1 Corintios 14:15 - Tüpä Ñe'ëngagwer

¹⁵ ¿Mba'e vo evokoiyase che ayapora? Supiete ayerurera pɨ'a ñemoñetasa avɨye va'e pɨpe, arakwasa pɨpe avei. Asapukaira pɨ'a ñemoñetasa avɨye va'e pɨpe, arakwasa pɨpe avei.

Tũpa Ñehengagüer

¹⁵ ¿Mara yahera vo evocoiyase? Yayeroquɨra yande espíritu pɨpe, yande aracuasa pɨpe avei. Yasapucaira yande espíritu pɨpe, yande aracuasa pɨpe avei no.

1 Corintios 14:15 Iomraidhean Croise

Los Hechos 21:22

¿Mba'e vo yaposara evokoiyase? Esepia ava oyandura nde yepotasa ko'ave yuvɨreko.

Romanos 1:9

Iyavei Tüpä oikwa pe rese arɨ rupi che yeruresa, chupe ite ni'ä mba'e ayapo opakatu che pɨ'a pɨpe, amombe'u Ta'ɨrɨ resendar ñe'ësa avɨye va'e vichiko,

Romanos 3:5

Yande rekorai pɨpe tëi yamboyekwase Tüpä reko tuprɨsa, ¿marä ya'era vo evokoiyase? ¿Tüpä nda'ei supi tuprɨ va'e ya'e yande nupase yande reko raisa sui? (Che rumo añe'ë inungar ava ko ɨvɨ pɨpendar tëi.)

Romanos 8:31

¿Marä ya'e irira vo chupe? ¡Tüpä ni'ä yande repɨsar sekoi, sese ndoikatu iri ete yande amotare'ɨ̇mbar yuvɨreko!

1 Corintios 10:19

Che rumo mba'e ra'anga avɨye va'e ite nda'ei, iyavei mba'e ro'o ikwave'ëprɨ mba'e ra'anga upe, avɨye katu ite nda'ei avei.

1 Corintios 14:14

Esepia akoi che ayerurese ñe'ësa ndikwasai va'e pɨpe, supiete ayerure che espíritu pɨpe tëi, ipɨpe sui rumo ndasendukwai ete che yeruresa.

1 Corintios 14:19

Jesús reroyasar ñemonu'äsave rumo aipota amombe'u va'erä poyandepo rupindar ñe'ësa sendukwa tuprɨ agwä, ambuae ava mbo'e tuprɨ agwä rese, ko ñe'ësa ndikwasai va'e ambuae diez mil ñe'ë rägwer yuvɨrekoi va'e sui.

1 Corintios 14:26

Che rɨvrɨ eta, peñemonu'äpase, oimera pe pa'ü pendar osapukai pota va'e sapukaisa Tüpä upendar, ambuae evokoiyase oipota ite ava mbo'e yuvɨreko, anise ambuae omombe'u pota ava upe mba'e oyeupe omboyekwa uka va'e Tüpä, ambuae oipota ite oñe'ë ñe'ësa ndikwasai va'e pɨpe, anise ambuae osendukwa uka pota avei ambuae ava upe ñe'ësa ndikwasai va'e. Opakatu rumo ko mba'e yayapora ambuae Jesús reroyasareta seroya katu agwä yuvɨreko.

Efesios 6:18

Peyerure katu: Espíritu pirätäsa pɨpe arɨ yakatu rupi Tüpä upe opakatu yeruresa pɨpe. Pema'emo'ä katuño pe yeruresa pɨpe, peyerureño avei opakatu ava Tüpä reroyasar rese yepi.

Filipenses 1:18

¿Marä etemo che areko aipo mba'e-mba'e tëi viña? Yepe amove ava ipɨ'a ñemoñetarai va'e yuvɨreko, opakatu rumo ñe'ësa Cristo rese; a'e ni'ä che mbovɨ'arete ñoite. Iyavei ayembovɨ'a katu ite ipɨpe,

Colosenses 3:16

Topɨta tuprɨ Cristo ñe'ëngagwer pe pɨ'a pɨpe. Pe arakwasa tuprɨsave peyembo'e tuprɨ, peyemongere'ɨ̇ katu sapukaisa Tüpä suindar rese. Pesapukai opakatu sapukaisa Tüpä upendar pe pɨ'a pɨpe, avɨye ndeu pe esave yepi.

Santiago 5:13

Akoi oimese pe pa'ü pendar iparaɨsu va'e oiko, toyerure. Iyavei akoi oimese sorɨvete va'e oiko, a'e tosapukai Tüpä upe.

San Judas 1:20

Pe rumo che rɨvrɨ eta, peyemovɨräkwä pe poreroyasa maräne'ɨ̇ va'e rese. Peyerure Espíritu Maräne'ɨ̇ pe rärösa pɨpe.