Apocalipsis 17:1 - Ngäbere

¹ Abti angele ni kükü kisete Ngöbö mätä kri näma blatote abko ianteba kwetre, angele ye abko iti jataba käkwe nieba krörö tie: Meri bti kä ngwarbe kri krübäte abko tä täkänintbe ñö bätäkä ngwarbe bti, se mikadi ja ngie nuen ño Ngöbökwe abko ti bike mike tuare mae, aisete jakwe tuen, nieba kwe tie.

Apocalipsis 17:1 Iomraidhean Croise

Lucas 24:32

Abtä niebare kwetre jae kwärikwäri: ¿Niara ki blite ji ngrabare nibe Ngöbö Kukweibtä angwane, kä nibi nuäre krübäte nibtä, aisete ni nibi grükekä jökrä ngrabare niara kukwei nuare ñan ñan? namani niere jae kwärikwäri.

Lucas 9:30

Ye btäräbe ni nibu namani gökökä yete blite Jesube. Ni nibu ye abko Moisés amne Elías.

Apocalipsis 1:1

Kukwe mden mden rakadikä bä jötrö abko rabadre gare nie abko Ngöbökwe mikani Jesukristo kisete mikakäre gare sribikä kwekwe ie. Akwa kukwe ye rabadre gare, abkokäre Jesukristo käkwe angele kwe juani niere ti Juan sribikä kwe neye.

Apocalipsis 15:1

Yebti jändrän mda krikri rakadrekä abko bä rababa kä käinbti abko btä ti ñan töi rababa krütare mda abko krörö: Ngöbö mätä kri ye abko rabadre bare täte jökrä nitre nünanka niara rüere btä abko angele ni kükü näma näin jändrän taretare keta kükü mrä ngwena kisete, ni nünanka Ngöbö rüere mikakäre ja tare nike kri abko rababa tuen tie.

Apocalipsis 16:19

Dobo rakakaba kri krübäte ye abko käkwe juta kri Babilonia ñäkänintbe ketamä temen amne ju krikri juta mda mdate rikaba jökrä temen. Angwane Ngöbö mätä kri bä mikata uba döi kwaka kwrere jire, bti juta Babilonia mikadre ja ngie nuen kwe ye abko rükabata töre ie.

Apocalipsis 18:1

Yebti angele mda näma kä käinbti jataba timonkwäre ti okwäbti. Angele ye abko bäri di kri abko jataba angwane, trä gitiaba ngwen jökrä kä nebtä,

Apocalipsis 19:2

Ye ñobtä ñan angwane meri bti kä ngwarbe tä ni brare näkwite, ye kwrere jire juta ne nämane ni kwati näkwite kukwe kämekäme jiebti kä jökräbti temen abko kräke Ngöbö tä kukwe ükete kuin era metre. Amne nitre deme Ngöbökwe kämikani nitre nünanka juta yetekwe, ye dokwäre abko Ngöbökwe mirira ja ngie nuen krübäte.

Apocalipsis 19:9

Yebti angelekwe nieba mda tie: Kukwe tike krörö täräbtä: Ni Kordero kwrere käkwe ja miri gure, ye känti nire nire tä nübaibare, ye abko btä kä raba nuäre kri krübäte, nieba kwe tie. Abti jötrö nieba krörö mda kwe: Tikwe kukwe nini, ye abko Ngöbö Kukwei era metre, erere tikwe nini mae, nieba kwe tie.

Apocalipsis 21:15

Angwane angele näma blite tibe ye näma nörä orore ngwena krati kisete juta ñäkäkrä, jukwe ñäkäkrä amne ki jutabti ñäkäkrä arato.

Apocalipsis 21:9

Yebti angele ni kükü kisete blato näma abko te Ngöbö mätä kri näma iandrete, angele ye abko jataba iti, käkwe nieba mda tie: Meri ben ni Kordero kwrere rabai, meri ye abko ti bike mike tuare mae. Jakwe tuen, nieba kwe tie.

Apocalipsis 4:1

Yebti tikwe nikraba angwane, jukwe näma tikani kä käinbti, btä ti okwä rababa. Angwane ni kukwe kri, drü kri kwrere tikwe kukwe nuaba käne, ye kwrere jire kukwe jarabata tie abko käkwe nieba krörö tie: Jakwe kä käinbti nete amne, kukwe rakadikä ño ño mda abko ti bike mike tuadre mae, nieba kwe tie.