1 Corintios 1:27 - Tüpä Ñe'ëngagwer

²⁷ Tüpä oiporavo ko ɨvɨ pɨpendar ava remiambotare'ɨ̇, ava imba'ekwa vai va'e mochi agwä; oiporavo avei ava seko mbegwemi va'e ava seko ɨvate katu va'e mochi agwä.

Tũpa Ñehengagüer

²⁷ Evocoi ava, “Ndoicuai vahe mbahe yuvɨreco” ehi yuvɨreco pẽu viña. Tũpa rumo pe poravo evocoi ava imbahecua vai vahe mochi ãgua. Iyavei oiporavo ava pe pãhu pendar ndoicatu tuprɨi vahe yuvɨreco ava ipĩrata vahe Tũpa cuaparẽhɨ mochi ãgua.

1 Corintios 1:27 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 21:16

aipo e'i Jesús upe yuvɨreko: –¿Eresendu vo chi'ïvä'emi ñe'ë aipo e'ise yuvɨreko? Jesús rumo omboyevɨ chupe: –Asendu ite. ¿Pe ndapeyerokɨi vo araka'endar Ikwachiaprɨ ñe'ësa resendar pɨpe? Aipo e'i va'e: ‘Chi'ïvä'emi sapukaisa rese, iyavei pitanimi okambu vɨte va'e, a'e osapukai nde mboeteisa pɨpe yuvɨreko.’

San Mateo 9:9

Jesús osose a'e ichui osepia ñepëi ava serer va'e Mateo, ogwapɨ a'eve öi gwarepochi rerokwasar Roma pendar uve ñarä. A'ese Jesús aipo e'i chupe: –Erio che rupi. Evokoiyase Mateo opü'a oso supi.

San Lucas 21:15

esepia che amondora che mba'ekwasa peñe'ë agwä, ndoikatui chietera evokoiyase pe amotare'ɨ̇mbar imboyevɨ yuvɨreko peü.

Los Hechos 17:18

Evokoiyase oime amove mbɨa oyembo'e va'e epicúreo arakwasa rese iyavei mbɨa oyembo'e va'e estoicos arakwasa rese omboɨpɨ oyemomborandu sese yuvɨreko. Ñepëi ipa'ü pendar aipo e'i: –¿Mba'e rese pi'ä ko mbɨa oñe'ë iñe'ë paparai va'e oiko? Ambuae avei aipo e'i yuvɨreko: –Ndoyavɨi ko mbɨa oñe'ë va'e ambuae ava tüpä rese tëi. Aipo e'i yuvɨreko esepia Pablo omombe'u ite ñe'ësa avɨye va'e Jesús rekokwer resendar ikwerayevɨsa resendar avei.

Los Hechos 7:35

“Yepe a'e ndovɨroyai ete Moisés yuvɨreko viña iyavei aipo e'i yuvɨreko chupe: ‘¿Uma vo nde moinge ore rerekwarä ore rekokwer moigätu agwä?’, Tüpä ite oyokwai gwembigwai imbogweyɨ tata rendɨgwer pa'üve imoñe'ë Moisés upe iporokwai agwä, iyavei ava renosepa agwä.

Los Hechos 7:54

Osendupase iñe'ë, omboasɨ iteanga oñeaimbotere-tere ite Esteban amotare'ɨ̇save yuvɨreko.

1 Corintios 1:20

¿Kevo pi'ä opɨta ava imba'ekwa vai va'e mba'ekwasa, iyavei porokwaita rese oporombo'e va'e arakwasa, iyavei oikwapa va'e mba'e ko ɨvɨ pɨpendar moigätu? ¡Tüpä opa ite osekuñarö ava mba'ekwasa egwë e'i tëi va'e ko ɨvɨ pɨpendar!

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 2:12

Yande evokoiyase nda'ei ko ɨvɨ pɨpendar tëi espíritu yaipɨsɨ, egwë e'i rumo Espíritu Tüpä suindar ite yaipɨsɨ, yaikwa va'erä avei Tüpä porerekosa oporoaɨsusa pɨpe ombou va'e yandeu.

2 Corintios 10:10

Oime ava che rembikwachia upe yavai eteanga sendukwa agwä e'i yuvɨreko, che añe'ëse rumo peü ndayeeko mboɨvateai ete, ndapeyapɨsakai avei che ñe'ë rese.

2 Corintios 4:7

Ko ñe'ësa yareko va'e yande retekwer rese, inungar mba'emoinda ñaɨ'u apoprɨ, imboyekwa pɨrä evokoi pirätäsa ou va'e Tüpä sui a'e nda'ei ore suindar tëi ou va'e.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;