1 Corintios 14:11 - Tüpä Ñe'ëngagwer

¹¹ Akoi che ndasendukwaise ambuae ava ñe'ë, aikora evokoiyase inungar ambuae tekwa pendar tëi chupe, a'e ava evokoiyase inungar ambuae tekwa pendar tëi sekoira cheu.

Tũpa Ñehengagüer

¹¹ Acoi ndayasenducuaise rumo ambuae ava ñehe, yande evocoiyase inungar ambuae tecua pendar tẽi yaico vahe chupe; yandeu avei evocoiyase ahe ava inungar ambuae tecua pendar tẽi yuvɨrecoi vahe.

1 Corintios 14:11 Iomraidhean Croise

Los Hechos 28:2

A'e pendar ava ni'äpɨsɨi ore repiase yuvɨreko; okɨ iteanga so'ɨ̇sa avei, a'ese oyatapɨ gwasu yuvɨreko, ichui oñe'ë oreu oroyemboya va'erä ipɨri.

Los Hechos 28:4

Osepiase Pablo po rese mboi oñachimose a'e pendar, aipo e'i tëi yuvɨreko oyeupe ae: “Ko mbɨa revo oporapichi va'e ite, yepe oñepɨsɨrö paragwasu sui viña, Tüpä poronupasa rumo ndopoi chietera ichui seko tuprɨ agwä.”

Romanos 1:14

Che kwaita ni'ä opakatu ava upe che ñe'ë agwä, tekwa pɨpendar yuvɨrekoi va'e upe iyavei ndayarakwa vɨtei va'e upe, imba'ekwa va'e upe anise nimba'ekwai va'e upe avei.

1 Corintios 14:10

Supiete, seta iteanga ko ɨvɨ pɨpe oime ambuae-ae tëi ava ñe'ësa, oime avei rumo ava osendukwa va'e aipo nungar ñe'ësa.

1 Corintios 14:21

Ikwachiaprɨ araka'endar pɨpe aipo e'i: “Añe'ëra ko ava yuvɨrekoi va'e upe ñe'ësa ndikwasai va'e pɨpe, iyavei ambuae ava yuvɨrekoi va'e ñe'ë pɨpe, ichui rumo ndache mboyeroyai yuvɨreko, e'i yande Yar.”

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.