1 Corintios 15:15 - Tüpä Ñe'ëngagwer

¹⁵ Akoi egwë e'ise ite, ore avei evokoiyase oroñe'ëño tëietera Tüpä resendar ñe'ësa rese oroiko viña, esepia Tüpä Cristo ombogwerayevɨ oro'e imombe'u ava upe oroiko, ndokwerayevɨise ite rumo omano va'e yuvɨreko viña, a'ese Tüpä nombokwerayevɨi chiaveira Cristo viña.

Tũpa Ñehengagüer

¹⁵ Acoi ẽgüe ehise ité rumo viña, ore avei evocoiyase oroñeheño tẽi etera Tũpa resendar ñehesa rese oroico viña. Esepia, “Tũpa Cristo ombogüerayevɨ” orohe ité imombehu ava upe oroico. Ndocuerayevɨise ité rumo omano vahe yuvɨreco viña, ahese Tũpa nombogüerayevɨi chiaveira Cristo viña.

1 Corintios 15:15 Iomraidhean Croise

Los Hechos 2:24

Tüpä rumo ombogwerayevɨ manosa sui, esepia manosa ndoikatui sereko agwä.”

Los Hechos 2:32

Evokoi Jesús, Tüpä remimbogwerayevɨ sekoi, a'e imombe'usar opakatu ore oroiko.

Los Hechos 20:21

Amombe'u ñe'ësa judío eta upe, ava nda'ei va'e judío upe avei aipo a'e peyevɨ Tüpä upe, iyavei peroya yande Yar Jesús.

Los Hechos 4:10

Evokoiyase tapeikwapa opakatu pe Israel suindar peiko va'e okwera ko ava ndogwata katui va'ekwer Jesucristo Nazaret pendar rer pɨpe, a'e ni'ä peyatɨka uka va'ekwer kurusu rese Tüpä rumo ombogwerayevɨ iri omano va'e pa'ü sui.

Los Hechos 4:33

Jesús ñe'ë mombe'usar omombe'u vɨte ipirätäsa pɨpe ikwerayevɨ agwer yuvɨreko, ipɨpe sui Tüpä osovasa katu sereko.

1 Corintios 15:13

Ndokwerayevɨise rumo ava omano va'e viña, Cristo avei evokoiyase ndokwerayevɨi chietera viña;

1 Corintios 15:16

Esepia akoi omano va'e ndokwerayevɨise yuvɨreko viña, Cristo avei evokoiyase ndokwerayevɨi chietera viña;

1 Corintios 15:20

Cristo rumo supiete okwerayevɨ omano va'e pa'ü sui. A'e rane ite ni'ä yɨpɨndar okwerayevɨ va'e sekoi.