1 Corintios 14:2 - Tüpä Ñe'ëngagwer

² Akoi ava oñe'ë va'e ñe'ësa ndikwasai va'e pɨpe, a'e Tüpä upe oñe'ë; nda'ei ava upe tëi oñe'ë, esepia ndipoi ete ava iñe'ë rendukwapar. A'e rumo oñe'ë mba'e ndikwasai va'e rese espíritu rerekosa pɨpe, ndipoi ete rumo ava iñe'ë rendukwapar.

Tũpa Ñehengagüer

² Esepia, acoi ava oñehe vahe ñehesa ndayaicuai vahe pɨpe, Tũpa upe ité evocoiyase oñehe; ndahei ava upe tẽi oñehe. Esepia, ndipoi eté ava iñehe renducuapar. Ahe rumo oñehe mbahe ndicuasai vahe rese oespíritu pɨpe.

1 Corintios 14:2 Iomraidhean Croise

San Mateo 13:11

Jesús omboyevɨ gwemimbo'e eta upe: “Peü rumo Tüpä oikwa uka ite mba'e ndikwasai va'e omborerekwasa resendar; ambuae ava upe rumo ndoikwa ukai ete.

San Marcos 16:17

Iyavei ko poromondɨisa amondora peü oipɨtɨ̇vɨï va'erä che reroyasar: che rer pɨpe pe mboyepepɨra karugwar ava sui; peñe'ë aveira ñe'ësa ipɨasu va'e pɨpe;

San Marcos 4:11

A'e aipo e'i imboyevɨ: “Peü ni'ä, Tüpä oikwa uka mba'e ndikwasai va'e omborerekwasa resendar; ndache reroya potai va'e upe rumo imboyoyasa mba'e ambuae mba'e rese yepi,

Los Hechos 10:46

osendu avei oñe'ëse ambuae ñe'ësa ndikwasai va'e iyavei Tüpä omboetei ipɨpe yuvɨreko.

Los Hechos 19:6

ipare omondose Pablo opo i'arɨve, a'ese ogweyɨ Espíritu Maräne'ɨ̇ i'arɨve, oñe'ë avei ambuae ñe'ësa ndikwasai va'e pɨpe yuvɨreko, iyavei omombe'u Tüpä suindar ñe'ësa yuvɨreko.

Los Hechos 22:9

Che rupindar avei osepia sendɨgwer, osɨkɨye avei yuvɨreko ichui, ndosendui rumo ñe'ësa cheundar yuvɨreko.

Romanos 16:25

Yamboetei Tüpä sereko, a'e ni'ä oikatu pe movɨräkwä ko ñe'ësa ñepɨsɨrösa resendar amombe'u va'e rupi iyavei ko porombo'esa Jesucristo rekokwer resendar rupi avei. A'e oyoya tuprɨ ite Tüpä omboyekwa ramo va'e cheu ko ɨvɨ apoe'ɨ̇ suive mba'e ndikwasai va'e rese,

1 Corintios 12:10

Ambuae oipɨsɨ pirätäsa mba'e poromondɨisa oyapo va'erä yuvɨreko. A'e ichui avei vɨreko ambuae ava omombe'u va'erä ñe'ësa Tüpä suindar yuvɨreko. Ambuae upe Tüpä omondo mba'ekwasa espíritu naporäi va'e iyavei Espíritu supi tuprɨ va'e kwa tuprɨ agwä, ambuae evokoiyase ichui avei oikatu ñe'ësa ndikwasai va'e Tüpä suindar pɨpe oñe'ë agwä; a'e ichui avei ambuae oikatu a'e ñe'ësa ndikwasai va'e mombe'u tuprɨ agwä ava upe.

1 Corintios 12:28

Tüpä oipota vɨroyasar pa'üve toime rane yɨpɨndar Jesús ñe'ë mombe'usar; ipare toime ava che ñe'ëngagwer mombe'u agwä, ichui ambuae upe iporombo'e agwä, ipare ambuae mba'e ndayasepiai va'e apo agwä, iyavei ambuae ava imba'easɨ va'e mbogwera agwä, ambuae ava pɨtɨ̇vɨïsar tasekoi, ambuae ava rekokwer rerogwata tuprɨ agwä tasekoi, ambuae ava evokoiyase toñe'ë ñe'ësa ndikwasai va'e pɨpe yuvɨreko.

1 Corintios 13:1

Yepe añe'ëño tëise ambuae ava ñe'ë ndaikwai va'e pɨpe, Tüpä rembigwai ñe'ë pɨpe avei viña, ndasaɨsuise rumo ava ipɨpe, che evokoiyase egwë a'e tuprɨ tëi inungar mba'e gwarepochi apoprɨ sɨapu iteanga va'e, iyavei inungar akoi platillo sɨapurai va'e, egwë a'e tëi vichiko.

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

1 Corintios 14:16

Esepia akoi nde eremboeteise Tüpä pɨ'a ñemoñetasa avɨye va'e pɨpe tëi, iyavei ñepëi ava osenduse nde ñe'ë, ndosendukwaise rumo nde yeruresa ndasekoi chietera nde rupi, esepia ni'ä ndosendukwai ete nde ñe'ë yuvɨreko.

1 Corintios 14:26

Che rɨvrɨ eta, peñemonu'äpase, oimera pe pa'ü pendar osapukai pota va'e sapukaisa Tüpä upendar, ambuae evokoiyase oipota ite ava mbo'e yuvɨreko, anise ambuae omombe'u pota ava upe mba'e oyeupe omboyekwa uka va'e Tüpä, ambuae oipota ite oñe'ë ñe'ësa ndikwasai va'e pɨpe, anise ambuae osendukwa uka pota avei ambuae ava upe ñe'ësa ndikwasai va'e. Opakatu rumo ko mba'e yayapora ambuae Jesús reroyasareta seroya katu agwä yuvɨreko.

1 Corintios 15:51

Che aipota peikwa va'erä ko mba'e oyekwa ramo va'e Tüpä suindar: Nda'ei chira opakatu yamano, opakatu rumo yande rete avɨyeteramo tëiete sekuñarösapara

1 Corintios 2:10

Tüpä rumo oikwa uka ite mba'e Espíritu pɨpe yandeu, esepia Espíritu oikwa tuprɨ ite opakatu mba'e ndikwasai va'e Tüpä suindar oiko.

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

Efesios 6:19

Peyerure avei che rese, evokoiyase Tüpä tombou che ñe'ë agwä cheu, che sɨkɨye e'ɨ̇sa pɨpe ñe'ësa ñepɨsɨrösa Tüpä suindar ikwapɨ ramo va'e kwa uka agwä ava eta upe.

Colosenses 2:2

Toyemongere'ɨ̇ katu, toyemboyoya gwasu oyeaɨsusa pɨpe yuvɨreko viya, iyavei sendukwa tuprɨsa pɨpe toyuvɨrekoi mba'e tuprɨ pɨpe viya opakatu peü, esepia Tüpä sui ndikwasai va'e mba'e peikwa tuprɨra ko mba'e imboyekwapɨ ramo, a'e ni'ä Cristo sekoi;

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

1 Timoteo 3:9

Iyakatu rumo, porombo'esa supiete va'e rese oyemboya katura opɨ'añemoñeta katuprɨsa pɨpe yuvɨreko.

Apocalipsis 10:7

oyepotase rumo imoñuvɨrïo ovasa mbigwai ɨva pendar upe gwemimbɨ moñe'ë agwä, a'ese imboavɨyesara Tüpä remimbotar yɨpɨndar ndikwasai va'e, a'e akoi omombe'u va'e gwembigwai oñe'ë mombe'usar upe araka'e.”