1 Corintios 15:51 - Tüpä Ñe'ëngagwer

⁵¹ Che aipota peikwa va'erä ko mba'e oyekwa ramo va'e Tüpä suindar: Nda'ei chira opakatu yamano, opakatu rumo yande rete avɨyeteramo tëiete sekuñarösapara

Tũpa Ñehengagüer

⁵¹ Iya, peicua co mbahe oyecua ramo vahe: ndahei chira opacatu yamano. Opacatu rumo yande rete avɨyeteramo tẽi eté secuñarosapara.

1 Corintios 15:51 Iomraidhean Croise

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

1 Corintios 15:18

Akoi egwë e'ise ite viña, evokoiyase omano va'e Cristo reroyasar a'e okañɨ tëi aveira yuvɨreko viña.

1 Corintios 15:20

Cristo rumo supiete okwerayevɨ omano va'e pa'ü sui. A'e rane ite ni'ä yɨpɨndar okwerayevɨ va'e sekoi.

1 Corintios 15:6

Ichui oyemboyekwa quinientos sui seta katu va'e vɨroyasar upe, kurïtëi rumo seta vɨte yuvɨrekove sepiasarer, ambuae opa ite omano yuvɨreko.

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

1 Corintios 4:1

Pe rumo iya orekwa ukaño ite peye inungar Cristo pɨtɨ̇vɨïsar, iyavei orekwaita ite ni'ä Tüpä suindar ñe'ësa oyekwa ramo va'e rese oreporombo'e agwä.

2 Corintios 5:2

Supiete yaikove vɨtese ko yande rete ndipokopɨi va'e rese, yande poäsesa pɨpe yaipota ite yande rete ɨva pendar,

2 Corintios 5:4

Egwë e'i ete yande retekwer pɨpe vɨte yaikose, yande poäse yande vɨ'are'ɨ̇sa pɨpe, esepia ndayaipotai yande ä nani tuprɨ va'e nungar seko agwä, yande rumo yaipota yande retekwer ipɨasu va'e ndopai va'e, evokoiyase tokañɨpa ko mba'e okañɨ tëi va'erä yande resendar tekovesa pɨasu, ndopai va'e rereko agwä.

Efesios 1:9

iyavei oikwa uka gwemimbotar yɨpɨsuive ndikwasai va'e yandeu. Ko gwembiaporä mboavɨye agwä Cristo rese,

Efesios 3:3

Ko ñe'ësa yɨpɨndar ndikwasai va'e resendar Tüpä omboyekwa uka va'e cheu, a'e ni'ä aikwachia chi'ï peü.

Efesios 5:32

A'e ñe'ësa pɨpe oime mba'e Tüpä suindar ndikwasai va'e oyekwa ramo ite avɨye va'e. Che aroya Cristo opakatu seroyasareta avei.

Filipenses 3:21

a'e opirätäsa pɨpe vɨrekora opakatu mba'e opovrɨve. A'e opirätäsa pɨpe avei osekuñaröpara yande retekwer egwë e'i tëi va'e, a'ese inungar a'e setekwer sendɨyai, nimaräi va'e, egwë ya'e aveira yande yaiko kuri.