1 Corintios 13:1 - Tüpä Ñe'ëngagwer

¹ Yepe añe'ëño tëise ambuae ava ñe'ë ndaikwai va'e pɨpe, Tüpä rembigwai ñe'ë pɨpe avei viña, ndasaɨsuise rumo ava ipɨpe, che evokoiyase egwë a'e tuprɨ tëi inungar mba'e gwarepochi apoprɨ sɨapu iteanga va'e, iyavei inungar akoi platillo sɨapurai va'e, egwë a'e tëi vichiko.

Tũpa Ñehengagüer

¹ Yepe yande yañeheño tẽise ambuae ava ñehe ndayaicuai vahe pɨpe, iyavei Tũpa rembiguai ñehe pɨpe avei viña, ndayasaɨsuise rumo ava ipɨpe, yande evocoiyase ẽgüe yahe tuprɨ tẽi inungar mbahe guarepochi apoprɨ sɨapu iteanga vahe, iyavei inungar acoi platillo sɨapú rai tẽi vahe, ẽgüe yahe tẽi yaico.

1 Corintios 13:1 Iomraidhean Croise

San Mateo 25:45

Mborerekwar ɨvate katu va'e rumo omboyevɨra chupe: ‘Supiete akoi amove mba'e ndapeyapoise mba'e avɨye va'e seko mbegwemi va'e upe, ipɨpe rumo cheu avei mba'e ndapeyapoi ete.’

San Marcos 16:17

Iyavei ko poromondɨisa amondora peü oipɨtɨ̇vɨï va'erä che reroyasar: che rer pɨpe pe mboyepepɨra karugwar ava sui; peñe'ë aveira ñe'ësa ipɨasu va'e pɨpe;

Romanos 14:15

Iyavei kurïtëi, akoi ere'u va'e mba'e nde mboetasa rovai a'e evokoiyase sekoira poreroɨrösa pɨpe, a'ese nde rekokwer ndaseko iri chira mba'e avɨye va'e pɨpe. ¡Ko mba'e ere'u va'e sui tokañɨ tëi eme yuvɨreko esepia Cristo omano ite sepɨrä!

1 Corintios 12:10

Ambuae oipɨsɨ pirätäsa mba'e poromondɨisa oyapo va'erä yuvɨreko. A'e ichui avei vɨreko ambuae ava omombe'u va'erä ñe'ësa Tüpä suindar yuvɨreko. Ambuae upe Tüpä omondo mba'ekwasa espíritu naporäi va'e iyavei Espíritu supi tuprɨ va'e kwa tuprɨ agwä, ambuae evokoiyase ichui avei oikatu ñe'ësa ndikwasai va'e Tüpä suindar pɨpe oñe'ë agwä; a'e ichui avei ambuae oikatu a'e ñe'ësa ndikwasai va'e mombe'u tuprɨ agwä ava upe.

1 Corintios 12:16

Iyavei yepe yande nambi aipo e'ira viña: “Che nda'ei nde resa aiko, sese nda'ei nde rete resendar e'ira yandeu viña”, nda'ei chiaveira ichui tëi ndaseko iri chira yande rete rese.

1 Corintios 12:8

Espíritu pirätäsa pɨpe Tüpä omondo ñepëi vɨroyasar upe iñe'ë agwä arakwasa rese; iyavei ambuae upe omondo iporombo'e tuprɨ katu agwä omba'ekwasa pɨpe.

1 Corintios 13:8

Poroaɨsusa ni'ä ndopai va'e ite. Oyepotara arɨ ipapaprɨ koiye, a'ese ndayamombe'u iri chira Tüpä suindar ñe'ësa ou va'e, ndayañe'ë iri chira ambuae ñe'ësa ndayaikwai va'e pɨpe, ndayaiporu iri chiaveira yande mba'ekwasa.

1 Corintios 14:2

Akoi ava oñe'ë va'e ñe'ësa ndikwasai va'e pɨpe, a'e Tüpä upe oñe'ë; nda'ei ava upe tëi oñe'ë, esepia ndipoi ete ava iñe'ë rendukwapar. A'e rumo oñe'ë mba'e ndikwasai va'e rese espíritu rerekosa pɨpe, ndipoi ete rumo ava iñe'ë rendukwapar.

1 Corintios 14:4

Akoi ava oñe'ë va'e ñepëi ñe'ësa ndikwasai va'e pɨpe, oyeupe narä tëi egwë e'i oiko; akoi ava omombe'u va'e rumo Tüpä suindar ñe'ësa ikwaprɨ, a'e ombopɨ'añemoñeta katu Tüpä rese Cristo reroyasar yuvɨrekoi va'e.

1 Corintios 14:5

Che aipota opakatu peñe'ë va'erä ñe'ësa ndikwasai va'e pɨpe viña; avɨye katu rumo pemombe'ura Tüpä suindar ñe'ësa ikwaprɨ va'e peiko; esepia a'e avɨye katu ñe'ësa ndikwasai va'e sui, oimese rumo ava ñe'ësa ndikwasai va'e rendukwa uka tuprɨ agwä, a'ese avɨyeño oñe'ë Jesús reroyasar rovake ipɨpe sui ipɨ'añemoñeta katura Tüpä rese yuvɨreko.

1 Corintios 8:1

Kurïtëi ambuae mba'e amombe'ura peü mba'e ra'anga upe mba'e mɨmba yukaprɨ seropove'ëprɨ rese. Supiete akoi aipo esa va'e: opakatu yareko yande mba'ekwasa supi va'e ite; mba'ekwasa pɨpe rumo yayeeko mboɨvateai tëi, poroaɨsusa pɨpe rumo yañepɨtɨ̇vɨï katu Cristo reroya tuprɨ agwä.

2 Corintios 12:4

serasoprɨ ɨvave teko orɨsave, a'eve osendu ñe'ësa ndikwasai va'e, a'e ni'ä ava tëi upe ndipotasai imombe'u agwä yuvɨreko.

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 San Pedro 4:8

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

Apocalipsis 14:2

Ipare asendu mba'e rɨapu ɨva sui ou va'e; ndoyavɨi akoi ɨtu gwasu rɨapugwer iyavei ndoyavɨi ete akoi osunu va'e opororo-roro iteanga va'e; ndoyavɨi avei akoi ava seta va'e omoñe'ëse arpas yuvɨreko, egwë e'i sɨapugwer.