1 Corintios 15:23 - Tüpä Ñe'ëngagwer

²³ Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

Tũpa Ñehengagüer

²³ Ñepei-pei yandeu imombehusa rupi; yɨpɨndar Cristo ocuerayevɨ, ichui yande seroyasar yaico vahe yacuerayevɨ aveira sese acoi ahe oyevɨse curi.

1 Corintios 15:23 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

Los Hechos 26:23

Poropɨsɨrösar omano ranera itera, a'e rumo yɨpɨndar okwerayevɨ va'erä omano va'e pa'ü sui, omombe'u aveira tesapesa ñepɨsɨrösa resendar yande rekwa rupi ambuae tekwa rupi avei.”

1 Corintios 15:20

Cristo rumo supiete okwerayevɨ omano va'e pa'ü sui. A'e rane ite ni'ä yɨpɨndar okwerayevɨ va'e sekoi.

1 Corintios 15:52

mimbɨ moñe'ë ipa va'e pare yande resapɨ'ara inungar yande resapikɨ va'e. Esepia mimbɨ imoñe'ësara, omano va'ekwer kwerayevɨ agwä ipare nomano iri va'erä yuvɨreko; yande evokoiyase yande rete opara sekuñarösa.

1 Corintios 3:23

iyavei pe ni'ä Cristo upendar, Cristo evokoiyase Tüpä upendar sekoi.

1 Corintios 6:14

Inungar Tüpä ombogwerayevɨ yande Yar, egwë e'i aveira yande mbogwerayevɨ opirätäsa pɨpe koiye.

2 Corintios 10:7

Pe rumo pema'eño tëi a'e ava rekokwer rese. Akoi ava pe pa'ü pendar oikwa va'e Cristo rese gwekosa, toikwa tuprɨ avei ore Cristo rese ore rekosa yuvɨreko.

Gálatas 3:29

Iyavei Cristo suindar peikose, evokoiyase Abraham suindar tuprɨ ite peiko, a'ese peipɨsɨra Tüpä remimombe'u porerekosa yandeundar.

Gálatas 5:24

Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Filipenses 3:11

egwë a'e aveira asärö che kwerayevɨ agwä omano va'e pa'ü sui vichiko.

1 Tesalonicenses 2:19

Evokoiyase ¿uma pi'ä orosäröra ore vɨ'asa pɨpe ore reko mboɨvate katu agwä akoi yande Yar Jesús oyevɨse kuri? Esepia nda'ei chira pe, nda'ei chira avei ambuae ava.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,