1 Corintios 15:52 - Tüpä Ñe'ëngagwer

⁵² mimbɨ moñe'ë ipa va'e pare yande resapɨ'ara inungar yande resapikɨ va'e. Esepia mimbɨ imoñe'ësara, omano va'ekwer kwerayevɨ agwä ipare nomano iri va'erä yuvɨreko; yande evokoiyase yande rete opara sekuñarösa.

Tũpa Ñehengagüer

⁵² Mimbɨ moñehese voi yande resapɨhara inungar yande resapiquɨ vahe, ẽgüe ehira secuñarosapa yande rete. Aheseve avei omano vahe ocuerayevɨpara apɨrẽhɨ vaherã ité yuvɨreco; yande evocoiyase nayamano vɨtei vahe, opaño tẽira yande rete secuñarosa.

1 Corintios 15:52 Iomraidhean Croise

San Mateo 24:31

Iyavei amboura mbigwai eta ɨva pendar, a'e evokoiyase gwemimbɨ omoñe'ë pirätära opakatu che rembiporavo ko ɨvɨ rupindar amombrɨ rupi yuvɨrekoi va'e monu'ä agwä.”

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 5:28

Peyepɨ'ämondɨi rene aipo che esa sui, esepia oyepotara arɨ imombe'uprɨ a'ese opakatu ava omano va'ekwer osendura che ñe'ë yuvɨreko

1 Corintios 15:23

Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

1 Corintios 15:42

Egwë e'i aveira ni'ä omano va'e kwerayevɨsa; yañotɨ̇se se'ögwer, a'e ituyu va'erä. Okwerayevɨse rumo ndituyu iri chietera; apɨre'ɨ̇ va'erä ite sekoira.

1 Corintios 15:50

Che rɨvrɨ eta, ko mba'e amombe'u potami peü, akoi ava upe gwetekwer reseve, ndiyai ete seike agwä ɨvave Tüpä mborerekwasave, esepia ko yande rete okañɨ tëi va'erä, ndoipɨsɨi chira tekokwer apɨre'ɨ̇ va'e.

1 Tesalonicenses 4:15

Sese ko oromombe'u peü, inungar yande Yar porombo'esa, yande yaikove vɨte va'e ko ɨvɨ pɨpe, akoi oyevɨse yande Yar, nda'ei chira yande rane omano va'ekwer sui yayemboya yande Yar rese.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

Apocalipsis 8:13

Ipare asepia, asendu avei vɨra gwasu ovevese ɨva mbɨter rupi, aipo e'i oñe'ë pirätä: “¡Too, too, too iparaɨsu katura moko ava yuvɨrekove vɨte va'e ɨvɨ pɨpe, akoi omoñe'ëse ambuae imombosapɨsa mbigwai ɨva pendar gwemimbɨ yuvɨreko!”

Apocalipsis 8:2

Ichui asepia ñuvɨrïo ova tuprɨ mbigwai ɨva pendar yuvɨno'äi va'e Tüpä rovai, chupe opa imondosa ñuvɨrïo ova tuprɨ mimbɨ.