1 Corintios 10:25 - Tüpä Ñe'ëngagwer

²⁵ Pe'uño mba'e tembi'u opakatu mba'e mboepɨsa rupi sui perokwa va'e, ndapeporandui chira rumo sese pe pɨ'a ñemoñeta momarä e'ɨ̇ agwä Tüpä rese;

Tũpa Ñehengagüer

²⁵ Pehuño mbahe tembihu opacatu mbahe mboepɨsa rupi sui perocua vahe. Ndapeporandui chira rumo sese Tũpa rese pe pɨhañemoñetasa momaraẽhɨ ãgua.

1 Corintios 10:25 Iomraidhean Croise

Los Hechos 10:15

A'ese osendu iri ñe'ësa, aipo e'i chupe: “Akoi Tüpä remimbokatuprɨ upe, ava remimbotare'ɨ̇ ndi'usai va'e nderei chietera.”

Romanos 13:5

Sese iya yamboyeroya ite mborerekwar, nda'ei rumo a'e yande nupa e'ɨ̇ agwä reseño, yande pɨ'añemoñetasa momarä e'ɨ̇ agwä rese avei.

Romanos 14:14

Che aikwa ndipoi ete tembi'u yande reko momarä va'e; inungar che aroya yande Yar Jesús, sese che ayeroya ite yuvɨreko. Oime rumo ava ipɨ'a ñemoñeta va'e kokotɨ tëi tembi'u rese, a'e chupeño evokoiyase ndiyai ete i'u agwä.

1 Corintios 8:7

Nda'ei opakatu oikwa mba'e supi va'e ite yuvɨreko. Oime ava ndasesarai vɨtei va'e oyerure agwä mba'e ra'anga upe tëi, yuvɨro'u vɨte avei mba'e ro'o seropove'ëprɨ mba'e ra'anga tüpä upe opɨ'a ñemoñetasa pɨpe yuvɨreko; iyavei ipɨ'a ñemoñetasa nipirätäise a'ese kokotɨ tëi vɨreko opɨ'a ñemoñetasa mba'e ra'anga rese yuvɨreko.

1 Timoteo 4:4

Esepia opakatu mba'e Tüpä rembiapo avɨye ite, a'e ndiyai chira yaroɨrö yaipɨsɨse; avɨye ndeu yande'esa pɨpe Tüpä upe,

Tito 1:15

Akoi ndaseko maräi va'e upe opakatu mba'e nimaräi; ndiporeroyai va'e ipɨ'a ñemoñeta rai tëi va'e upe rumo, ndipoi ete mba'e avɨye va'e, esepia ipɨ'a ñemoñeta yarakwasa avei naporäi ete.