فیلیپیان 4:8 - کیتاب مقدّس به گیلکی (رشتی)

⁸ آخرٚ سر، اَی برأرأن، هر چی کی راسته، هر چی کی سرتره، هر چی کی دوروسته، هر چی کی پاکه، هر چی کی دوس دأشتنی‌یه، هر چی کی شأ اونٚ خُبی‌یَ گفتن و هر چی کی عالی و قابلٚ ستایش کودنه، اوشأنٚ رِه عمیق فیکر بوکونید.

Gilaki New Testament

⁸ و اَسه، می جأن و دیلٚ ریفِقأن، آخرسٚر ایچی شٚمٚره گم: شیمی فیکرَ اوچی سٚر جمَ کونید کی دوروست و قأبیلٚ ایحترأمه، اوچی سٚر کی دوروست و تیمیز، اوچی سٚر کی دوس دأشتنیه و شأ ستأیٚش کودن. کأرأنی‌یَ فیکر بوکونید کی خٚیلی خوروم بٚبه و بشأ تمجید کودن.

کتاب مقدس به زبان گیلکی - گویش شرقی

⁸ سرأخره، ای برأرون، هرچی کی راسته، هرچی کی حرمت دانه، هرچی کی دوروسته، هرچی کی پاکه، هرچی کی دوست‌داشتنی و هرچی کی قابل پرستش ایسه، اگر عالی ایسه و اگر پرستش ارزشه دانه، اون باره فیکر بوکونین.

کتاب مقدس به زبان گیلکی - گویش رشت و غرب گیلان

⁸ آخر بسر، ای براران، هر اونچی كی راستِ، هر اونچی كی حرمت دَره و هر اونچی كی دُرُستِ، هر اونچی كی پاكِ، هر اونچی كی دوست داشتَنیه و هر اونچی كی پرستشِ ره قابیله، اَگه عالیه، اگر پرستشِ ارزشَ دَره، اَشانِ باره فكر بُكونيد.

فیلیپیان 4:8 Iomraidhean Croise

پیدایش 18:19

چره کی من اونَ انتخاب بوکودم کی اون خو خانواده و خو زأکأنَ فرمان بده کی بعدٚ خودش می دستورأنَ اجرا بوکونید و راستی و عیدالتَ بجا بأورید، تا منم هرچی‌یَ کی ایبراهیمَ وعده بدَه‌بوم، بجا بأورم.»

متّی 22:16

اوشأن خوشأنٚ شاگردأنَ و طرفدارأنٚ هیرودیسٚ پادشایَ عیسی ورجأ اوسه کودیدی و بوگفتیدی: «اوستاد، دأنیم کی تو آدمٚ صاف و صادقی ایسی و خودا رأیَ هوطو کی ایسه یاد دیهی و هیکسٚ جأ نترسی چونکی آدمأنٚ ظاهیرَ نیگاه نوکونی.

مَرقُس 6:20

چونکی هیرودیس یحیی جأ ترسه‌یی، چره کی اونَ ایتأ دوروستکار و موقدّسٚ مردأی دأنستی و هَنٚ وأسی اونٚ جأ موحافظت کودی. هر وخت یحیی گبأنَ ایشتأوستی، حیران و پریشأنَ بوستی. ولی بأزم دوس دأشتی اونٚ گبأنَ گوش بده.

لوقا 16:15

عیسی اوشأنَ بوگفته: «شومأن کسأنی ایسیدی کی شمرَ مردومأنٚ ورجأ خوروم آدم نیشأن دیهید ولی خودا شیمی باطنٚ جأ وأخبره. او چیزأنی کی مردومأنَ خوش بأیه، خودا ورجأ زشت و ناپسنده.

لوقا 2:25

او وخت اورشلیمٚ دورون ایتأ مردای زندگی کودی شمعون نام کی دوروستکار و پارسا بو و همیشه اینتظارٚ او کسی‌یَ کشه‌یی کی وأستی ایسرائیلَ غم و قورصه جأ راحتَ کونه و روح‌القدس اونٚ اَمرأ بو.

لوقا 23:50

اویه اینفر ایسَه‌بو یوسف نام کی خیلی خوروم آدم و دوروستکار بو. هر چند کی ایتأ جٚه یهودٚ قومٚ شورا اعضا بو،

یوحنا 7:18

اونی کی از خودش گه، به دونبألٚ اَنه کی خودشَ جلال بده، امّا اونی کی خوأیه کسی‌یَ کی اونَ اوسه کوده جلال بده، راستگه و در اون هیچ ناراستی‌یی ننَه.

اعمالٚ رسولأن 10:22

اوشأن بوگفتیدی: «فرمانده کُرنِلیوس اَمرَ اوسه کوده. اون مردی عادل و خوداترسه، کی تومامٚ مردومٚ یهود اونَ به خوبی شنأسیدی. فرشته‌یٚ موقدّسٚ خودا اونَ دستور بده اَمرَ اوسه کونه تا ترَ ببریم اونٚ خانه کی تی گبأنَ بیشنَوه.»

اعمالٚ رسولأن 22:12

«دمشقٚ دورون ایتأ یهودی‌زاده‌ مردای کی به عیسی مسیح ایمأن بأورده بو، کیتابٚ توراتٚ موسی‌یَ دقتٚ اَمرأ ایطاعت کودی. اونٚ نام حَنانیا بو، کی یهودیأنٚ میأن نیک‌نام بو.

اعمالٚ رسولأن 6:3

پس اَی برأرأن، شیمی میأن هفت نفرَ اینتخاب بوکونید کی موردٚ اعتماد بیبید و حکمت و روح‌القدسٚ جأ پوریدی تا اَ خدمتَ اوشأنَ فدیم

فیلیپیان 3:1

دِه می برأرأنٚ رِه بگم، در خوداوند شاد بیبید! اَ گبأنَ دوواره نیویشنْ مِره سخت نی‌یه بلکی شیمی ایطمینأنٚ وأسی‌یه:

۱پطرس 1:22

اَسأ کی حقیقتٚ جأ ایطاعت کودنٚ اَمرأ شیمی وجودَ پاکَ کودید کی برأر خأخورٚ مأنستن بی‌ریا همدیگرٚ اَمرأ موحبت بدأرید، پس وأ کس‌کسَ جٚه دیل و جان موحبت بوکونید.

۱پطرس 2:12

شیمی کردار بی‌ایمأنأنٚ میأن وأ جوری خُب ببه کی با اَنکی شمرَ بدکار دأنیدی، او روزی کی خودا قراره بأیه، شیمی خوروم کارأنٚ دِئنٚ وأسی، خودایَ جلال بدید.

۱پطرس 4:8

جٚه هر چی مهمتر اَنه کی کس‌کسَ دیل و جانٚ اَمرأ موحبت بوکونید، چره کی موحبت ایتأ عالمه گونایأنَ پوشأنه.

روت 3:11

هسأ دِه نوأ ترسن. هر چی بیگی ترَ انجام دهم. تومامٚ مردومٚ شهر بفهمستیدی کی تو زنٚ خُبی ایسی.