1 Corintios 13:4 - Tüpä Ñe'ëngagwer

⁴ Akoi ava iporoaɨsu va'e, a'e seko mbegwe tuprɨ, sekokwer avɨyeai ete iyavei ndoporoamotare'ɨ̇i ambuae ava mba'e potasave; che avɨye katu va'e aiko nde'i avei, ndoyeekomboɨvateai ete,

Tũpa Ñehengagüer

⁴ Acoi ava iporoaɨsu vahe, ahe seco mbegüe tuprɨ, secocuer avɨye ai eté iyavei ndoporoamotarẽhɨi ambuae ava mbahe potasave; “Che avɨye catu vahe aico” ndehi avei, ndoyeecomboɨvate ai eté,

1 Corintios 13:4 Iomraidhean Croise

San Mateo 27:18

Esepia oikwaño ite ava rese yemoekate'ɨ̇sa pɨpe sui imondoprɨ sekoise.

Los Hechos 7:9

“Ipare yuvɨrekoi va'e yande ramoi Jacob ra'ɨrɨ, omondo vɨvrɨ gwarepochi repɨrä yamotare'ɨ̇sa pɨpe yuvɨreko, a'e tɨvrɨ rer José, omondo va'e Egipto pendar upe yuvɨreko, Tüpä rumo sekoiño ite José rese,

Romanos 1:29

A'e evokoiyase yuvɨrekoi opakatu mba'e-mba'e tëi pɨpe, oyemboagwasa-gwasa tëi va'e kuimba'e, kuña avei, ambuae ava mba'e oipotarai iyavei oyapo mba'e-mba'e tëi ava upe. A'e oñemoɨrö ambuae ava mba'e potaraisave tëi, oporapichi, ivava serai, iporombopa serai, ipɨ'añemoñeta ava reko momarä agwä tëi iyavei ima'echiröiai ipɨpe yuvɨreko.

Romanos 13:13

Yande katu yagwata yande reko ɨ̇vi tuprɨsa pɨpe, inungar yagwatase arɨ pɨpe. Ani yaikora kagwar pɨpe tëi iyavei pietasa rupi, ndayaikoi chira poropota raisa pɨpe, iyavei ndayayapoi chira mba'e naporäi va'e, ndayaikoi chiaveira yande pɨ'añemoñeta nda'oyoyai va'e pɨpe iyavei ndayaroɨröi chira ava imba'e rese sereko.

1 Corintios 3:3

esepia pegwata vɨteño ko ɨvɨ pɨpendar pɨ'a ñemoñetasa rupi! Peyemoekate'ɨ̇-te'ɨ̇ oyeupe, iyavei peñemoɨrö peyeupe pe pɨ'añemoñeta nda'oyoyai va'esa pɨpe, pe evokoiyase peyapo ava ndoikwai va'e rembiapo nungar tëi.

1 Corintios 4:18

Oime pe pa'ü pendar oyeroya iteanga va'e oyese ipɨ'a ñemoñeta avei ndou chira revo yande repia e'i cheu yuvɨreko viña;

1 Corintios 4:6

Che rɨvrɨ eta, añe'ë ko mba'e rese peü peiko tuprɨ agwä rese, inungar Apolo rekokwer che rekokwer aveino. Amombe'u peü peyembo'e agwä ore rekokwer sui peiko e'ɨ̇ va'erä kokotɨ tëi ikwachiaprɨ sui, iyavei ipɨpe sui ndipoi chira ava oyeeko mboɨvateai va'e, ambuae mbɨa sui.

1 Corintios 5:2

¡Pe rumo peyeekomboɨvateai peiko! ¡Iyakatu rumo ndapeyembovɨ'ai chira evokoi nungar mba'e tëi repiase viña! Evokoi nungar ava iyakatu ite pemboyepepɨra pe pa'ü sui.

1 Corintios 8:1

Kurïtëi ambuae mba'e amombe'ura peü mba'e ra'anga upe mba'e mɨmba yukaprɨ seropove'ëprɨ rese. Supiete akoi aipo esa va'e: opakatu yareko yande mba'ekwasa supi va'e ite; mba'ekwasa pɨpe rumo yayeeko mboɨvateai tëi, poroaɨsusa pɨpe rumo yañepɨtɨ̇vɨï katu Cristo reroya tuprɨ agwä.

2 Corintios 12:20

Che asɨkɨye asose eipeve pe repia, avɨyeteramo nda'ei chira che pɨ'a rupi pe rekokwer, iyavei pe avɨyeteramo egwë peye aveira che repiase. Che asɨkɨye ite, oime revo pe pa'üve yepoepɨ-epɨsa, pe pɨ'añemoñeta raisa ava mba'e pota raisa pɨpe, pe ñemoɨrösa peyeupe. Iyavei avɨyeteramo oimerä pe pa'üve ava oyeupeño tëi mba'e oipota va'e, ima'echiröiai va'e iyavei oñe'ë-ñe'ë tëi va'e ambuae ava rese, seko ɨvateai va'e iyavei ndiporeroyai va'e.

2 Corintios 6:6

Oromboyekwa avei ore reko maräne'ɨ̇sa, ore mba'ekwasa supiete va'e, ore reko mbegwe tuprɨsa, yeaɨsusa orovɨreko aveino, egwë oro'e ite ni'ä Espíritu Maräne'ɨ̇ pirätäsa pɨpe, ore poroaɨsusa supiete va'e pɨpe avei.

Gálatas 5:26

Ndayayemboɨvateai chira, esepia ipɨpe sui yayeamotare'ɨ̇, yaipotarai avei yande mboetasa rekokwer nungar yande reko agwä.

Efesios 4:2

Peyemominira pe reko avɨyesa pɨpe; pe reko mbegwesa pɨpe iyavei peñemosaño pe yeaɨsusa pɨpe peyeupe;

Efesios 4:32

Iya rumo peiko tuprɨ ambuae ava upe pe yeaɨsusa pɨpe, peñeröiño itera peyeupe yepi inungar Tüpä iñeröi Cristo rese peü.

Filipenses 1:15

Supiete oime ava oñe'ë anga'u tëi va'e Cristo rese seroɨrösa pɨpe tëi, ambuae rumo oñe'ë tuprɨ opɨ'a ñemoñeta katuprɨsa pɨpe yuvɨreko sese.

Colosenses 1:11

Iyavei tombou katu pe momirätä agwä gwekokwer pirätäsa pɨpe sui; evokoiyase oimese mba'e tëi peü, peñemosañora pe reko mbegwesa pɨpe, pevɨ'asa pɨpe avei,

Colosenses 2:18

Peyapɨsakai rene ava ñe'ë katuprɨai porombopasa rese iyeruresa mbigwai ɨva pendar rese, iyavei osepia pota va'e mba'e ndayasepia va'e oyese yuvɨreko oyeeko mboɨvateai tëi va'e opɨ'a ñemoñetasa pɨpe yuvɨreko.

Colosenses 3:12

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

1 Tesalonicenses 5:14

Che rɨvrɨ eta ko mborokwaita seyasara peü, pemboarakwara akoi ndoporavɨkɨ potai va'e imbo'e katu agwä, pemongere'ɨ̇ ava nikere'ɨ̇ va'e, peipɨtɨ̇vɨï avei akoi ndoyemovɨräkwä tuprɨi va'e gweko agwä rese, peñemosaño avei opakatu ava upe yepi.

1 Timoteo 6:4

egwë e'i va'e oyemboɨvateai tëi mba'e rendukwa e'ɨ̇save. Iyavei oporandu-randu tëi ñe'ësa rese sekoa'ä agwä inungar imba'easɨ va'e; ichui osë mba'e pota raisa, ñemoɨrösa, ñe'ë-ñe'ë tëisa, yemboyeroya e'ɨ̇sa

2 Timoteo 2:25

iyavei omboarakwara gwekoasɨ e'ɨ̇sa pɨpe akoi ava ndiporeroyai va'e, esepia avɨyeteramo Tüpä osekuñaröra ipɨ'añemoñeta raisa oyeupe yevɨ iri agwä, ipɨpe sui porombo'esa supiete va'e oikwara yuvɨreko.

2 Timoteo 3:10

Nde rumo che reko rupi tuprɨ ereiko, esepia ereroya tuprɨño che porombo'esa, che pɨ'a ñemoñetasa, che Cristo rese yeroyasa, che reko mbegwesa, che poroaɨsusa iyavei che ñemosasa,

2 Timoteo 4:2

emombe'u Tüpä ñe'ëngagwer arɨ rupi, esekuñarö avei ava rekokwer. Eporomboarakwa, eporomongere'ɨ̇ tuprɨ avei opakatu nde rekoasɨ e'ɨ̇sa pɨpe.

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

Santiago 4:5

Sese ni'ä Ikwachiaprɨ pɨpe aipo e'i: “Tüpä oporoaɨsu gwekate'ɨ̇sa pɨpe Espíritu omondo va'e yande pɨ'a pɨpe.”

1 San Pedro 2:1

Sese peseya opakatu mba'e naporäi va'e, opakatu porombopasa, pe reko tuprɨ anga'u tëisa, ambuae ava mba'e pota raisa, opakatu ma'echiröi resendar avei.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 4:8

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

2 San Pedro 1:7

ipare peyeaɨsura peyeɨvrɨ nungar pe rekosa pɨpe; peseka katu aveira ava raɨsu tuprɨ agwä.

1 San Juan 4:11

Che rɨvrɨ eta, che rembiaɨsu, egwë e'i Tüpä yande raɨsu, evokoiyase egwë ya'e aveira yande yayeaɨsu ñepëi-pëi yepi.