1 Corintios 16:1 - Tüpä Ñe'ëngagwer

¹ Iyavei ko gwarepochi monu'ä agwä iparaɨsu va'e Jesús reroyasar upe narä, pe avei katu peyapo mba'e inungar che amombe'u Jesús reroyasar ɨvɨ Galacia rupindar upe.

Tũpa Ñehengagüer

¹ Iyavei co guarepochi monuha ãgua iparaɨsu vahe Jesús reroyasar upe nara, pe avei catu peyapo mbahe inungar che amombehu Jesús reroyasar ɨvɨ Galacia rupindar upe.

1 Corintios 16:1 Iomraidhean Croise

Los Hechos 11:28

Ñepëi ipa'ü pendar, Agabo serer va'e, Espíritu pirätäsa pɨpe opü'a omombe'u ñe'ësa ou va'erä tɨavor tuvicha va'e opakatu ɨvɨ rupi, a'e egwë e'i ete, mborerekwar ɨvate katu va'e Claudio rekose.

Los Hechos 11:30

Egwë e'i yapo, Bernabé iyavei Saulo rupi porerekosa omondo mborerekwar tekwa Judea pendar upe yuvɨreko.

Los Hechos 16:6

Espíritu Maräne'ɨ̇ ndoipotai Asia rupi yuvɨraso va'erä Tüpä ñe'ëngagwer mombe'u agwä, sese oya'uva yuvɨraso Frigia rupi Galacia rupi avei,

Los Hechos 18:23

Opɨta puku pare a'eve, osë ogwata iri Galacia rupi Frigia rupi avei, opakatu Jesús reroyasar mongere'ɨ̇ agwä.

Los Hechos 24:17

“Seta aravɨter pare ayevɨ che rekwa Jerusalén ve, ava iparaɨsu va'e upe porerekosa mondo agwä, iyavei Tüpä upe seropove'ë pɨrä.

Los Hechos 9:13

Ko osenduse, Ananías aipo e'i: “Che Yar, seta rumo evokoi mbɨa rekokwer omombe'u yuvɨreko cheu mba'e tëi oyapo va'e nde reroyasar reko maräne'ɨ̇ upe Jerusalén ve.

Los Hechos 9:41

A'ese oipopɨsɨ imoñarapü'a; ipare oñe'ë opakatu Jesús reroyasar kuña imer mano va'ekwer upe avei aipo e'i, pesepia ko okwerayevɨse.

Romanos 12:13

Peipɨtɨ̇vɨïra ava tekwa pendar iporeroya va'e ipanese mba'e chupe; pemo'äpɨsɨra ava oyepota va'e pe pɨri.

1 Corintios 11:34

Akoi ava ndasɨepoise yuvɨreko, tokaru rane gwëtäve, a'ese Tüpä nomondoi chira chupe poronupasa yuvɨrasose ñemonu'äsave. Iyavei che asose eipeve pe repia opara ambuae mba'e amoigätu vicho peü.

1 Corintios 16:15

Che rɨvrɨ eta, peikwa Estéfanas opakatu gwëtä pendar reseve, a'e ranei yɨpɨndar ɨvɨ Acaya rupi vɨroya va'e ñe'ësa yande Yar resendar yuvɨreko, oyemondo avei ambuae Jesús reroyasar rese añeko tuprɨ agwä yuvɨreko no.

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

Gálatas 1:2

che Pablo, iyavei opakatu Jesús reroyasar yuvɨrekoi va'e reseve oromondo ore avɨravesa opakatu Jesús reroyasar Galacia ve peiko va'e upe.

Gálatas 2:10

A'e rumo oporandu yuvɨreko oreu, oroyemoma'endu'a va'erä ava iparaɨsu va'e pɨtɨ̇vɨï agwä rese, che rumo egwë a'e pota ite yɨpɨsuive vichiko yepi.

Filemón 1:5

esepia ni'ä aipɨsɨ ite ñe'ësa yeaɨsusa iyavei poreroyasa yande Yar Jesús rese pereko va'e opakatu ava ndaseko maräi va'e rese avei.

Filemón 1:7

Cherorɨvete ayemongere'ɨ̇ katu avei nde poroaɨsusa rese, nde evokoiyase che rɨvrɨ, eremongere'ɨ̇ katu ava pɨ'a ñemoñetasa avɨye va'e ko tekwa pɨpe yuvɨreko.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

1 San Juan 3:17

Akoi ava mba'e yar imba'e eta va'e iyavei osepia tëise ambuae paraɨsusa, nomondoi rumo mba'e ipane va'e chupe, ¿marä e'i pi'ä evokoiyase Tüpä poroaɨsusa rereko opɨ'a pɨpe?