1 Corintios 12:9 - Tüpä Ñe'ëngagwer

⁹ Ambuae upe evokoiyase omondo oyese yeroya tuprɨ katu agwä Espíritu pɨpe sui avei, ambuae upe omondo opirätäsa imba'easɨ va'e mbogwera agwä.

Tũpa Ñehengagüer

⁹ Ambuae upe evocoiyase omondo oyese yeroya tuprɨ catu ãgua oEspíritu pɨpe sui avei. Iyavei ambuae upe omondo opĩratasa imbaheasɨ vahe mbogüera ãgua.

1 Corintios 12:9 Iomraidhean Croise

San Mateo 10:8

Iyavei pembogwera imba'easɨ va'e, pembogwerayevɨ avei omano va'e, pembogwera mba'erasɨ vai rerekosar iyavei pemboyepepɨ karugwar ava sui. Pe rumo peipɨsɨ pirätäsa ndasepɨi va'e; sese peyapoño evokoi mba'e gwarepochi pɨsɨe'ɨ̇sa pɨpe.”

San Mateo 21:21

Jesús rumo omboyevɨ chupe: –Supiete aipo a'e peü perekose yeroyasa Tüpä rese, iyavei ndaperekoi chietera poreroya e'ɨ̇sa, a'ese nda'ei ko mba'e gweraño peyapora inungar che ayapo va'e higuera rese, ko ɨvɨtrɨ upe avei aipo peyese: ‘Esɨrɨ ave sui evɨapɨ eso paragwasu pɨpe’, egwë e'i etera mba'e yavɨye koiye.

San Marcos 16:18

peipɨsɨ aveira mboi; iyavei peɨ'use mosa oporoyuka va'e, ndoyapoi chietera mba'e peü; iyavei pemondose pepo ava imba'easɨ va'e arɨve, a'e okwera itera yuvɨreko.”

San Marcos 6:13

Iyavei seta omboyepepɨ karugwar ava sui, seta avei ombogwera imba'easɨ va'e mba'e kɨra pɨpe yuvɨreko.

San Lucas 10:9

pembogwerara a'e pendar imba'easɨ va'e, iyavei aipo peyera chupe: ‘Tüpä mborerekwasa vɨrovɨ ite iyepota agwa peü narä.’

San Lucas 9:2

Opa omondo Tüpä mborerekwasa mombe'u agwä, imba'easɨ va'e mbogwera agwä aveino.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 5:15

Iyavei ava re'ɨi vɨnose yuvɨreko imba'easɨ va'e, supa reseve-seve Pedro renonderä, oñokwäse Pedro avɨyeteramo omo'ära i'ägwer a'ese revo ombogwerara e'i yuvɨreko oyeupe.

1 Corintios 12:28

Tüpä oipota vɨroyasar pa'üve toime rane yɨpɨndar Jesús ñe'ë mombe'usar; ipare toime ava che ñe'ëngagwer mombe'u agwä, ichui ambuae upe iporombo'e agwä, ipare ambuae mba'e ndayasepiai va'e apo agwä, iyavei ambuae ava imba'easɨ va'e mbogwera agwä, ambuae ava pɨtɨ̇vɨïsar tasekoi, ambuae ava rekokwer rerogwata tuprɨ agwä tasekoi, ambuae ava evokoiyase toñe'ë ñe'ësa ndikwasai va'e pɨpe yuvɨreko.

1 Corintios 12:30

nda'ei opakatu vɨreko pirätäsa oporombogwera agwä yuvɨreko, iyavei nda'ei opakatu ndikwasai va'e ñe'ësa Espíritu suindar pɨpe oñe'ë yuvɨreko, ndaopakatui avei oikwa evokoi ñe'ësa rendukwa uka agwä ambuae ava upe yuvɨreko.

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

2 Corintios 4:13

Ikwachiaprɨ pɨpe aipo e'i: “Ayeroya ite Tüpä rese, ipɨpe sui avei añe'ë.” Egwë oro'e avei ore, sese oroyeroya ite, ichui avei oroñe'ë.

Efesios 2:8

Esepia Tüpä oporovasasa pɨpe pe pɨsɨrö Jesús rese peyeroyase. Nda'ei rumo pe rekokwer sui tëi peñepɨsɨrö, Tüpä ni'ä ombou oporerekosa peü.

Hebreos 11:33

Evokoi avei Tüpä rese oyeroya pɨpe osekopɨ ambuae ɨvɨ pendar, oporokwai tuprɨ gweko ɨ̇visa pɨpe, oipɨsɨño ite Tüpä suindar mba'e semimombe'ugwer yuvɨreko, oiyurumboyaño avei yagwar yuvɨreko,