1 Corintios 11:32 - Tüpä Ñe'ëngagwer

³² yepe yande Yar ombou poronupasa yandeu a'e rumo yande reko tuprɨ agwä egwë e'i, nda'ei yande kañɨ agwä opakatu ava vɨroyasare'ɨ̇ reseve.

Tũpa Ñehengagüer

³² Yande Yar rumo oicua yande rembiapo ai. Sese omoime mbahe tẽi yandeu. Yande reco mohɨvi tuprɨ ãgua rumo ẽgüe ehi yandeu, ndahei yande cañɨ ãgua opacatu ava vɨroyasarẽhɨ reseve.

1 Corintios 11:32 Iomraidhean Croise

Romanos 3:19

Yande yaikwa ite opakatu aipo e'i va'e porokwaita pɨpe, ko aipo e'i porokwaita pɨpe yuvɨrekoi va'e upe, opakatu ava ɨvɨ rupindar tikiriri Tüpä ñemoɨrösa pɨsɨ agwä yuvɨreko oyapave;

Romanos 5:16

A'e ñepëi ava angaipa rumo ndoyoyai ete Tüpä poropɨsɨrösa ombou va'e rese yandeu, esepia ñepëi ava angaipa sui ou Tüpä ñemoɨrösa; oporerekosa rumo Tüpä ombouño ite, ava eta mba'e oyavɨ atɨ va'e upe narä yangaipa mokañɨ agwä.

1 Corintios 1:20

¿Kevo pi'ä opɨta ava imba'ekwa vai va'e mba'ekwasa, iyavei porokwaita rese oporombo'e va'e arakwasa, iyavei oikwapa va'e mba'e ko ɨvɨ pɨpendar moigätu? ¡Tüpä opa ite osekuñarö ava mba'ekwasa egwë e'i tëi va'e ko ɨvɨ pɨpendar!

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 11:30

Ichui ni'ä seta pemba'easɨ, oime seta nipirätä iri va'e avei pe pa'üve, oime avei omano va'e pe pa'ü pendar.

1 Corintios 11:31

Sese yande rane ite yaikwara yande rekokwer katuprɨsa, a'ese yande Yar nomboui chira poronupasa yandeu,

1 Corintios 11:33

Sese che rɨvrɨ eta, akoi peñemonu'äse pekaru agwä, peñearö ranera oyoya tuprɨ pe karu agwä.

1 Timoteo 1:20

Inungar va'e Himeneo iyavei Alejandro, a'e che amondo Karugwar povrɨve evokoiyase toikwa tiñe'ë-ñe'ë tëi eme Tüpä upe yamotare'ɨ̇save yuvɨreko che yapave.

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.

Apocalipsis 3:19

Che añe'ë pirätä seko mo'ɨ̇vi agwä che rembiaɨsu upe yepi. Peyemongere'ɨ̇ katu, pemboasɨ avei pe rekokwer che Ru Tüpä upe pe yevɨ agwä.