1 Corintios 15:34 - Tüpä Ñe'ëngagwer

³⁴ Pe pɨ'añemoñeta tuprɨ iri katu, peyemboangaipa uka iri eme avei, esepia amove pe pa'ü pendar oime ndoikwai va'e ite Tüpä yuvɨreko. Che aipo a'e peü toyuvɨnochi che ñe'ë osenduse yuvɨreko viya.

Tũpa Ñehengagüer

³⁴ Pepɨhañemoñeta tuprɨ iri, peyemboangaipa uca iri eme. Esepia, amove pe pãhu pendar oime ndoicuai vahe ité Tũpa yuvɨreco. Che aipo ahe ité pẽu ‘toyuvɨnochi che ñehe osenduse yuvɨreco’ viya.

1 Corintios 15:34 Iomraidhean Croise

San Mateo 22:29

Jesús omboyevɨ aipo e'i: –¡Pepɨ'a ñemoñetasa kokotɨ tëiete, esepia ndapeikwai ete Tüpä ñe'ë Ikwachiaprɨ araka'endar, ndapeikwai avei Tüpä pirätäsa!

San Juan 5:14

Koiye Jesús osepia tüpäro pɨpe, aipo e'i chupe: –Ereikwa ko nde kwerasa kurïtëi, ani ereyemboangaipa iri, mba'e tëi pɨpe nde vɨapi e'ɨ̇ iri agwä.

San Juan 8:11

A'e kuña omboyevɨ chupe: –Ndipoi ete che Yar. Jesús aipo e'i chupe: –Che avei ndoromokañɨ chira; sese kurïtëi eso iyavei ereyemboangaipa iri eme.

Los Hechos 26:8

¿Ma'erä vo pe ndaperoyai Tüpä porombogwerayevɨsa? ”

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

Romanos 13:11

Iyavei peikwa tuprɨ ko mba'e oime va'e yandeu, kurïtëi arɨ osupitɨ ite yande yemopoäse agwä. Esepia yande ñepɨsɨrösa köimi ete sekoi yɨpɨndar va'e sui, yaroyase iñe'ëngagwer sereko.

1 Corintios 4:14

Nda'ei pe mochi agwä aipo a'e ikwachia peü, egwë e'i rumo pe mboarakwa agwä tëi, inungar che ra'ɨrɨ ite, che rembiaɨsu opovɨreko.

1 Corintios 6:5

Che aipo a'e ite peü pechï agwä: ¿Ndipoimi ete vo pe pa'üve ñepëi yarakwa va'e oikatu va'e, mba'e tëi peyeupendar moigätu agwä?

1 Corintios 8:7

Nda'ei opakatu oikwa mba'e supi va'e ite yuvɨreko. Oime ava ndasesarai vɨtei va'e oyerure agwä mba'e ra'anga upe tëi, yuvɨro'u vɨte avei mba'e ro'o seropove'ëprɨ mba'e ra'anga tüpä upe opɨ'a ñemoñetasa pɨpe yuvɨreko; iyavei ipɨ'a ñemoñetasa nipirätäise a'ese kokotɨ tëi vɨreko opɨ'a ñemoñetasa mba'e ra'anga rese yuvɨreko.

Efesios 5:14

esepia ko tesapesa, omboyekwa tuprɨ opakatu mba'e rekokwer yandeu. Sese aipo e'i: “Peyemopoäse pe oke va'e nungar; peyepepɨ omano va'e pa'ü sui, esepia Cristo nde rekokwer resapera.”

1 Tesalonicenses 4:5

peikoi rene ava Tüpä ndoikwai va'e reko pɨpe pe remimbotar tëi apo agwä.