1 Corintios 16:11 - Tüpä Ñe'ëngagwer

¹¹ Tipo eme ñepëi yepe sepia potae'ɨ̇sar yuvɨreko; iya rumo peipɨtɨ̇vɨï katura che pɨri iyepota tuprɨ agwä rese, esepia che iyavei ambuae Jesús reroyasar rese orosärö ite iyepota agwä oroiko.

Tũpa Ñehengagüer

¹¹ Tipo eme ñepei yepe sepia potaẽhɨsar yuvɨreco, iya rumo peipɨ̃tɨvɨi catura che pɨri iyepota tuprɨ ãgua rese. Esepia, che iyavei ambuae Jesús reroyasar rese orosãro ité iyepota ãgua oroico.

1 Corintios 16:11 Iomraidhean Croise

San Lucas 10:16

“Akoi oyapɨsaka va'e peñe'ë rese, a'e oyapɨsaka avei che ñe'ë rese; iyavei akoi ndosendu potai va'e peñe'ë, che ñe'ë avei ndosendu potai, iyavei akoi ndosendu potai va'e che ñe'ë; che mbousar ñe'ë avei ndosendupotai yuvɨreko.”

Los Hechos 15:3

Egwë e'i Jesús reroyasar Antioquía pendar yokwai imondo yuvɨreko, oñokwäse Fenicia Samaria avei yuvɨraso, ogwatasa rupi omombe'u-mbe'u Jesús reroyasar upe nda'ei va'e judío rekokwer yuvɨreko aipo e'i seta ava nda'ei va'e judío opa oseya araka'endar arakwasa Tüpä rupi ogwata agwä yuvɨreko. A'ese opakatu Jesús reroyasar oyembovɨ'arete yuvɨreko senduse.

Los Hechos 15:33

Opɨtase movɨrö arɨ a'eve yuvɨreko, a'ese Jesús reroyasar Antioquía pendar aipo e'i avɨye, peyevɨ tuprɨ pe mbousar upe e'i yuvɨreko chupe.

1 Corintios 16:10

Akoi Timoteo oyepotase oso pe pɨri, taseko tuprɨño ite pe pa'üve, esepia a'e avei oporavɨkɨ yande Yar upe narä oiko che nungar.

1 Corintios 16:6

Avɨyeteramo apɨta pukumira pe pɨri, anise iro'ɨ so'ɨ̇sa iteanga va'e che mombɨtañora pe pɨri; a'ese pe che pɨtɨ̇vɨïñomira peye eipeve sui ambuae tekwave che so agwä rese.

2 Corintios 1:16

yɨpɨndar che pɨ'a ñemoñeta pepɨri rane che so agwä che gwatasa rupi Macedonia ve, ichui ayevɨ pota iri pe pɨri viña. Ipare pe che pɨtɨ̇vɨïmira peye ɨvɨ Judea rupi che so agwä rese viña.

1 Tesalonicenses 4:8

Sese akoi ndosendu potai va'e ko yembo'esa, nda'ei ete ava tëi vɨroɨrö, a'e rumo Tüpä ite vɨroɨrö yuvɨreko akoi ombou va'e oyesuindar Espíritu Maräne'ɨ̇ peü.

1 Timoteo 4:12

Tipo eme ava nde reroɨrö va'e chi'ïvä'e katu nde reko rese; nde rumo ereiko tuprɨra Tüpä reroyasar rovake. Eñe'ë Tüpä reroyasave nde reko tuprɨsa pɨpe. Esaɨsu tuprɨ nde yeroyasave nde rekokwer maräne'ɨ̇ pɨpe.

Tito 2:15

Evokoi rese erembo'era, eremongere'ɨ̇ra eremboarakwa aveira opakatu nde porokwaita pɨpe. Sese tipo eme nde reroɨrösar.

3 San Juan 1:6

A'e omombe'u ore ñemonu'äsave opakatu nde poroaɨsusa resendar yuvɨreko oreu. Eyapo katu mba'e ikatuprɨ va'e; eipɨtɨ̇vɨï katu chupe mba'e ipane va'e rese igwataño agwä Tüpä remimbotar rupi yuvɨreko.