1 Corintios 12:29 - Tüpä Ñe'ëngagwer

²⁹ Nda'ei rumo opakatu ava Jesús ñe'ë mombe'usar yuvɨrekoi, iyavei nda'ei opakatu Tüpä ñe'ë mombe'usar yuvɨrekoi. Nda'ei opakatu oporombo'e yuvɨreko, ndaopakatui avei oyapo mba'e ndayasepiai va'e yuvɨreko,

Tũpa Ñehengagüer

²⁹ Ndahei rumo opacatu ava apóstol yuvɨrecoi, iyavei ndahei opacatu Tũpa ñehe mombehusar yuvɨrecoi, ndahei opacatu oporombohe yuvɨreco, ndaopacatui avei oyapo mbahe ndayasepiai vahe yuvɨreco,

1 Corintios 12:29 Iomraidhean Croise

1 Corintios 12:28

Tüpä oipota vɨroyasar pa'üve toime rane yɨpɨndar Jesús ñe'ë mombe'usar; ipare toime ava che ñe'ëngagwer mombe'u agwä, ichui ambuae upe iporombo'e agwä, ipare ambuae mba'e ndayasepiai va'e apo agwä, iyavei ambuae ava imba'easɨ va'e mbogwera agwä, ambuae ava pɨtɨ̇vɨïsar tasekoi, ambuae ava rekokwer rerogwata tuprɨ agwä tasekoi, ambuae ava evokoiyase toñe'ë ñe'ësa ndikwasai va'e pɨpe yuvɨreko.

1 Corintios 12:30

nda'ei opakatu vɨreko pirätäsa oporombogwera agwä yuvɨreko, iyavei nda'ei opakatu ndikwasai va'e ñe'ësa Espíritu suindar pɨpe oñe'ë yuvɨreko, ndaopakatui avei oikwa evokoi ñe'ësa rendukwa uka agwä ambuae ava upe yuvɨreko.