1 Corintios 14:3 - Tüpä Ñe'ëngagwer

³ Esepia akoi ava omombe'u va'e Tüpä suindar ñe'ësa yasendukwa va'e pɨpe, a'e oipɨtɨ̇vɨï ambuae ava Tüpä rese iyeroya agwä, oporomongere'ɨ̇ katu oporombovɨ'a katu avei.

Tũpa Ñehengagüer

³ Acoi ava omombehu vahe rumo Tũpa suindar ñehesa yasenducua vahe pɨpe, ahe oipɨ̃tɨvɨi ambuae ava Tũpa rese iyeroya ãgua, oporomonguerẽhɨ catu, oporombovɨha catu avei.

1 Corintios 14:3 Iomraidhean Croise

San Lucas 3:18

Ko nungar rese iyavei ambuae seta ñe'ësa omombe'u, Juan avɨye va'e ava upe oiko.

Los Hechos 13:15

Oyerokɨ pare Moisés porokwaita rese iyavei Tüpä ñe'ë mombe'usar kwachiar rese, mborerekwar oɨ judío ñemonu'äsa pendar omondo oñe'ë yuvɨreko chupe: –Ore mu, perekose mba'e pemombe'u va'erä ko ava mongere'ɨ̇ agwä, pemombe'u yandeu kurïtëi.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 15:32

Iyavei Judas Silas Tüpä suindar ñe'ësa mombe'usar avei yuvɨrekoi, sese ombovɨ'arete katu omongere'ɨ̇ katu avei a'e ava yuvɨreko oñe'ë pɨpe.

Los Hechos 4:36

Egwë e'i ava judío ramoi Leví suindar Chipre pendar José serer va'e, Jesús ñe'ë mombe'usar osero Bernabé e'i yuvɨreko chupe (“porombovɨ'asar Ra'ɨrɨ” oya aipo e'i).

Los Hechos 9:31

Evokoiyase opakatu Jesús reroyasar, yuvɨrekoi va'e Judea rupindar, Galilea rupindar iyavei Samaria rupindar, chupe oime mba'e tuprɨ. Iyavei oyemovɨräkwä tuprɨ katu yuvɨreko yande Yar mboeteisa pɨpe, Espíritu Maräne'ɨ̇ oipɨtɨ̇vɨï iyemboeta katu agwä.

Romanos 12:8

iyavei akoi oipɨsɨ va'e porombo'esa arakwasa resendar ambuae ava mongere'ɨ̇ katu agwä, tasekoi katu ava mongere'ɨ̇ agwä. Akoi iporereko va'e, toyapo gweko mbegwemisa pɨpe; akoi oipɨsɨ va'e mboravɨkɨ, toyapoño okere'ɨ̇sa pɨpe; iyavei akoi iparaɨsu va'e pɨtɨ̇vɨïsar, toipɨtɨ̇vɨïño avei vorɨvetesa pɨpe.

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

Romanos 15:2

Opakatu yande yambovɨ'ara ava yande kotɨndar, yayapo aveira mba'e avɨye va'e seko avɨye agwä yuvɨreko.

1 Corintios 10:23

Oime pe pa'ü pendar aipo e'i va'e: “Yaikatu ite mba'e apo agwä yande remimbotar rupi.” Supiete avɨye egwë ya'e, nda'ei rumo opakatu mba'e avɨye va'e ipɨpe. Avɨye ite ni'ä yayapo mba'e yande remimbotar rupi, ipɨpe sui rumo nda'ei opakatu yande pɨtɨ̇vɨï Cristo rese yande reko agwä.

1 Corintios 14:12

Pe ni'ä peipota pereko va'erä mba'ekwasa Tüpä Espíritu suindar yepi, sese peporandu katu mba'ekwasa Espíritu suindar rese opakatu Jesús reroyasar pɨtɨ̇vɨï agwä Tüpä rese yuvɨrekoi tuprɨ katu va'erä.

1 Corintios 14:17

Nde yeruresa revo avɨyeai viña, ipɨpe sui rumo ndereipɨtɨ̇vɨï ete ambuae ava eiko.

1 Corintios 14:26

Che rɨvrɨ eta, peñemonu'äpase, oimera pe pa'ü pendar osapukai pota va'e sapukaisa Tüpä upendar, ambuae evokoiyase oipota ite ava mbo'e yuvɨreko, anise ambuae omombe'u pota ava upe mba'e oyeupe omboyekwa uka va'e Tüpä, ambuae oipota ite oñe'ë ñe'ësa ndikwasai va'e pɨpe, anise ambuae osendukwa uka pota avei ambuae ava upe ñe'ësa ndikwasai va'e. Opakatu rumo ko mba'e yayapora ambuae Jesús reroyasareta seroya katu agwä yuvɨreko.

1 Corintios 14:31

Evokoiyase egwë peyera, peñe'ë ñepëi-pëi opakatu ambuae osendu va'e mbo'e agwä, iyavei imongere'ɨ̇ katu agwä.

1 Corintios 8:1

Kurïtëi ambuae mba'e amombe'ura peü mba'e ra'anga upe mba'e mɨmba yukaprɨ seropove'ëprɨ rese. Supiete akoi aipo esa va'e: opakatu yareko yande mba'ekwasa supi va'e ite; mba'ekwasa pɨpe rumo yayeeko mboɨvateai tëi, poroaɨsusa pɨpe rumo yañepɨtɨ̇vɨï katu Cristo reroya tuprɨ agwä.

2 Corintios 1:4

A'e ni'ä yande mbovɨ'año opakatu yande paraɨsusa pɨpe, yande avei evokoiyase yaikatura ava iparaɨsu va'e mbovɨ'a agwä, egwë e'i ete Tüpä imbou vɨ'asa yandeu, a'e avei yande yamondora yuvɨreko chupe.

2 Corintios 2:7

Ko suive ite rumo peñeröira chupe, peipɨtɨ̇vɨï aveira, esepia avɨyeteramo ovɨ'are'ɨ̇sa pɨpe oyemokañɨ tëira.

Efesios 4:29

Ndapeñe'ë rai chira, iyakatu rumo peñe'ë tuprɨra ñe'ësa avɨye va'e pɨpe ambuae peñe'ë rendusar mongere'ɨ̇ katu agwä yuvɨreko.

Efesios 6:22

Sese amondo eipeve peü ore rekokwer mombe'u agwä ipɨpe toyemongere'ɨ̇ katu yuvɨreko viya.

Colosenses 4:8

Sese ko amondo peü ore rekokwer kwa tuprɨ agwä, pe mongere'ɨ̇ katu agwä avei.

1 Tesalonicenses 2:11

Peikwa ni'ä, inungar mbɨa gwa'ɨrɨ upe, egwë oro'e pe mongere'ɨ̇, pe mbovɨ'asa avei ñepëi-pëi opakatu,

1 Tesalonicenses 2:3

Esepia ndoroyavɨi ete ore ñe'ë iyavei ndoroñe'ëi ore pɨ'añemoñeta raisa tëi pɨpe peü, ndorombopai avei ava ore porombo'esa pɨpe.

1 Tesalonicenses 3:2

iyavei yande rɨvrɨ Timoteo a'e oporavɨkɨ va'e Tüpä upe ore rupi, omombe'u va'e ko ñe'ësa pɨsɨrösa resendar Cristo suindar ou va'e. A'e amondo peü pe movɨräkwä katu agwä, pe mongere'ɨ̇ katu agwä avei peyeroya katu va'erä Cristo rese,

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

1 Tesalonicenses 4:18

Sese peyemongere'ɨ̇ katu ko ñe'ësa pesendu va'e rese.

2 Tesalonicenses 3:12

Ore oromondo akoi ava upe mborokwaita yande Yar Jesucristo rer pɨpe, oporavɨkɨ tuprɨ agwä iyavei oipɨsɨ va'erä mba'e gwekove agwä yuvɨreko.

1 Timoteo 1:4

toyapɨsaka eme avei tekokwer ipapaprɨ tëi va'e rese, tekokwer araka'endar egwë e'i tëi va'e rese avei. A'e ichui osë yeakasa naporäi va'e yepi; ndayande pɨtɨ̇vɨï rumo Tüpä remimbotar reroya tuprɨ agwä rese.

1 Timoteo 4:13

Che yepota renondeve, eyerokɨ katu Tüpä ñe'ëngagwer rese opakatu ava rovake. Emongere'ɨ̇ katu yande rɨvrɨ eta iyavei erembo'e tuprɨra.

1 Timoteo 6:2

Iyavei mbigwai vɨrekose gwerekwar Jesús reroyasar, sese ndiyai nomboyeroyai chira Jesús reroyasar rekosa rese yuvɨreko, iyakatu rumo omboyeroya tuprɨ katura gwerekwar yuvɨreko, esepia serekwar oipɨsɨ va'e iporavɨkɨsa, a'e Jesús reroyasar saɨsuprɨ yuvɨrekoi yepi. Eporombo'e iyavei emombe'u ko ñe'ësa eiko:

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Tito 1:9

Iya oyemboya katu yembo'esa supi tuprɨ va'e rese yuvɨreko, ipɨpe sui tomongere'ɨ̇ katu ambuae eta yuvɨreko ko ñe'ësa avɨye va'e rese, pe mombe'u avei mba'e pereroya agwä ambuae ava upe.

Tito 2:15

Evokoi rese erembo'era, eremongere'ɨ̇ra eremboarakwa aveira opakatu nde porokwaita pɨpe. Sese tipo eme nde reroɨrösar.

Tito 2:6

Emongere'ɨ̇ avei chi'ïvä'e kwer mba'e apo tuprɨ agwä

Tito 2:9

Emboarakwa avei mbigwai yuvɨrekoi va'e tovɨroya opakatu mba'e rese gwerekwar; tomboyeroya imboeteisave toiñe'ë poepɨ eme avei yuvɨreko.

Hebreos 10:25

Ndayamopanei chira yande ñemonu'äsa Tüpä upe, ndayaikoi chira omopane va'e nungar, iya rumo yayemongere'ɨ̇ katura ñepëi-pëi yande yeupe; esepia vɨrovɨ arɨ yande Yar yevɨ iri agwä.

Hebreos 13:22

Che rɨvrɨ eta, peñemosaño che opomboarakwa va'e rese, movɨrö tëi ni'ä ko ñe'ësa aikwachia peü.

Hebreos 3:13

Iya rumo peyemongere'ɨ̇ katu ñepëi-pëi arɨ yakatu rupi “kurïtëi” sese oñe'ë ko Ikwachiaprɨ, pe rekove pɨpe angaipa upe pe yembopa uka iri e'ɨ̇ agwä, pe mba'e reroya iri e'ɨ̇ agwä rese avei.

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!

San Judas 1:20

Pe rumo che rɨvrɨ eta, peyemovɨräkwä pe poreroyasa maräne'ɨ̇ va'e rese. Peyerure Espíritu Maräne'ɨ̇ pe rärösa pɨpe.