1 Corintios 1:26 - Tüpä Ñe'ëngagwer

²⁶ Che rɨvrɨ eta, peyemoma'endu'a katu Tüpä pe poravo agwer rese, yepe pe pa'ü pendar ndasetaimi imba'ekwa vai va'e ava rovake yuvɨreko viña, ndasetaimi avei pereko pe mu seko ɨvate va'e pe pa'üve.

Tũpa Ñehengagüer

²⁶ Che rɨvɨreta, peyemomahenduha catu co rese: Tũpa pe poravo, yepe pe pãhu pendar ndasetaimi imbahecua vai vahe ava rovaque yuvɨreco viña. Ndasetaimi avei pereco pe mu seco ɨvate vahe viña no.

1 Corintios 1:26 Iomraidhean Croise

San Lucas 1:3

Che avei seroyaprɨ Teófilo, opa aseka tuprɨ yɨpɨsuive opakatu ko mba'ekwa tuprɨ agwä, ichui che amoigätu tuprɨ pota ikwachiaprɨ sesendar ndeu narä avei sereko,

San Lucas 10:21

A'e pɨpeve voi, Jesús ovɨ'aretesa pɨpe Espíritu Maräne'ɨ̇ rese aipo e'i: “Oromboetei, nde rereko che Ru, Yar ɨva pendar ɨvɨ pendar aveino, esepia eremboyekwa ite ñe'ësa ava seko mbegwemi va'e upe a'e akoi ereñomi va'e ava opakatu oikwa va'e sui ava mba'e osendukwa tuprɨ va'e sui avei. Supiete che Ru, esepia evokoi nungar ite ereipota eiko yepi.”

Los Hechos 13:12

A'e ko mba'e repiase, mborerekwar vɨroya ite, oyepɨ'amondɨi porombo'esa yande Yar resendar renduse.

Los Hechos 13:7

Ko ipaye va'e sekoi mborerekwar Sergio Paulo pɨri, a'e mbɨa yarakwa tuprɨ va'e. A'e mborerekwar gweru uka Bernabé iyavei Saulo, esepia osendu pota ite Tüpä ñe'ëngagwer.

Los Hechos 17:34

Oime rumo seroyasar yuvɨrekoi va'e supi. A'e ipa'üve sekoi mbɨa Dionisio serer va'e, a'e Areópago pa'ü pendar iyavei kuña Dámaris serer va'e, oime vɨte avei ambuae seroyasar yuvɨreko.

Romanos 11:29

Supiete, Tüpä ndovɨroyevɨ iri ete mba'e gwemimondo iyavei ndovɨrova-rova tëi va'e opɨ'añemoñetasa gwembiporavo sui.

1 Corintios 1:20

¿Kevo pi'ä opɨta ava imba'ekwa vai va'e mba'ekwasa, iyavei porokwaita rese oporombo'e va'e arakwasa, iyavei oikwapa va'e mba'e ko ɨvɨ pɨpendar moigätu? ¡Tüpä opa ite osekuñarö ava mba'ekwasa egwë e'i tëi va'e ko ɨvɨ pɨpendar!

1 Corintios 2:13

A'e ni'ä oromombe'u Tüpä Espíritu ore mbo'e va'e, nda'ei ñe'ësa ava tëi arakwasa sui. Egwë oro'e ko supiete va'e ñe'ësa espíritu suindar oromombe'u espíritu rese yuvɨrekoi va'e upe yepi.

1 Corintios 2:8

Ko ɨvɨ pɨpendar ava mborerekwareta rumo ndosendukwai ete ko ñe'ësa yuvɨreko, osendukwase rumo yuvɨreko viña, ndoyatɨka ukai chira yande Yar seko ɨvate, porañete va'e kurusu rese yuvɨreko viña.

Filipenses 4:22

Iyavei opakatu ambuae yuvɨrekoi va'e ko'ave Jesús reroyasar, iyavei akoi mborerekwar ɨvate katu va'e rëtäve yuvɨrekoi va'e, a'e avei omondo oma'endu'asa yuvɨreko peü.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

2 San Juan 1:1

Che, aikwachia ko ñe'ësa che ma'endu'asa resendar peü, pe Tüpä rembiporavo peiko va'e opakatu upe. Che ni'ä supiete opoaɨsu, nda'ei rumo che gweraño opoaɨsu, opakatu oikwa va'e porombo'esa supiete va'e avei pe raɨsu yuvɨreko.