1 Corintios 15:10 - Tüpä Ñe'ëngagwer

¹⁰ Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

Tũpa Ñehengagüer

¹⁰ Che rumo apóstol ité aico. Esepia, Tũpa oyapo mbahe avɨye vahe ité cheu; che rovasa oico. Evocoiyase che recocuer osecuñaro ité sereco. Ichui che aporavɨquɨ catu ité opacatu ambuae apóstol sui. Ndahei rumo cheyesui tẽi ẽgüe ahe vichico, Tũpa rumo oporovasasa pɨpe secoi che rupi.

1 Corintios 15:10 Iomraidhean Croise

San Mateo 10:20

Esepia nda'ei chira peyesui tëi peñe'ë, pe Ru Tüpä Espíritu pemoñe'ë ukara.”

San Mateo 25:16

Evokoiyase mbigwai oipɨsɨ va'e cinco mil gwarepochi a'e oporavɨkɨ ko gwarepochi rese ipɨpe sui koiye oipɨsɨ katu iri ambuae cinco mil gwarepochi.

Romanos 11:1

Kurïtëi che aporandu: ¿Oyerova pi'ä Tüpä gwekwa sui? ¡Ani nda'ei ete supi! Esepia che avei ni'ä aiko Israel pendar, Abraham ni'ä che ramoi ete Benjamín suindar avei aiko.

Romanos 12:3

Tüpä ni'ä oporovasasa pɨpe che kwai, sese aipo a'e peü pepɨ'añemoñeta eme pe yemboɨvateai agwä rese. Iyakatu rumo peikwa tuprɨ pe pɨ'añemoñetasa peyesendar Tüpä peü mba'e imbougwer rupi sese pe yeroyasa pɨpe.

1 Corintios 15:11

Ndapepɨ'añemoñetai chira rumo akoi oporavɨkɨ katu va'e rese tëi, ko ñe'ësa Cristo rekokwer resendar ore oromombe'u va'e rese rumo pepɨ'añemoñeta katura, esepia ni'ä a'e akoi peroya va'e ite.

1 Corintios 15:2

Ko ñe'ësa reroya pɨpe ni'ä peñepɨsɨröra peiko, peyemovɨräkwä aveira sese, inungar che amombe'u peü; egwë ndapeyeise rumo, peroya tuprɨ tëietera.

1 Corintios 3:10

Che aiko oɨ aposar esepia Tüpä oyapo uka oɨ vɨräkwäsa cheu, ambuae evokoiyase omopü'a i'arɨve. Ñepëi-pëi peiko va'e peikwa tuprɨra imopü'a,

1 Corintios 3:6

che rane inungar añotɨ̇ va'e mba'e rä'ɨi pe pɨ'a pɨpe; Apolo evokoiyase inungar imboɨ'usar, Tüpä rumo inungar omboorɨ va'e peü.

1 Corintios 4:7

Esepia ¿Uma vo ombou ndeu ndereko mboɨvateai agwä ambuae ava sui? ¿Mba'e vo ipane ndeu ndereipɨsɨi va'e Tüpä sui? Esepia a'e omondo opakatu mba'e ndeu, ¿ma'erä evokoiyase ereyeeko mboɨvateai eiko, ndoyavɨi ndeye sui tëi ereyapo va'e mba'e?

2 Corintios 12:11

Che ndayarakwai va'e nungar aiko peü, pe rese tëi rumo egwë a'e. Iya rumo peñe'ë tuprɨra che rese, esepia yepe nda'ei seko ɨvate va'e aiko viña, ko Jesús ñe'ë mombe'usar anga'u tëi rumo pe supi pegwata va'e nda'ei ɨvate katu va'e che sui yuvɨreko.

2 Corintios 3:5

Nda'ei oreyesui tëi oroikatu ko mba'e apo, Tüpä rumo ombou oreu opakatu ko mba'e apo agwä,

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Gálatas 2:8

Esepia inungar Tüpä omondo Pedro upe Jesús ñe'ë mombe'usar seko agwä ava judío upe narä, egwë e'i avei cheu Jesús ñe'ë mombe'usar che reko agwä ava nda'ei va'e judío upe narä.

Filipenses 2:13

esepia, Tüpä ombou pe kere'ɨ̇sa semimbotar apo agwä, gwemimbotar rupi avei ombou pirätäsa imboavɨye agwä peü.

Filipenses 4:13

Aikatu opakatu mba'e uve che yemovɨräkwä agwä, esepia Cristo ombou che pirätä agwä.

1 Tesalonicenses 5:12

Iyavei no, che rɨvrɨ eta, pemboyeroya akoi oporavɨkɨ va'e yuvɨreko pe pa'üve, a'e ni'ä pe kwai va'e yuvɨreko, iyavei pe mboarakwa va'e yande Yar upe narä yuvɨreko.

1 Timoteo 4:10

Sese ni'ä yaporavɨkɨ eteprɨ, esepia yande yayeroya ite Tüpä ndopai va'e rese, a'e opakatu ava Pɨsɨrösar, iyavei vɨroyasar pɨsɨrösar katu ite sekoi.