1 Corintios 10:14 - Tüpä Ñe'ëngagwer

¹⁴ Sese, che rɨvrɨ eta che rembiaɨsu, peyepepɨ mba'e ra'anga mboeteisa sui.

Tũpa Ñehengagüer

¹⁴ Sese che rɨvɨreta, che rembiaɨsu, peyepepɨ mbahe rahanga mboeteisa sui.

1 Corintios 10:14 Iomraidhean Croise

Los Hechos 15:20

Avɨye ite ikwachiasa opoi va'erä ko opakatu naporäi va'e seropove'ëprɨ mba'e ra'anga upe tëi yuvɨreko, ndoyuvɨrekoi chira yemboagwasasa ndipotasai va'e pɨpe iyavei ndoyuvɨro'ui chira mba'e mɨmba ro'o yukaprɨ tëi, anichira pe'ɨu suvɨ.

Romanos 12:19

Che rɨvrɨ eta, ani pe ae pemboyevɨ mba'e tëi pɨpe pe reko momaräsar, peseyaño Tüpä upe a'e oikwara chupe; esepia Ikwachiaprɨ pɨpe aipo e'i: “Che aikwara ava mba'e tëi aposar upe; che amboepɨra e'i yande Yar.”

1 Corintios 10:15

Ava ni'ä peiko pesendukwa va'erä mba'e, evokoiyase peporandu ko che remimombe'ugwer rese peyeupe ikwa tuprɨ agwä.

1 Corintios 10:19

Che rumo mba'e ra'anga avɨye va'e ite nda'ei, iyavei mba'e ro'o ikwave'ëprɨ mba'e ra'anga upe, avɨye katu ite nda'ei avei.

1 Corintios 10:7

Sese, pe ndapeyerurei chira mba'e ra'anga upe tëi, inungar a'e yuvɨrekoi ipa'ü pendar araka'e, esepia Ikwachiaprɨ pɨpe aipo e'i ete: “Esepia ava okaru agwä oyuvɨrogwapɨ ite yuvɨroɨ'u agwä araka'e, ipare rumo oyembopieta agwä yuvɨropü'apa ovɨ'aretesave yuvɨreko.”

1 Corintios 5:11

Che akoi aipo a'e peü ndapemborɨi chira ava che Jesucristo reroyasar aiko e'i anga'u tëi va'e, oyemboagwasase, anise oipotaraise ambuae ava mba'e, oyerure tëi va'e mba'e ra'anga upe, iyavei ima'echiröiai va'e, kagwar tëi va'e, anise imondarai va'e. Evokoi nungar ava pɨri ñepëi yepe ndapekarui chietera.

2 Corintios 11:11

¿Mba'e rese pi'ä aipo a'e peü? ¿Pe raɨsu e'ɨ̇save pi'ä? ¡Tüpä rumo oikwa che pe raɨsusa!

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Corintios 12:19

Che rɨvrɨ eta, che rembiaɨsu, pe revo pepɨ'añemoñeta ore oroikwachia ko peü, ore yoepɨ agwä tëi. Egwë ndoro'ei ete rumo, ore rumo Cristo rese ore reko pɨpe oroñe'ë Tüpä rovake. Opakatu ite ni'ä mba'e oroyapo pe rekokwer movɨräkwä katu agwä.

2 Corintios 6:17

Sese yande Yar aipo e'i avei: “Peyepepɨ evokoi nungar ava naporäi va'e sui; pepokoi rene mba'e naporäi va'e rese. A'ese che opopɨsɨra

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Filipenses 4:1

Sese che rɨvrɨ eta, che rembiaɨsu, peyemovɨräkwära yande Yar rese yepi; che ni'ä opoepia pota ite, pe inungar porerekosa imbouprɨ peiko cheu, esepia che vɨ'asa peiko.

Filemón 1:1

Che Pablo, sokendasa Cristo Jesús rekokwer sui tëi, iyavei Timoteo rɨvrɨ reseve amondo ndeu Filemón ore avɨravesa, ore rembiaɨsu opakatu ore poravɨkɨsa rupi ore pɨtɨ̇vɨï va'e yepi,

Hebreos 6:9

Che mborɨpar saɨsuprɨ, yepe aipo oro'e peü viña, oromo'ä ite rumo mba'e avɨye katu va'e peü ko ñepɨsɨrösa pare.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.

1 San Juan 5:21

Che ra'ɨreta, peñearö tuprɨ katu akoi tüpä oroiko e'i tëi va'e sui.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 2:14

Che rumo aikwa mba'e pe resendar: eipeve amove ava ndoyepepɨ potai ete Balaam porombo'esa sui yuvɨreko. A'e omboarakwa Balac Israel pendar mboangaipa uka agwä, toyuvɨro'uño mba'e ro'o seropove'ëprɨ mba'e ra'anga upendar tëi oya, toyemboagwasaño yuvɨreko oyapave avei.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”