1 Corintios 16:6 - Tüpä Ñe'ëngagwer

⁶ Avɨyeteramo apɨta pukumira pe pɨri, anise iro'ɨ so'ɨ̇sa iteanga va'e che mombɨtañora pe pɨri; a'ese pe che pɨtɨ̇vɨïñomira peye eipeve sui ambuae tekwave che so agwä rese.

Tũpa Ñehengagüer

⁶ Avɨyeteramo apɨta pucumira pe pɨri, anise avɨyeteramo pe pɨrive ité mbahe porañehɨ che mombɨtañora. Ipare pe che pɨ̃tɨvɨiñomira peye eipeve sui ambuae tecuave che so ãgua rese.

1 Corintios 16:6 Iomraidhean Croise

Los Hechos 15:3

Egwë e'i Jesús reroyasar Antioquía pendar yokwai imondo yuvɨreko, oñokwäse Fenicia Samaria avei yuvɨraso, ogwatasa rupi omombe'u-mbe'u Jesús reroyasar upe nda'ei va'e judío rekokwer yuvɨreko aipo e'i seta ava nda'ei va'e judío opa oseya araka'endar arakwasa Tüpä rupi ogwata agwä yuvɨreko. A'ese opakatu Jesús reroyasar oyembovɨ'arete yuvɨreko senduse.

Los Hechos 17:15

Yuvɨrekoi va'e Pablo rupi a'e yuvɨraso ite tekwa Atenas ve supi. Ichui yuvɨroyevɨse gweru ñe'ësa Silas iyavei Timoteo upe, yuvɨraso voi va'erä ipɨri yuvɨreko.

Los Hechos 20:38

Ipare ndoyembovɨ'ai ete yuvɨreko, esepia ndache repia iri chietera peye e'i. Ipare yuvɨraso supi ɨarusu yemboyasave.

Los Hechos 21:5

Ñuvɨrïo ova arɨ pare rumo, orosoño ite paragwasu popɨve. Opakatu Jesús reroyasar yugweru gwembireko, gwa'ɨrɨ reseve-seve ore rupi, a'eve oroñenopɨ'äpa ore yerure agwä.

Los Hechos 27:12

Iyavei a'e ɨarusu yemboyasa naporäi ete iro'ɨ so'ɨ̇sa pɨpe pɨtu'u agwä a'eve, sese opakatu ipɨ'añemoñeta yuvɨnosë voi va'erä ichui oyepota agwä Fenice ve yuvɨreko, a'eve oime ɨarusu yemboyasa Creta ve a'eve ɨarusu yuvɨroike norte ɨke rupi iyavei iro'ɨ ɨke rupi yepi, a'eve yuvɨrekoi pota iro'ɨ pɨpe.

Los Hechos 28:11

Mbosapɨ yasɨ pare oroikose ka'a pa'üve, oroso ɨarusu pɨpe a'eve orosasa pare iro'ɨ so'ɨ̇sa iteanga va'e, a'e yugweru va'e Alejandría sui, a'e ichï rese ñuvɨrïo itüpä ra'anga yuvɨreko ñepëi rer Cástor, ambuae evokoiyase Pólux.

Romanos 15:24

asose España ve apɨtara vicho pe pɨri. Iyavei che opoepia pare, aikora rumo movɨrö arɨ tëi pe rese, che pɨtɨ̇vɨïra peye peikatugwer rupi che yepota agwä che so save.

1 Corintios 16:11

Tipo eme ñepëi yepe sepia potae'ɨ̇sar yuvɨreko; iya rumo peipɨtɨ̇vɨï katura che pɨri iyepota tuprɨ agwä rese, esepia che iyavei ambuae Jesús reroyasar rese orosärö ite iyepota agwä oroiko.

2 Corintios 1:16

yɨpɨndar che pɨ'a ñemoñeta pepɨri rane che so agwä che gwatasa rupi Macedonia ve, ichui ayevɨ pota iri pe pɨri viña. Ipare pe che pɨtɨ̇vɨïmira peye ɨvɨ Judea rupi che so agwä rese viña.

Tito 3:12

Che oromondose akoi Artemas ve anise Tíquico ve, eyemongere'ɨ̇ katu ereso va'erä Nicópolis ve che repia agwä, esepia asopota ite apɨtu'u a'eve so'ɨ̇sa va'e rärö.