Juan 4:31 - Ngäbere

³¹ Akwa nitre jutate jataba, ye ngämi nüke Jesu känti, känenkri nun ja töitikaka Jesube rababa niere ie: Dirikä, mrö kwete chi, nun näma niere ie.

Juan 4:31 Iomraidhean Croise

Mateo 23:7

Mdakäre abko, ni ütiäte krikri, ie köbö ngwiandretari, ye kwrere ni jökrä käkwe köbö ngwiandretari käne ietre kä jändrän rürümoinkrä ye käntita temen, ie töta nebe. Erere arato, ni mda mdakwe kädiandre dirikä abko ie töta nebe.

Mateo 23:8

Akwa dirikä niedre munye mun mräkäkwe ye abko munkwe ñan ribe jae, ñobtä ñan angwane Dirikä itibe tä munkwe abko Ngöbö ara amne mun abko ja etbare jökrä.

Mateo 26:25

Angwane Judas kä nämane Jesu kite ngise tiebe ye käkwe nieba mda Jesuye: Dirikä, ¿tikwe ma kitadi ngise ya? nieba kwe. Abtä Jesukwe nieba mda ie: Ma ara käkwe ti kitadi ngise erere makwe nini metre, nieba kwe ie.

Mateo 26:49

Ye erere bkänä, Judas jataba nüke, ye btäräbe rikaba Jesu känti, käkwe nieba krörö ie: ¡Ñantöre Dirikä! nieba kwe. Bti Jesu demainba kwe.

Marcos 11:21

Higokrie, ie Jesukwe ñäkäbare nitre ja töitikaka ben okwäbti ye nükaninta töreta Pedroye, käkwe niebare Jesuye: ¡Jo! Dirikä, higokrie ie makwe ñäkäba jändrin, ye nibira nötare jökrä nükebe dobote temen tuen, niebare kwe ie.

Marcos 14:45

Ye erere bkänä, Judas jatani nüke, ye btäräbe nikani Jesu känti, käkwe niebare krörö ie: ¡Dirikä! niebare kwe. Bti Jesu demainbare kwe.

Marcos 9:5

Pedrokwe niebare Jesuye: Ti Dänkien, nunta nete abko käi nibi nuäre tibtä, aisete ma tö ne ngwane nunkwe ju mikadi kiakia komä munkrä: kwati makrä, kwati Moisékrä amne kwati Elíakrä, niebare Pedrokwe.

Juan 1:38

Jesukwe mikaninta ñäräre ja jiebti, käkwe niebare ietre: ¿Mun ye tö nibi dreye? niebare kwe ietre. Angwane nitre nibu ye käkwe niebare mda: Dirikä, ¿mata nüne mdente? niebare kwetre ie.

Juan 1:49

Abtä Natanael käkwe niebare Jesuye: ¡Dirikä, era bkänä ma abko Ngöbö Odei amne ma Jrei nitre israelitakwe! niebare mda kwe ie.

Juan 11:8

Abtä nun ja töitikaka Jesube käkwe nieba mda ie: Dirikä, nitre israelita ji dokwäte tö rababa ma kämikai jäbti kä Judeate, ye abko käi ngämi niken raire ta. ¿Kä ye känti abko ma tö nibira rikaita bobuta ya? nunkwe nieba ie.

Juan 3:2

Ni ye abko nikani deo Jesu känti mda, käkwe nieba ie: Dirikä, mata sribi kri ñan tuabare nuene, yebtä abko Ngöbökwe ma juani dirire nunye abko nüke gare nunye, ñobtä ñan angwane ni btä Ngöbö di ñakare ñan raba sribi nuene jire chi ja di jenbti au, mata nuene ye kwrere, nieba kwe Jesuye.

Juan 3:26

Bti nikani, käkwe niebare Juanye: Dirikä, ni näma iti mabe Ñö Jordánbtä sekri sete, btä makwe blitaba, ni ye abko tä ni mda mda ngökö ñöte arato amne ni jökrä nibi niken niara känti, niebare kwetre ie.

Juan 4:30

Abtä nitre nünanka juta yete jataba jökrä Jesu känti.

Juan 4:32

Akwa Jesukwe nieba nunye: Mrö tärä keteti kwetadre tie abko gare ñakare munye, nieba kwe nunye.

Juan 6:25

Ye erere bkänä, rikaba nebe ñö okwä kwäräkri, känti Jesu kwanba ietre angwane, nieba kwetre ie: ¿Dirikä, ma nükani ñongwane nete? nieba kwetre ie.

Juan 9:2

Abtä nun ja töitikaka Jesube käkwe nieba ie: ¿Dirikä, ñobtä ni se därebare okwä kä drünente kore? ¿Niara meye amne rün käkwe ja mikani ngite Ngöbö rüere ya? o ¿Niara ara jire käkwe ja mikani ngite au Ngöbö rüere abtä därebare kore ya? nieba nunkwe Jesuye.