1 Corintios 10:6 - Tüpä Ñe'ëngagwer

⁶ Ko opakatu mba'e sembiapokwer yuvɨreko a'e yande mbo'e agwä, a'ese yande ndayaipotarai chira yaiko va'erä mba'e-mba'e tëi pɨpe, inungar a'e ava imba'e potarai yuvɨreko araka'e.

Tũpa Ñehengagüer

⁶ Co opacatu mbahe sembiapogüer yuvɨreco ahe yande mbohe ãgua ‘toipota rai eme mbahe-mbahe tẽi inungar ahe ava yuvɨrecoi’ oyapave yandeu.

1 Corintios 10:6 Iomraidhean Croise

Romanos 5:14

Adán reko sui tuprɨ ite rumo ava omanoño ite oangaipa pɨpe, egwë e'iño ite yuvɨreko Moisés rekose, yepe a'e ava yuvɨrekoi va'e angaipa nda'oyoyai Adán angaipa porokwaita mboavɨye e'ɨ̇sa rese viña, a'e Adán rese omboyekwa mbɨa ou va'erä.

1 Corintios 10:11

Ko opakatu yande ramoi upe mba'e oime va'e araka'e ikwachiaprɨ yande ipa yaiko va'e upe narä, yande sɨkɨye agwä avei.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

2 San Pedro 2:6

Iyavei Tüpä opa omokañɨ tata pɨpe tekwa Sodoma iyavei Gomorra, egwë e'i imbotanimbu tuprɨ, na'esa aveira ni'ä ambuae ava ndiporeroyai va'e rerekosa kuri.

San Judas 1:7

Iyavei ambuae mbigwai eta, iyavei Sodoma pendar Gomorra pendar iyavei a'e tekwa ɨvɨrindar oyemondo oyemboagwasa-gwasa tëi agwä yuvɨreko, iyavei oyeeraso uka mba'e-mba'e tëi pɨpe yuvɨreko. Ipɨpe sui oiporara tata gwasu apɨre'ɨ̇ va'e yuvɨreko a'e opɨta opakatu yande yembosɨkɨye agwä.