1 Corintios 11:2 - Tüpä Ñe'ëngagwer

² Avɨye peü che rɨvrɨ eta esepia ndaperesai ete che sui yepi iyavei pema'endu'a pegwataño vɨte avei che opombo'e va'e agwer rupi.

Tũpa Ñehengagüer

² Che rɨvɨreta, che, “Avɨye ité yuvɨrecoi” ahe pẽu yepi che rese pemahenduha vɨtese iyavei peguataño vɨtese che opombohe vahe agüer rupi.

1 Corintios 11:2 Iomraidhean Croise

San Lucas 1:6

Ko ñuvɨrïo yuvɨrekoi va'e Tüpä rovai vɨroya opakatu mborokwaita iyavei yande Yar porokwaita yuvɨreko ndoye'oi va'e.

1 Corintios 11:17

Ko ambuae mba'e rese rumo ndaikatui ete, avɨye tuprɨ yuvɨrekoi che'e agwä peü, esepia aipo pe ñemonu'äsave, mba'e tëiete aipo peyapo.

1 Corintios 11:22

¿Ndipoi vo pe rëtä, a'eve pe karu agwä peɨ'u agwä avei? ¿Ma'erä peroɨrö ambuae Tüpä reroyasareta ndovɨrekoi va'e mba'e yuvɨreko? ¿Marä a'era vo evokoiyase peü? ¿Avɨye ite yuvɨrekoi a'era pi'ä? ¡Ani chietera ko mba'e pe rembiapoai rese!

1 Corintios 15:2

Ko ñe'ësa reroya pɨpe ni'ä peñepɨsɨröra peiko, peyemovɨräkwä aveira sese, inungar che amombe'u peü; egwë ndapeyeise rumo, peroya tuprɨ tëietera.

1 Corintios 4:17

Sese che amondo che rembiaɨsu Timoteo peü, che ra'ɨrɨ nungar omboavɨye va'e okwaita yande Yar suindar. A'e pe moma'endu'ara Cristo rupi che gwatasa rese. A'e oyoya che porombo'e agwer rese che sose opakatu Jesús reroyasar ñemonu'äsa rupi yepi.

1 Corintios 7:17

Ñepëi-pëi yande Yar ombou tekokwer yaiko va'erä yande remimbotar rupi, inungar Tüpä yɨpɨndar yande poravo oiko. Ko mborokwaita opakatu rupi ete amombe'u Jesús reroyasar upe vichiko.

1 Tesalonicenses 1:6

Pemboyeapɨ ore rekokwer peiko iyavei yande Yar rekokwer, iyavei yepe peparaɨsu mba'e-mba'e tëi pa'üve peiko viña, peipɨsɨ ko ñe'ësa pe vɨ'asa pɨpe Espíritu Maräne'ɨ̇ ombou va'e peü.

1 Tesalonicenses 3:6

Kurïtëi rumo Timoteo oyevɨ Tesalónica sui, gweru ñe'ësa avɨye va'e pe resendar oreu pe Tüpä reroyasa, pe poroaɨsusa resendar. Iyavei aipo pema'endu'asa ore rese pe poroaɨsusa pɨpe, iyavei pe ore repia pota tëi peye no, inungar ore pe repiasa pota tëi avei.

2 Tesalonicenses 2:15

Sese che rɨvrɨ eta, peyemovɨräkwä iyavei peresarai rene akoi ore pembo'e agwer sui, oroikwachia va'e sui avei peü.

2 Tesalonicenses 3:6

Che rɨvrɨ eta, pekwaisa yande Yar Jesucristo rer pɨpe, akoi ndoporavɨkɨ potai va'e yande rɨvrɨ pe pa'üve peyepepɨño ichui, akoi ndovɨroya potai va'e avei ore porombo'esa oromombe'u va'e peü.