Lucas 20:24 - Ngäbere

²⁴ Ngwian ye mike tuadre kunti tie munkwe, niebare Jesukwe ietre. Erere biani tuadre kwetre Jesuye angwane, Jesukwe niebare mda ietre: ¿Nire bä amne nire käi tä tikani ngwian nebtä? niebare kwe. Angwane niebare kwetre ie: Emperador César bä amne käi tä btä, niebare kwetre mda Jesuye.

Lucas 20:24 Iomraidhean Croise

Mateo 18:28

Yebti sribikä ye nikaninta angwane, sribi muko kwe abko bti rürümon ütiä nämane chi kwe abko ben namani ngätäi. Angwane sribikä ye nikani betekä, käkwe sribi muko kwe ye kani roro mkäbti, nikani roro mkä kekete se kwrere, kä namani niere: ¡Rürümon ütiä mabti, ye makwe ütiä bianta jökrä tie! namani niere ie.

Mateo 20:2

Ye erere sribikä kwani ie angwane, sribi ütiä biandre nuäi köböiti, ye erere ükaninte kwe bentre, bti juani kwe sribire uba gräte.

Mateo 22:20

Angwane Jesukwe nieba mda ietre: ¿Nire bä amne nire käta tikani ngwian nebtä? nieba Jesukwe ietre.

Marcos 12:16

Ye erere bkänä, ngwian denario biani kwetre Jesuye angwane, Jesukwe niebare mda ietre: ¿Nire bä amne nire käi tä tikani ngwian nebtä? niebare kwe. Niaratrekwe niebare mda: Emperador César bä amne käi tä btä, niebare kore kwetre Jesuye.

Lucas 2:1

Ne ngwane emperador romanobo kädian nämane Augusto César käkwe ni jire jökrä kä tikamna täräbtä kä jökräbti temen gadre jae.

Lucas 20:22

Ye aisete nun tö kukwe ngwiaintari mae abko krörö: ¿Emperador romanobo César abko ie nunkwe ja ütiä biandre ye abko dbe ya, ñakare ya niere nunye? niebare kwetre Jesuye.

Lucas 20:23

Angwane tö namani Jesu ngökai, ye gani Jesukwe btätre, käkwe niebare ietre:

Lucas 20:25

Abtä Jesukwe niebare mda ietre: Jändrän emperadorekwe erere munkwe bian emperadoreye amne jändrän Ngöbökrä erere munkwe bian Ngöböye. Abko kore se, niebare kwe ietre.

Lucas 23:2

Angwane nikani Jesu kite ngise krörö Pilatoye: Ni noko tä kukwe miketbe blo nun israelita rüere abko nunkwe gaba btä. Nunkwe ñan ja ütiä biandre emperador romanoboye tä niere. Mdakäre abko, niara Ni Dianinkä Ngöbökwe amne niara abko jrei tä niere emperador rüere, niebare kwetre Pilatoye.

Lucas 3:1

Abti kä kwä jätäbti kwärikera emperador Tiberio nikani gobrane ne ngwane, ni nämane gobrane kräke abko nere: Gobernador Poncio Pilato nämane gobrane käkä Judeate. Dänkien tetrarca Herodes Antipas abko nämane gobrane käkä Galileate. Herodes etba kädian nämane Felipe abko nämane gobrane käkä Itureate btä käkä Traconite yete amne dänkien tetrarca Lisanias abko nämane gobrane käkä Abilenete.

Hechos 11:28

Nitre ye abko, iti kädian nämane Agabo. Bati nämane gätäbtä angwane, namani nünaninkä krö amne, Ngöbö Üai Deme köböire niebare krörö kwe: Nitre romanobo tä gobrane, ye käntikänti mrö nikadi kri krübäte kä ngrabare temen, niebare kwe. Ye erere bkänä, emperador Claudio nämane gobrane angwane abko mrö nika namani krübäte kä ngrabare temen.

Hechos 26:32

Angwane Agripakwe niebare Festoye: Ni ne käkwe ñan kukwe ükatemna au jakrä emperadoreye akräke niara tikadrete. Akwa niara ara jire käkwe kukwe ükatemna kore, aisete ni ñan raba tikete, niebare kwe ie.

Filipenses 4:22

Erere arato, nitre deme deme Ngöbökwe tä nete käta köbö kuin juen mun jökrä kräke akwa, jä mräkätre sribikä emperador romanobokwe abko bäri tä köbö kuin juen munkrä.