1 Corintios 15:32 - Tüpä Ñe'ëngagwer

³² Supiete che avavase ma'embiar oñaröai va'e rese viña Éfeso ve, aikora revo evokoiyase ava nungar tëi viña, ¿mba'e pi'ä evokoiyase aipɨsɨra sepɨrä viña? Supiete ni'ä omano va'e ndokwerayevɨi chietera, ma'erä evokoiyase oime aipo e'i va'e yuvɨreko: “¡Yakaruño yaɨ'uño avei, esepia ayi'ive opara yamano!”

Tũpa Ñehengagüer

³² Oime mbɨa Efeso pendar mbahe tẽi eté oyapo yuvɨreco cheu. Avɨye acoi mahembiar oñaro ai vahe rese avava vahe vichico. Acoi omano vahe ndocuerayevɨise rumo yuvɨreco viña, evocoiyase ichui ndipoi chietera mbahe avɨye vahe cheu viña. Sese che ayapoño itera inungar ava aipo ehi vahe yuvɨreco viña “yacaruño, yaɨhuño avei. Esepia, ayihive yamanora” ehi vahe.

1 Corintios 15:32 Iomraidhean Croise

San Lucas 12:19

Evokoiyase aipo a'era che yeupe: Che mborɨpar, oime seta mba'e cheu aravɨter momba-momba agwä; sese kurïtëi apɨtu'ura vichiko, akarura iyavei ayembovɨ'aretera.’

San Lucas 9:25

¿Avɨyera pi'ä ava upe opakatu mba'e vɨrekose ko ɨvɨ pɨpe, a'e ae tëi oyembopase anise oñemokañɨ tëira oiko?

Los Hechos 18:19

Oyepotase Éfeso ve yuvɨreko, a'eve Pablo oseya Priscila iyavei Áquila ichui oso oɨ judío ñemonu'äsave a'eve omombe'u ñe'ësa avɨye va'e judío eta upe.

Los Hechos 18:21

a'e rumo omboavɨravepa ava yuvɨraso agwä ichui aipo e'i: “Tüpä oipotase cheu, ayevɨ irira pe pɨri.” Ipare Pablo oso Éfeso sui ɨarusu pɨpe.

Los Hechos 19:1

Apolo sekoi vɨteseve Corinto ve, Pablo osasa ɨvɨtrɨ oso ipare oyepota Éfeso ve, a'eve osepia seta Jesús reroyasar.

Romanos 3:5

Yande rekorai pɨpe tëi yamboyekwase Tüpä reko tuprɨsa, ¿marä ya'era vo evokoiyase? ¿Tüpä nda'ei supi tuprɨ va'e ya'e yande nupase yande reko raisa sui? (Che rumo añe'ë inungar ava ko ɨvɨ pɨpendar tëi.)

Romanos 6:19

(Che amboyoya tekokwer mba'e ko ɨvɨ pɨpendar rese imombe'u peü, esepia yavai vɨte ite peü ko ñe'ësa rendukwa tuprɨ agwä.) Yɨpɨndar pe retekwer pereko mba'e tëi pɨpe mba'e naporäi va'e apo agwä, egwë peye avei kurïtëi pe rekokwer mondo mba'e tuprɨ apo agwä, ipɨpe sui peikora tekovesa maräne'ɨ̇ pɨpe.

1 Corintios 16:8

che rumo kurïtëi apɨtaño vɨtera ko'ave Éfeso ve, asepia ranera Pentecostés pieta,

Gálatas 3:15

Che rɨvrɨ eta, amboyoya pota mba'e ko ɨvɨ pɨpendar mba'e rese: inungar akoi ava ñepëi reseve oikwachiase gwemimbotar omombe'u va'e, a'ese ndipoi ete ambuae ava omboye'o va'erä ndipoi avei ambuae ava omboyeapɨ iri va'erä.

2 San Pedro 2:12

Evokoi ava yuvɨrekoi mba'e mɨmba nungar tëiete: ndovɨrekoi avei pɨ'a ñemoñetasa oyese avɨye va'e yuvɨreko, evokoi nungar yuvɨro'a yukapɨrä tëiete. A'e oñe'ërai tëi va'e mba'e gwemiendukwae'ɨ̇ rese, mba'e mɨmba nungar tuprɨ avei rumo omanora yuvɨreko gwekokwerai pɨpe,

San Judas 1:10

Evokoi ava yuvɨrekoi va'e oñe'ë tëi va'e mba'e ndosendukwai; iyavei ko mba'e oikwa va'e oyesui tëi, inungar mba'e mɨmba ndipɨ'a ñemoñetai va'e oyesui tëi imba'ekwa, a'e oiporu yuvɨreko oyemokañɨ agwä tëi.