1 Corintios 15:3 - Tüpä Ñe'ëngagwer

³ Akoi ñe'ësa aipɨsɨ va'e opa uka aikwa peü, esepia Cristo omano yande angaipa repɨrä Tüpä ñe'ëngagwer Ikwachiaprɨ rupi ete;

Tũpa Ñehengagüer

³ Acoi ñehesa aipɨsɨ vahe, opa uca aicua pẽu. Esepia, ahe avɨye catu vahe: Cristo omano yande angaipa repɨrã Tũpa Ñehengagüer icuachiaprɨ rupi eté

1 Corintios 15:3 Iomraidhean Croise

San Mateo 26:24

Imboavɨyesa itera che ava ɨvate katu va'e Ra'ɨrɨ, rese ñe'ësa Ikwachiaprɨ; ¡iparaɨsu katura rumo akoi mbɨa che mondosar! Avɨye katura ndoyesuise viña.

San Mateo 26:28

esepia ko che ruvɨ, a'e che Ru remimbotar ipɨasu va'e peü narä, che ruvɨ oyepɨyerera ava re'ɨi rekokwer angaipa repɨrä rese.

San Lucas 24:25

Evokoiyase Jesús aipo e'i chupe: –¡Ndapeikwai ete rumo pe pɨ'a pɨpe seroya tuprɨ agwä opakatu Tüpä ñe'ë mombe'usar remimombe'ugwer!

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

Los Hechos 17:2

Pablo, osoño va'e ite mbɨtu'usa arɨ rupi oɨ judío ñemonu'äsave yepi, mbosapɨ mbɨtu'usa arɨ rupi, oñemoñeta ñe'ësa Ikwachiaprɨ pɨpendar rese yuvɨreko.

Los Hechos 3:18

Egwë e'i Tüpä imboavɨye araka'endar opakatu oñe'ë mombe'usar upe gwemimombe'ugwer: Poropɨsɨrösar oiporarara mba'e-mba'e tëi rasɨkwer omano oiko.

Los Hechos 8:32

A'e iyerokɨsa pɨpe Ikwachiaprɨ aipo e'i: “Serasosa inungar ovesa yuka agwä mba'e mɨmba yukasave; inungar ovesa membrɨ nasasëi va'e ite yepɨ egwë e'i avei oyukasar rovai, egwë e'i tuprɨ avei a'e mbɨa noñe'ëi ete.

Romanos 3:25

Tüpä rumo ombou Gwa'ɨrɨ Cristo oipɨyere va'erä vuvɨ yande angaipa rese ñerö agwä. Ko poropɨsɨrösa yareko yande yeroyasa pɨpe. Na e'i pota Tüpä yande rekokwer moigätu agwä: ipɨpe sui iñeröira yande angaipa yayavɨ va'ekwer upe,

Romanos 4:25

a'e imondoprɨ ite manosa pɨpe yande angaipa repɨrä, ipare okwera yevɨ yande pɨsɨ agwä seko katuprɨ va'e nungar oyeupe.

1 Corintios 11:2

Avɨye peü che rɨvrɨ eta esepia ndaperesai ete che sui yepi iyavei pema'endu'a pegwataño vɨte avei che opombo'e va'e agwer rupi.

1 Corintios 11:23

Ko ñe'ësa aipɨsɨ va'e yande Yar suindar amombe'u va'e peü: A'e pɨ̇tü pɨpe akoi Jesús mbogwaisar opɨsɨ agwä renonde, a'ese mboyape oipɨsɨ

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 1:12

Nda'ei avei ava tëi che mbo'e, Jesucristo ite ni'ä oikwa uka cheu.

Gálatas 1:4

Jesucristo oyemondo mano pɨpe yande angaipa repɨrä, egwë e'i kurïtëi yande renose ko ɨvɨ pɨpe mba'e-mba'e tëi sui yande Ru Tüpä remimbotar rupi.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Hebreos 5:1

Opakatu pa'i ɨvate katu va'e iporavoprɨ sekoi ava pa'ü sui, ava rekokwer reropove'ë agwä Tüpä upe iyavei porerekosa mondo agwä chupe, mba'e mɨmba yukaprɨ reropove'ë agwä avei ava angaipa repɨrä.

Hebreos 5:3

a'e rumo gweko pirätä e'ɨ̇sa pɨpe vɨropove'ë mba'e mɨmba yukaprɨ Tüpä upe oangaipa repɨrä, opakatu ambuae ava angaipa repɨrä avei.

1 San Pedro 1:11

Cristo Espíritu yɨpɨve ite oikwa uka Tüpä ñe'ë mombe'usar upe, marä e'ira Cristo oparaɨsu oiko, ipare rumo oura teko orɨ porañete va'e chupe; a'e evokoiyase oikwa pota ite Espíritu remimombe'ugwer yuvɨreko.

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

1 San Juan 2:2

Jesucristo oyemondo manosa pɨpe oime va'erä ñeröisa yande angaipagwer mokañɨ agwä; nda'ei yande angaipagwer rese gweraño, opakatu ava ɨvɨ pɨpendar upe avei.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,