1 Corintios 10:11 - Tüpä Ñe'ëngagwer

¹¹ Ko opakatu yande ramoi upe mba'e oime va'e araka'e ikwachiaprɨ yande ipa yaiko va'e upe narä, yande sɨkɨye agwä avei.

Tũpa Ñehengagüer

¹¹ Co opacatu yande ramoi upe mbahe oime vahe aracahe icuachiaprɨ yande ipa yaico vahe upe nara: “¡Peicua catu aipo nungar mbahe sui!” he ãgua yandeu.

1 Corintios 10:11 Iomraidhean Croise

San Mateo 13:39

iyavei yamotare'ɨ̇sar oñotɨ̇ ko ka'a naporäi va'e, a'e karugwar ite. Mba'e mitɨ̇ monu'äprɨ a'e inungar opa va'erä arɨ kañɨ koiye, iyavei akoi omonu'ä va'e mba'e mitɨ̇, a'e yuvɨrekoi mbigwai ɨva pendar.

San Mateo 13:40

Inungar akoi ka'a naporäi va'e imonu'äsa ipare imondosa tatave sapɨ agwä, egwë e'i aveira arɨ kañɨ pɨpe koiye.

Romanos 13:11

Iyavei peikwa tuprɨ ko mba'e oime va'e yandeu, kurïtëi arɨ osupitɨ ite yande yemopoäse agwä. Esepia yande ñepɨsɨrösa köimi ete sekoi yɨpɨndar va'e sui, yaroyase iñe'ëngagwer sereko.

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

Romanos 15:4

Supiete opakatu omombe'u va'e araka'e Ikwachiaprɨ pɨpe, a'e ikwachiasa yande mbo'e agwä.

Romanos 4:23

Iyavei Tüpä ko rese oikwa uka, sese ndikwachiasai ñe'ësa Abraham rekokwer resendar gweraño;

1 Corintios 10:6

Ko opakatu mba'e sembiapokwer yuvɨreko a'e yande mbo'e agwä, a'ese yande ndayaipotarai chira yaiko va'erä mba'e-mba'e tëi pɨpe, inungar a'e ava imba'e potarai yuvɨreko araka'e.

1 Corintios 7:29

Che rɨvrɨ eta, aipo mba'e amombe'u pota peü: Ndipukuvei ko arɨ naporäi va'e yepota agwä yandeu. Sese ko pɨpe suive tuprɨ omenda va'e toyuvɨrekoi nomendai va'e nungar yande Yar rese opɨ'a ñemoñetasa pɨpe;

1 Corintios 9:10

yande reko tuprɨ agwä rese ni'ä aipo e'i yandeu. Esepia porokwaita ikwachiasa yandesui tëiete, akoi ava omongu'i va'e ɨvɨ iyavei akoi oikambe va'e mba'e rä'ɨi, oyoya osärö mba'e oipɨsɨ va'erä oporavɨkɨsa sui oyeupe narä yuvɨreko.

Gálatas 4:24

Ko tekokwer mboyoyasa yarakwa va'e ite; ko ñuvɨrïo kuña sui yayembo'e ñuvɨrïo Tüpä remimbotar rese: yɨpɨndar ɨvɨtrɨ Sinaí omboyekwa Agar, a'e kuña opakatu ava mbigwai sɨ sekoi araka'e.

Filipenses 4:5

Pemboyekwa katu ava upe pe reko mbegwesa. Esepia köimi ete yande Yar yevɨ iri agwä yandeu.

Hebreos 10:25

Ndayamopanei chira yande ñemonu'äsa Tüpä upe, ndayaikoi chira omopane va'e nungar, iya rumo yayemongere'ɨ̇ katura ñepëi-pëi yande yeupe; esepia vɨrovɨ arɨ yande Yar yevɨ iri agwä.

Hebreos 10:37

Supiete Ikwachiaprɨ pɨpe aipo e'i Tüpä: “Ou pɨ'aivi etera, akoi ou va'evɨ. Ndiaraka'ei chietera.

1 San Juan 2:18

Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.