1 Corintios 14:6 - Tüpä Ñe'ëngagwer

⁶ Sese che rɨvrɨ eta, asose pe repia añe'ëse ko ñe'ësa ndikwasai va'e pɨpe peü, ndapesendukwai chira che ñe'ë viña, amombe'use rumo Tüpä oikwa uka va'e cheu mba'ekwasa supi tuprɨ va'e resendar, anise ñe'ësa Tüpä suindar, anise avei ambuae porombo'esa a'ese pesendukwara viña.

Tũpa Ñehengagüer

⁶ Sese, che rɨvɨreta, asose pe repia, añehese co ñehesa ndayaicuai vahe pɨpe pẽu, ndapesenducuai chira che ñehe viña. Amombehuse rumo Tũpa oicua uca vahe cheu que mbahecuasa supi tuprɨ vahe resendar, anise que ñehesa Tũpa suindar, anise que ambuae porombohesa, ahese pesenducuara viña.

1 Corintios 14:6 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 16:17

Evokoiyase Jesús aipo e'i chupe: –Nde sovasaprɨ ereiko, Simón, Jonás ra'ɨrɨ, esepia nda'ei ava tëi omboyekwa ko mba'e ndeu, che Ru ɨva pendar teiete omboyekwa ndeu.

San Mateo 16:26

¿Ma'erä anga'u vo ava upe avɨyeai oipɨsɨ va'erä opakatu mba'e ko ɨvɨ pɨpendar, a'e rumo omokañɨ tëira gwekokwer yuvɨreko? ¿Mbovɨ pi'ä omondora ava gwekokwer repɨrä?

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Romanos 15:14

Che rɨvrɨ eta, ayeroya ite pe reko avɨyesa rese, esepia opakatu mba'e peikwapa tuprɨ ite, peikatu avei pe ñepëi-pëi peyeupe pe yemboarakwa agwä;

Romanos 16:17

Che rɨvrɨ eta, peikwa katu pe pa'ü pendar oporomboya'o pota serai va'e sui oime ava egwë e'i va'e oitɨ uka va'e ava mba'e tëi pɨpe, esepia a'e nda'ei ete ko ñe'ësa pe yembo'esa rupi yuvɨrekoi. Sese evokoi nungar ava sui peyepepɨño itera,

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

1 Corintios 10:33

Che opakatu che rembiapo pɨpe aipota ite mba'e tuprɨ apo agwä opakatu ava upe narä, nda'ei cheyeupeño mba'e tuprɨ aseka, ambuae ava upe avei mba'e tuprɨ aipota iñepɨsɨrö agwä yuvɨreko.

1 Corintios 14:1

Peseka katu pe yeaɨsu tuprɨ agwä peiko, a'eseve avei peporandura mba'ekwasa Tüpä Espíritu remimbou rese, ichuindar ñe'ësa mombe'u agwä.

1 Corintios 14:7

Mba'e yande remimombe'u rumo inungar akoi mba'e porasei rekasar imoñe'ëprɨ viña, inungar mimbɨ, arpa avei, esepia ndoyoya tuprɨise iñe'ëgwer yuvɨreko, ndayasendukwai ete evokoiyase mba'e-mba'e sapukaisa osä'a yuvɨreko.

2 Corintios 11:6

Yepe ndayembo'ei che ñe'ë tuprɨ agwä viña, che rumo areko che mba'ekwasa, a'e oromboyekwaño ite opakatu ore rembiapo pɨpe pe rembiepiave.

2 Corintios 12:1

Ndipoi ete ava oipɨsɨ va'e mba'e a'e ae tëi oyemboeteisa pɨpe. Che rumo amombe'uño itera mba'e asepia va'e che ker nungar pɨpe iyavei yande Yar remimboyekwa che aipɨsɨ va'e ichui.

2 Corintios 12:7

sese che yemboɨvateai e'ɨ̇ agwä che ker nungar mba'e che pɨ'amondɨi va'e rembiepiagwer rese Tüpä ombou tekoasɨsa cheu. A'e avɨye yu che kutu gwasu va'e, ndoyavɨi avei Karugwar marä-marä tëi che rereko va'e.

Efesios 1:17

Che aporandu yande Yar Jesucristo Ru Tüpä seko porañete va'e upe, pe rekokwer resape agwä rese, ipɨpe peikwa katura semimboyekwa iyavei peikwa tuprɨ katura yande Yar.

Efesios 3:4

Ko rese peyerokɨse peikwa tuprɨ katura, ko che arakwasa Cristo rekokwer resendar oyekwa ramo va'e,

Filipenses 3:15

Aipo rupi iya yande pɨ'añemoñetara opakatu yande yarakwa tuprɨ va'e, avɨyeteramo pe pɨ'a ñemoñetara ambuae mba'e rese tëi, Tüpä avei oikwa ukara evokoi nungar mba'e peü.

2 Timoteo 2:14

Emoma'endu'a yuvɨreko ko ñe'ësa rese, iyavei eyokwai Tüpä rovake topoi ñe'ëpoepɨ-epɨsa sui yuvɨreko. Ko ñe'ëpoepɨ-epɨsa egwë e'i tëi va'e. Esepia omomarä ambuae ava osenduse iñe'ë rai yuvɨreko.

2 Timoteo 3:10

Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

2 Timoteo 3:16

Opakatu ko ñe'ësa Ikwachiaprɨ ou va'e Tüpä sui, avɨyeai ete porombo'e agwä, iyavei poromboyapɨsaka agwä, poromboarakwa tuprɨ agwä avei ava upe ñe'ë tuprɨ agwä sekokwer mo'ɨ̇vi agwä yepi,

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Tito 3:8

Aipo ñe'ësa supiete va'e, che aipota eremañekora sese, vɨroya va'eño Tüpä yuvɨreko mba'e apo tuprɨ agwä. Ko evokoiyase mba'e avɨye va'e ite oiporu va'erä opakatu yuvɨreko.

Hebreos 13:9

Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

2 San Pedro 1:5

Sese peyemovɨräkwä katura peyapo va'erä mba'e avɨye va'e; peseka aveira Tüpä remimbotar kwa tuprɨ katu agwä;

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

2 San Juan 1:9

Oime ava oyepepɨño va'e Cristo porombo'esa sui, a'e Tüpä ndovɨrekoi opɨ'a pɨpe yuvɨreko; akoi oyapɨsaka tuprɨ va'e Cristo porombo'esa rese, a'e vɨreko Tüpä, Ta'ɨrɨ avei oyese.