1 Corintios 12:2 - Tüpä Ñe'ëngagwer

² Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

Tũpa Ñehengagüer

² Pe niha cũritei peicua tuprɨ ité yɨpɨndar Tũpa rese peicoẽhɨ vɨtese, peyembopa uca mbahe rahanga ẽgüe ehi tẽi, noñehei vahe upe peico.

1 Corintios 12:2 Iomraidhean Croise

San Mateo 15:14

Egwë te'iño yuvɨreko, esepia evokoi ndasesapɨsoi va'e vɨrogwata ambuae ava ndasesapɨsoi va'e. Iyavei ñepëi ndasesapɨsoi va'e vɨrogwatase ambuae, ñuvɨrïo voi ovɨapira ɨvɨkwar pɨpe yuvɨraso.

1 Corintios 6:11

Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Gálatas 4:8

Yɨpɨndar mba'e ra'anga tüpä anga'u rembigwai tëi peiko Tüpä kwae'ɨ̇ pɨpe.

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

Tito 3:3

Esepia yɨpindar yande avei ndayande mba'e kwai ndayande poreroyai; okañɨ va'ekwer tëi yaiko iyavei yaiko mbigwai tëi opakatu mba'e yande remimbotar apo pɨpe. Yaiko mba'e tëi pɨpe yamotare'ɨ̇mbrɨ, yandeyeupe ae-ae yayeamotare'ɨ̇.

1 San Pedro 1:18

Esepia Tüpä pe pɨsɨrö araka'endar pe ramoi suindar arakwasa egwë e'i tëi va'e sui, peikwa tuprɨ ite ni'ä ko poropɨsɨrösa reprɨ nimboepɨsai ete mba'e okañɨ tëi va'erä pɨpe inungar oro, anise gwarepochi,

1 San Pedro 4:3

Egwë peye puku rane ni'ä pe rembiapoai pɨpe peiko ava Tüpä reroyasare'ɨ̇ rekokwer nungar rupi tuprɨ. A'ese mba'e-mba'e tëi peyapo pe pɨ'añemoñeta raisa pɨpe, savaɨposa, pietasave pe räse tëi pɨpe pe arakwasa pemokañɨ peɨ'u tëisa pɨpe, pemboetei avei mba'e ra'anga tëi peiko.