1 Corintios 13:13 - Tüpä Ñe'ëngagwer

¹³ Ko oime mbosapɨ mba'e ndopai va'erä a'e: Tüpä rese yande yeroyasa, mba'e yande remiarö ɨvave oime va'e iyavei yande yeaɨsusa; ko imombosapɨsa rumo avɨye katu va'e ite ambuae sui yandeu, a'e yeaɨsusa yepi.

Tũpa Ñehengagüer

¹³ Co oime mbosapɨ mbahe ndopai vaherã, ahe: Tũpa rese yande yeroyasa, mbahe yande remiaro ɨvave oime vahe iyavei yande yeaɨsusa; co imombosapɨsa rumo avɨye catú vahe ité ambuae sui yandeu, ahe yeaɨsusa.

1 Corintios 13:13 Iomraidhean Croise

San Lucas 10:27

Moisés porokwaita rese oporombo'e va'e omboyevɨ chupe: –‘Eresaɨsura nde Yar Tüpä opakatu nde pɨ'a pɨpe, opakatu nde rekokwer pɨpe, opakatu nde pirätäsa pɨpe, opakatu nde yapɨsakasa pɨpe avei; eresaɨsu aveira ava nde kotɨndar nde yeaɨsu nungar.’

San Lucas 22:32

che rumo ayerure nde rese, ipane e'ɨ̇ agwä nde pɨ'a ñemoñetasa. Iyavei nde, ereyevɨse cheu, eipɨtɨ̇vɨï katu nde rɨvrɨ eta imovɨräkwä agwä yuvɨreko oyese.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

1 Corintios 14:1

Peseka katu pe yeaɨsu tuprɨ agwä peiko, a'eseve avei peporandura mba'ekwasa Tüpä Espíritu remimbou rese, ichuindar ñe'ësa mombe'u agwä.

1 Corintios 16:14

Opakatu mba'e peyapo pota va'e, peyapora pe poroaɨsusa pɨpe ite.

1 Corintios 3:14

Akoi ava oporombo'e tuprɨ va'e inungar ava oyapo oɨ ndokai va'e, a'e oipɨsɨra oporavɨkɨ reprɨ;

1 Corintios 8:1

Kurïtëi ambuae mba'e amombe'ura peü mba'e ra'anga upe mba'e mɨmba yukaprɨ seropove'ëprɨ rese. Supiete akoi aipo esa va'e: opakatu yareko yande mba'ekwasa supi va'e ite; mba'ekwasa pɨpe rumo yayeeko mboɨvateai tëi, poroaɨsusa pɨpe rumo yañepɨtɨ̇vɨï katu Cristo reroya tuprɨ agwä.

1 Corintios 8:3

Iyavei oimese ava osaɨsu va'e Tüpä, a'e ava oikwa ite Tüpä oyeupe narä sekoise.

2 Corintios 5:10

Esepia yande opakatu yañekwave'ëra Cristo rovai iporandusave yaipɨsɨ va'erä ñepëi-pëi mba'e yande rembiapokwer rupi mba'e avɨye va'e, anise mba'e naporäi va'e yande rete rese yaiko vɨtese.

2 Corintios 5:15

Cristo ni'ä omano opakatu yande repɨrä, yande yaikove vɨte va'e evokoiyase nda'e iri yande yeupe narä tëi yaiko; yande rumo yaiko chupe narä ite, esepia a'e omano okwerayevɨ yande rese.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Filipenses 1:9

Che aporandu vɨte Tüpä upe che yeruresa pɨpe, toikwa tuprɨ oarakwasa pɨpe oyeaɨsu katu-katu iri agwä yuvɨreko a'e peü,

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

Colosenses 3:14

Iyavei peyeaɨsu katura, esepia a'e yande mboyemboya tuprɨ oyese yepi.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

2 Timoteo 1:7

Esepia Tüpä nomboui sɨkɨyesa yandeu, a'e rumo ombou yande reko movɨräkwäsa, poroaɨsusa, iyavei yande mbopɨ'añemoñeta tuprɨ agwä.

Hebreos 10:35

Sese pemokañɨ tëi eme Tüpä rese pe yeroyasa, esepia evokoiya pe rekosa pɨpe omoime ukara mba'e tuprɨ peü kuri.

Hebreos 10:39

Yande nda'ei oyepepɨ va'e nungar yaiko, evokoi nungar ni'ä okañɨ tëi va'erä yuvɨreko, yande rumo yayeroya sese ipɨpe yañepɨsɨrö.

Hebreos 6:11

Ore rumo oroipotaño ite ñepëi-pëi pemboyekwaño itera arɨ kañɨ rupi ete ko pereko va'e pe kere'ɨ̇sa pe remiarö avɨye va'e rupitɨ agwä.

Hebreos 6:19

Ko mba'e ñasärö va'e omovɨräkwä tuprɨ yande ä sereko, inungar mba'e ɨarusu mombɨtasa omovɨräkwä tuprɨ ɨarusu ɨvɨtu sui. Egwë e'i yande remiarö oike turukwar gwasu tüpäro asɨasa kupeve oɨ imaräne'ɨ̇ katu va'esave ɨvave

1 San Pedro 1:21

Cristo rekokwer sui ni'ä peroya Tüpä peiko yepi, a'e ombogwerayevɨ omano va'e pa'ü sui, ipare omondo teko porañetesa ɨvate katu va'e chupe; ipɨpe sui peyeroya Tüpä rese iyavei pesärö ko mba'e avɨye va'e pɨsɨ agwä ichui.

1 San Juan 2:10

Akoi osaɨsu va'e ambuae omboetasa Tüpä reroyasar, a'e sekoi tesapesa pɨpe, sese ndipoi chietera ombo'a uka va'e omboetasa angaipa pɨpe.

1 San Juan 2:14

Iyavei pe che ra'ɨreta aikwachia opakatu peü, esepia peikwa ni'ä yande Ru Tüpä. Aikwachia avei peü, pe iyesupa, esepia peikwa yɨpɨsuive ite oikove va'e. Aikwachia avei peü mbɨa chi'ïvä'e, esepia peyemovɨräkwä eteprɨ, peipɨsɨ avei Tüpä ñe'ëngagwer pe pɨ'a pɨpe, esepia ni'ä pesekopɨ avei karugwar.

1 San Juan 2:24

Sese, yɨpɨsuive pesendu va'e ñe'ësa peyapokatu pe pɨ'a pɨpe; egwë peyese peiko tuprɨra Jesucristo rese, yande Ru Tüpä rese avei.

1 San Juan 3:3

Iyavei opakatu osärö va'e Jesucristo yuvɨreko, oyepepɨño ite opakatu angaipa sui gweko katuprɨ agwä inungar a'e sekoi.

1 San Juan 3:9

Opakatu yuvɨrekoi va'e Tüpä rese ndoyapoi angaipa, esepia vɨreko ite Tüpä rekokwer oyese yuvɨreko; sese ndoikatu iri angaipa apo agwä yuvɨreko, esepia a'e Tüpä ra'ɨrɨ ite yuvɨrekoi.