1 Corintios 13:5 - Tüpä Ñe'ëngagwer

⁵ a'e ndovɨrekoi ete oporomboetei e'ɨ̇sa, nda'ei oyeupe gweraño mba'e oipota, niñemoɨrö serai va'e, a'e rumo iñeröi voiño ambuae ava upe;

Tũpa Ñehengagüer

⁵ ahe ndovɨrecoi eté oporomboeteiẽhɨsa, ndahei oyeupe güeraño mbahe oipota, niñemoɨro serai vahe, ahe rumo iñero voiño ambuae ava upe.

1 Corintios 13:5 Iomraidhean Croise

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Mateo 9:4

Jesús rumo oikwa voi ete ipɨ'a ñemoñetasa, sese oporandu chupe: –¿Ma'erä vo pe pɨ'a ñemoñetasa mba'e tëi pɨpe pereko?

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Lucas 7:39

Fariseo vɨraso va'ekwer Jesús gwëtäve, osepiase ipɨ'a ñemoñeta tëi aipo e'i: “Supiete ko mbɨa Tüpä ñe'ë mombe'usar ite sekoise viña, oikwaño itera ko kuña opokose sese viña: esepia kuña angaipa viyar tëi.”

1 Corintios 10:24

Ndapesekai chira mba'e avɨye va'e peyeupe narä tëi, pesekara rumo ambuae ava upe mba'e avɨye va'e.

1 Corintios 10:33

Che opakatu che rembiapo pɨpe aipota ite mba'e tuprɨ apo agwä opakatu ava upe narä, nda'ei cheyeupeño mba'e tuprɨ aseka, ambuae ava upe avei mba'e tuprɨ aipota iñepɨsɨrö agwä yuvɨreko.

1 Corintios 11:18

Esepia yɨpɨndar che ayandu peñemonu'äpase aipo oyese yande Yar mboetei agwä pe pɨ'a ñemoñetasa nda'oyoyai va'e pɨpe peiko; amove ayanduse pe reräkwä aroya ite.

1 Corintios 12:25

tipo eme pɨ'a ñemoñetasa ndoyoyai va'e pe pa'üve, oyoya pe'añeko tuprɨ ñepëi-pëi peyese.

1 Corintios 7:36

Akoi ava ipɨ'añemoñeta va'e gwembirekovɨ rese omenda agwä, esepia ni'ä osupitɨ ite i'aravɨter imenda agwä, iyavei a'e ipɨ'añemoñetase oiko omenda agwä, toyapoño gwemimbotar, tomendaño ite gwembirekovɨ rese, esepia mendasa ni'ä nda'ei angaipa.

2 Corintios 5:19

Aipo oyapave aipo e'i, Tüpä ombou Gwa'ɨrɨ Cristo ko ɨvɨ pɨpe ava rekokwer moigätu agwä toyevɨ cheu oya; ipɨpe sui avei a'e ava angaipagwer omokañɨ yuvɨreko ichui, ore evokoiyase orekwai a'e ñe'ësa ava rekokwer moigätusa resendar mombe'u agwä ava upe.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

2 Tesalonicenses 3:7

Peikwa marä peyera ore rekokwer moña agwä peiko: ore oroikose pe pa'üve ndorereko maräi ete,

2 Timoteo 2:10

Sese che añemosaño opakatu mba'e-mba'e tëi upe opakatu Tüpä rembiporavo rekokwer avɨye agwä rese, tovɨreko katu pɨsɨrösa porañete apɨre'ɨ̇ va'e Jesucristo rese yuvɨreko che yapave.

2 Timoteo 4:16

Yɨpɨndar añe'ëse che yoepɨ agwä mborerekwareta rovai, ndipoi ete che pɨtɨ̇vɨïsar; opakatuño ite che reya yuvɨreko. Tüpä tiñerö sese yuvɨreko chupe.

Santiago 1:19

Iyavei che rɨvrɨ eta, che rembiaɨsu, peyemoma'endu'a ko che ñe'ë rese: peyapɨsaka tuprɨ voira ambuae ava ñe'ë rese, mbegwe rupi rumo peñe'ëra chupe iyavei ndapemba'emboasɨ voi tëi chira.