Apocalipsis 4:11 - Ngäbere

¹¹ Ni Dänkien Ngöbö, ma aibe ngöräbe käikitadrekä amne ma aibe raba mikani ütiäte amne ma aibe di kri, ñobtä ñan angwane makwe jändrän jökrä dätebare amne, ma aibe köböire jändrän jökrä tä mtare, abko nitre unbre unbre näma niere kore, rababa tuen tie.

Apocalipsis 4:11 Iomraidhean Croise

Hechos 14:15

Ja mräkä, nun abko ñakare ngöbö, akwa nun ja kwrere munbe. ¡Se ñobtä mun tö nibi nun mikai ütiäte kore jae se! Munta ngöbötre ngwarbe mike ütiäte jae, ye mikadre jökrä temen munkwe, abkokäre nun jatani Ngöbö kukwei kuin Jesubtä mike gare munye. Ngöbö nire kä käinta amne kä tementa dätekä, arabe käkwe mren dätebare amne jändrän jökrä tä nüne kä käinta, kä tementa amne mrente dätebare kwe arato. Ngöbö ye aibe munkwe kadre ngäbti, abkokäre nun jatani Ngöbö kukwei kuin mike gare munye.

Hechos 17:24

Ngöbö kä temen ne dätekä amne jändrän jökrä tä nüne kä temen nebtä dätebare kwe arato. Niara abko kä käinta Dänkien amne kä temen ne Dänkien, aisete ju mikata ni kä nebtäkwe, te niarata nüne ñakare, ñobtä ñan angwane bäri chi kräke.

Romanos 11:36

Ñobtä ñan angwane jändrän jökrä tä kite Ngöbökri amne jändrän jökrä tä niara köböire amne jändrän jökrä abko jen Ngöbökwe, aisete ¡Ngöbö aibe raba käikitaninkä kärekäre! Abko kore se. Amen.

Efesios 3:9

Mdakäre abko, Ngöbö jändrän jökrä dätekä abko kwe kukwe nämane kaibe tiebe kira, ye abko tikwe mikadre gare ni jökräye, abkokäre sribi ye biani kwe tie.

Hebreos 1:10

Erere arato, Ngöböta niere krörö btä: Ti Dänkien, kena dekä makwe kä temen ne dätebare amne, ja kise jenbti makwe kä käinta dätebare.

Hebreos 1:2

Akwa kä mrä ne ngwane abko Ngöbökwe blitabarera ünän täte nibe niara Odei jen kwe Jesukristo ye köböire. Ngöbökwe ja Odei mikani jändrän jökrä bkänkä amne niara köböire Ngöbökwe kä käinta amne kä temen dätebare.

Apocalipsis 1:6

Niarata gobrane nibtä. Erere arato, niarakwe ni mikani blitaka Ngöböbe ni mda mda diäre sribikäre Ngöbö niara Rün kräke, aisete ¡Kristo raba käikitaninkä kärekäre amne niara di raba kri kärekäre! Amen.

Apocalipsis 10:6

bti nieba krörö kwe: Ngöbö Nünanka Kärekäre amne Ngöbö kä käin, kä temen dätekä ara käkwe mren dätebare amne jändrän jökrä tä te dätekä, Ngöbö ye käbti ti bike kukwe era erere niere krörö: ¡Ngöbökwe ñan kä ngibiadi jire chi mda!

Apocalipsis 14:7

kä rababa niere krörö ja dibti: Ngöbö jürä ngwian jabtä munkwe amne niara käikitaka munkwe, ñobtä ñan angwane niarakwe kukwe ükarete ni kräke mikakäre ja ngie nuen abko käi nüra amne, Ngöbö kä käinbti btä kä tementa dätekä amne Ngöbö mren dätekä btä ñö dätekä, Ngöbö ye abko mika ütiäte munkwe abko angele ye rababa niere kore ti okwäbti.

Apocalipsis 19:1

Yebti ni kwati kukwei rababa ruen ja dibti tie, kä rababa niere krörö kä käinbti: ¡Aleluya! Ngöbö nikwe aibe ni diantarikä, aibe ütiäte kri amne di kri.

Apocalipsis 5:12

amne rababa Jesu bä mike Kordero kwrere, kä rababa ngrente ja dibti, kä rababa niere: ¡Kordero ye müre ketani ni diantarikäre, ye ütiäre abko Ngöbökwe ja di kri mikani niara kisete amne raba jändrän jökrä bkäne! ¡Erere arato, niara aibe raba töbtä kri amne di raba jändrän jökrä bti ta amne, niara aibe raba mikani ütiäte jae amne raba käikitaninkä amne demainbare! abko angele kukwei rababa ruen kore tie.

Apocalipsis 5:2

Angwane angele bäri di kri näma iti, btä ti okwä rababa amne, angele ye käkwe ngrateba kri käkwe nieba: ¿Nire bäri ütiäte kri abko käkwe täräkwata ne metadite amne, munkwata keta kükü mikani ja täritäri täräkwata ketakakrä abko nirekwe diandikä täräkwatabtä amarebti ye? rababa niere kore.

Apocalipsis 5:9

Angwane niaratre rababa ka btin niere krörö ni Kordero kwrere ie: Ma aibe ütiäte kri, kä raba täräkwata ye den kisete amne ketaninkä munkwatabti, ye ma aibe raba denkä mento, ñobtä ñan angwane ma abko müre ketani ni kräke amne, ja däriebti makwe ni bätäkä ngwarbe kökanintarita Ngöbökrä. Ye abko, ni kukwe bätäkä ngwarbe amne ni juta kwatirekwatire te amne ni nünanka kä ketareketare temen, te makwe ni kökanintarita ruäre rabakäre ni jen Ngöbökwe.