe'ëse rumo peü ndayeeko mboɨvateai ete, ndapeyapɨsakai avei che ñe'ë rese.

2 Corintios 11:6

Yepe ndayembo'ei che ñe'ë tuprɨ agwä viña, che rumo areko che mba'ekwasa, a'e oromboyekwaño ite opakatu ore rembiapo pɨpe pe rembiepiave.

2 Tesalonicenses 1:10

akoi ouse a'e arɨ pɨpe, yande Yar imboeteisara opakatu seroyasar pa'üve; ipa'üve peikora, esepia peroya ite oromombe'u va'e peü.

1 Timoteo 1:11

Ko porombo'esa nimaräi va'e oyoya tuprɨ ñe'ësa porañete va'e poropɨsɨrösa rese. Tüpä sovasaprɨ sekoi, a'e che kwai va'e sese.

2 Timoteo 1:8

Evokoiyase eresɨkɨye eme katu yande Yar rekokwer mombe'u; nderechï chiaveira che rokendasa sui tëi. Esepia yande Yar rekokwer mombe'usa sui tëi ni'ä che rokenda yuvɨreko. Iyakatu rumo nde avei ereñemosañora ko mba'e-mba'e tëi Tüpä pirätäsa pɨpe. A'e oura ndeu ñe'ësa pɨsɨrösa resendar mombe'usa sui.

1 San Juan 4:14

Orosepia oromombe'u avei, yande Ru ombou Gwa'ɨrɨ ava ɨvɨ pɨpendar pɨsɨrö agwä.

Apocalipsis 1:2

a'e supiete omombe'u opakatu mba'e osepia va'ekwer iyavei omombe'u evokoi Tüpä ñe'ëngagwer akoi Jesucristo oikwa uka tuprɨ va'e mba'e supiete va'e.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 19:10

Ipare añenopɨ'ä mbigwai ɨva pendar rovai imboetei agwä, a'e rumo aipo e'iño cheu: “Egwë erei rene, esepia che mbigwai ɨva pendar Tüpä suindar aiko, nde nungar iyavei nde rɨvrɨ eta nungar ogwata va'e Jesús ñe'ëngagwer rupi. Emboetei katu Tüpä eiko.” Esepia ni'ä evokoi Jesús ñe'ëngagwer omogere'ɨ̇ katu ite Tüpä ñe'ë mombe'usar sereko.