1 Corintios 16:19 - Tüpä Ñe'ëngagwer

¹⁹ Jesús reroyasar Asia pendar opakatu ombou oma'endu'asa yuvɨreko peü. Áquila, Prisca avei ima'endu'a iteanga yuvɨreko pe rese iyavei opakatu ambuae ava oñemonu'ä va'e sëtäve yuvɨreko, a'e avei ombou oma'endu'asa yande Yar rer pɨpe yuvɨreko peü.

Tũpa Ñehengagüer

¹⁹ Jesús reroyasar Asia pendar opacatu ombou omahenduhasa yuvɨreco pẽu. Aquila, Priscila avei imahenduhá iteanga yuvɨreco pe rese iyavei opacatu ambuae ava oñemonuha vahe ahe sẽtave yuvɨreco, ahe avei ombou omahenduhasa yande Yar rer pɨpe yuvɨreco pẽu.

1 Corintios 16:19 Iomraidhean Croise

Los Hechos 16:6

Espíritu Maräne'ɨ̇ ndoipotai Asia rupi yuvɨraso va'erä Tüpä ñe'ëngagwer mombe'u agwä, sese oya'uva yuvɨraso Frigia rupi Galacia rupi avei,

Los Hechos 18:18

Pablo opɨta puku vɨte Corinto ve. Ipare koiye opa omboavɨrave Jesús reroyasar, oyoya tuprɨ Priscila iyavei Áquila rese, yuvɨraso ɨarusu pɨpe Siria ɨvɨ rese. A'e Cencrea ɨvɨ rese, o'a agwä ɨarusu pɨpe, a'ese opa oñeapi tuprɨ, omboavɨye agwä oñe'ëngagwer oiko.

Los Hechos 18:2

A'eve oyoepia mbɨa judío Áquila serer va'e rese yuvɨreko, a'e mbɨa aipo Ponto ve sekoi va'ekwer. Yɨpɨve katu rumo Áquila yugweru Italia sui gwembireko Priscila reseve, ichui yuvɨñose va'erä esepia mborerekwar Claudio toyuvɨnose ite opakatu judío Roma sui e'i, a'ese Pablo oso ipɨri,

Los Hechos 18:26

Apolo osɨkɨye e'ɨ̇sa pɨpe omombe'u ñe'ësa avɨye va'e oɨ judío ñemonu'äsave; osenduse iñe'ë Áquila iyavei Priscila vɨraso kokotɨ omombe'u tuprɨ va'erä Tüpä ñe'ëngagwer yuvɨreko chupe.

Los Hechos 19:10

egwë e'i ñuvɨrïo aravɨter rupi oiko, opakatu yuvɨrekoi va'e Asia rupindar, judío eta nda'ei va'e avei judío, osendu yuvɨreko yande Yar ñe'ëngagwer.

Los Hechos 2:9

Esepia, ko'ave yuvɨrekoi va'e: Partias pendar, Media pendar, Elam pendar, Mesopotamia pendar, Judea pendar, Capadocia pendar, Ponto pendar, Asia pendar,

Romanos 16:15

Pemombe'u avei che ma'endu'asa Filólogo upe iyavei Julia upe, Nereo upe iyavei seindrɨ upe, Olimpas upe, opakatu yande rɨvrɨ yande Yar rese yuvɨrekoi va'e ipɨrindar upe avei.

Colosenses 4:15

Pemboavɨravemi eipeve yande rɨvrɨ Laodicea pendar oreu. Kuña Ninfa serer va'e avei, toñemonu'ä avei Tüpä reroyasar opakatu gwëtä rupi yuvɨreko.

2 Timoteo 4:19

Emombe'u che ma'endu'asa Prisca upe Áquila upe avei, opakatu Onesíforo rëtä pendar upe avei.

Filemón 1:2

iyavei Jesús reroyasar toñemonu'ä nde rëtä pɨpe yuvɨreko, inungar yande reindrɨ Apia, Arquipo upe avei, yande ndugwer pɨtɨ̇vɨïsar.

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”