1 Corintios 12:10 - Tüpä Ñe'ëngagwer

¹⁰ Ambuae oipɨsɨ pirätäsa mba'e poromondɨisa oyapo va'erä yuvɨreko. A'e ichui avei vɨreko ambuae ava omombe'u va'erä ñe'ësa Tüpä suindar yuvɨreko. Ambuae upe Tüpä omondo mba'ekwasa espíritu naporäi va'e iyavei Espíritu supi tuprɨ va'e kwa tuprɨ agwä, ambuae evokoiyase ichui avei oikatu ñe'ësa ndikwasai va'e Tüpä suindar pɨpe oñe'ë agwä; a'e ichui avei ambuae oikatu a'e ñe'ësa ndikwasai va'e mombe'u tuprɨ agwä ava upe.

Tũpa Ñehengagüer

¹⁰ Ambuae oipɨsɨ pĩratasa mbahe poromondɨisa oyapo vaherã yuvɨreco. Ahe ichui avei vɨreco ambuae ava omombehu vaherã ñehesa Tũpa suindar yuvɨreco. Ambuae upe Tũpa omondo mbahecuasa espíritu naporai vahe iyavei Espíritu supi tuprɨ vahe cua tuprɨ ãgua. Ambuae evocoiyase ichui avei oicatu ñehesa ndicuasai vahe Tũpa suindar pɨpe oñehe ãgua. Ahe ichui avei ambuae oicatu ahe ñehesa ndicuasai vahe mombehu tuprɨ ãgua ava upe.

1 Corintios 12:10 Iomraidhean Croise

San Marcos 16:17

Iyavei ko poromondɨisa amondora peü oipɨtɨ̇vɨï va'erä che reroyasar: che rer pɨpe pe mboyepepɨra karugwar ava sui; peñe'ë aveira ñe'ësa ipɨasu va'e pɨpe;

San Marcos 16:20

Semimbo'e eta evokoiyase opa yuvɨraso opakatu ɨvɨ rupi; iyavei yande Yar oipɨtɨ̇vɨï, ichui omombe'u ñe'ësa omboyekwa avei poromondɨisa yuvɨreko.]

San Lucas 24:49

Che amboura che Ru remimombe'u pe arɨve. Pe pɨtañora ko'ave, ko tekwa pɨpe Jerusalén ve, akoi peipɨsɨ rane itera pirätäsa ou va'e ɨva suindar.

San Juan 14:12

Supiete aipo a'e akoi che reroyasar a'e avei oyapora mba'e che rembiapo nungar oiko; oyapo aveira mba'e tuvicha katu va'e, esepia ni'ä che asora che Ru rekosave.

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Los Hechos 1:8

peipɨsɨra rumo Tüpä pirätäsa oikese Espíritu Maräne'ɨ̇ pe pɨ'a pɨpe, a'ese pemombe'u tuprɨra che rekokwer Jerusalén pendar upe, Judea pendar, Samaria pendar opakatu ko ɨvɨ pɨpendar upe aveino.

Los Hechos 11:27

A'e arɨ rupi araka'e, oime aipo Tüpä ñe'ë mombe'usar Jerusalén sui yuvɨraso va'e Antioquía ve.

Los Hechos 11:28

Ñepëi ipa'ü pendar, Agabo serer va'e, Espíritu pirätäsa pɨpe opü'a omombe'u ñe'ësa ou va'erä tɨavor tuvicha va'e opakatu ɨvɨ rupi, a'e egwë e'i ete, mborerekwar ɨvate katu va'e Claudio rekose.

Los Hechos 19:6

ipare omondose Pablo opo i'arɨve, a'ese ogweyɨ Espíritu Maräne'ɨ̇ i'arɨve, oñe'ë avei ambuae ñe'ësa ndikwasai va'e pɨpe yuvɨreko, iyavei omombe'u Tüpä suindar ñe'ësa yuvɨreko.

Los Hechos 5:3

Pedro aipo e'i chupe: –Ananías, ¿ma'erä ereroya Karugwar nde pɨ'a pɨpe Espíritu Maräne'ɨ̇ mbopa agwä eremboya'oño tëi nde ɨvɨ reprɨ gwarepochi ndeyeupe narä?

Romanos 12:6

Tüpä ni'ä omboyeavɨratɨ mba'ekwasa imbou oporoaɨsusa pɨpe ñepëi-pëi upe. Evokoiyase, Tüpä ombouse oñe'ë mombe'u agwä yandeu, yamombe'ura ñepëi-pëi iñe'ë sese yande yeroyagwer rupi;

Romanos 15:19

egwë a'e poromondɨisa mba'e yavai va'e apo Tüpä pirätäsa pɨpe. A'e ayapo Espíritu Tüpä suindar pirätäsa pɨpe. A'e ichui che amboavɨye ñe'ësa Cristo resendar mombe'u vichiko, tekwa Jerusalén sui tuprɨ agwata opakatu rupi, ayepota ɨvɨ Iliria ve aveino.

1 Corintios 11:4

Akoi kuimba'e Cristo upe ñemonu'äsave oakä ndɨru ndosekɨise oyerure agwä, anise Tüpä ñe'ëngagwer mombe'u agwä, a'e egwë e'i gwerekwar Cristo mboetei e'ɨ̇sa pɨpe.

1 Corintios 13:8

Poroaɨsusa ni'ä ndopai va'e ite. Oyepotara arɨ ipapaprɨ koiye, a'ese ndayamombe'u iri chira Tüpä suindar ñe'ësa ou va'e, ndayañe'ë iri chira ambuae ñe'ësa ndayaikwai va'e pɨpe, ndayaiporu iri chiaveira yande mba'ekwasa.

1 Corintios 14:13

Sese akoi ava oñe'ë va'e ñe'ësa ndikwasai va'e pɨpe, toporandu rane Tüpä upe ambuae ava upe sendukwa uka tuprɨ agwä rese.

1 Corintios 14:39

Sese che rɨvrɨ eta, peyemongere'ɨ̇ katu Tüpä suindar ñe'ësa ikwaprɨ va'e mombe'u agwä, ndiyai rumo ndapeipotai ambuae ava upe ñe'ësa ndikwasai va'e pɨpe iñe'ë agwä;

Gálatas 3:5

Akoi Tüpä omondose Espíritu peü iyavei oyapo va'e mba'e poromondɨisa pe pa'üve, ¿ma'erä pi'ä oyapo? Esepia ko ñe'ësa pesendu va'e peroya ite, sese egwë e'i peü nda'ei Moisés porokwaita tëi reroya pɨpe.

1 Tesalonicenses 5:20

Ndapeñamotare'ɨ̇i chira Tüpä ñe'ë imombe'uprɨ.

Hebreos 2:4

Iyavei Tüpä oyapo seta mba'e yavairai va'e poromondɨisa ndayasepiai va'e, iyavei Espíritu Maräne'ɨ̇ pɨpe, omboyoavɨratɨ mba'ekwasa imbou yandeu gwemimbotar rupi toikwa yuvɨreko ko ñe'ësa supi tuprɨ va'e oyapave.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

Apocalipsis 2:2

Che aikwa opakatu mba'e pe rembiapo; pe poravɨkɨ pirätäsa iyavei pe yemovɨräkwäsa. Aikwa avei ndapeipotai ava naporäi va'e pe pa'üve yuvɨrekoi va'erä. Pesekoa'ä avei ava, ore Jesús ñe'ë mombe'usar oroiko e'i tëi va'e, ipare peikwa iporombopa tëisa yuvɨreko.