فیلیپیان 3:8 - کیتاب مقدّس به گیلکی (رشتی)

⁸ بلکی وختی هر چی‌یَ می خوداوند، مسیحْ عیسی شنأختٚ پیله ارزشٚ اَمرأ موقایسه کونم، دینم اوشأن هَچین ضرریدی، کی اونٚ وأسی همه چی‌یَ جٚه دس بدَم. رأس رأسی، اَشأن همه‌تأنَ کثافت بحیساب اَورم کی مسیحٚ بدس بأورم

Gilaki New Testament

⁸ دوروسته، تومأمٚ چیزأن، می خوداوند عیسا مسیحٚ شنأختنٚ نعمتٚ جولو بی‌ارزشه. هنٚ وأسی، همّه بنأم کنأر، چونکی مِرِه هیذره ارزش نأرِه، اَ هدفٚ اَمرأ کی مسیحَ بٚدأرم.

کتاب مقدس به زبان گیلکی - گویش شرقی

⁸ راس راسه، مو همه چئه این واسئه کی می خداوند مسیح عیسی شناختن، همه چی جی جؤرتر دره، ضرر دؤنم. اون خاطیری همه چئه چیکأدأم و ایشونه هیطو اشغال مورسون دونم. تا می نفع مسیح ببون

کتاب مقدس به زبان گیلکی - گویش رشت و غرب گیلان

⁸ راس راسی، من همه چیَ اَنه واسی کی می خُداوند مسيحْ عيسی ایشناختنَ کی جه همه چی بالاتر ایسه، ضرر دَنم. اونِ خاطری همه چیَ جه دَس بدَم و اَشانَ هَطو آشغالِ مانستن دَنم. تا می نفع مسیح بِبه،

فیلیپیان 3:8 Iomraidhean Croise

ایوب 20:7

ولی خو فضله مأنستن جٚه بین شه، و کسأنی کی اونَ بیده‌ییدی، وأورسیدی: ‹کویه ایسَه؟›

مزامیر 73:25

آسمانٚ دورون جز تو کی‌یَ دأرم؟ و زیمینٚ سر غیرٚ تو هیچی‌یَ نخوأیم.

لوقا 1:43

من کیسم کی می خوداوندٚ مار بأیه مرَ بیدینه؟

لوقا 11:20

ولی اگه من خودا قوّتٚ اَمرأ دیوأنَ بیرون کونم، پس وأ بدأنید کی خودا پادشایی شیمی میأنی شروع بوبوسته.

یوحنا 14:20

در او روز فهمیدی کی من در پئر ایسم و شومأن در من و منم در شومأن.

یوحنا 14:7

اگه مرَ شنأختیدی، می پئرم شنأختیدی. امّا بعد از اَن، اونَ شنأسیدی و اونَ بیده‌ییدی.»

یوحنا 16:3

اَ کارأنَ کونیدی، چونکی نه پئرَ شنأسیدی نه مرَ!

یوحنا 17:3

و اَنه زندگی‌یٚ اَبدی، کی ترَ، تنها خودایٚ حقیقی و عیسی مسیحَ کی اوسه کودی، بشنأسید.

یوحنا 17:8

چونکی او کلامی‌یَ کی مرَ بیسپردی، اوشأنَ بیسپردم و اوشأن اونَ قوبیل بوکودیدی و یقین دأنستیدی کی از طرفٚ تو بمو و ایمأن بأوردیدی کی تو مرَ اوسه کودی.

یوحنا 20:13

اوشأن اونَ بوگفتیدی: «اَی زن، چره گریه کونی؟» جواب بدَه: «می سرورَ ببردیدی و نأنم کویه بنَه‌ییدی.»

یوحنا 20:28

توما اونَ بوگفته: «می خوداوند! می خودا!»

اعمالٚ رسولأن 20:24

ولی می جان، مِره ارزشی نأره، مگر بتأنم می مسابقه‌یَ به آخر برسأنم و خدمتی‌یَ کی خوداوند عیسی مرَ ببخشه، به کمال فأرسأنم، خدمتی کی هو اعلامٚ بشارتٚ فیضٚ خودایه.

فیلیپیان 1:1

جٚه پولُس و تیموتائوس، عیسی مسیحٚ ختمتکارأن، تومامٚ فیلیپی موقدسأن و اسقفأن و شماسأنٚ رِه کی مسیحٚ اَمرأ موتحد ایسید:

فیلیپیان 3:10

خوأیم مسیح و اونٚ قیام کودنٚ قوّتَ بشنأسم و اونٚ درد و رنجٚ اَمرأ شریکَ بم و اونٚ مرگٚ مره ایتأ ببم،

فیلیپیان 3:12

نوگفتَن‌درم کی هَه الأن تومامٚ اَشأنَ بدس بأوردم یا کامیلَ بوستم، بلکی مرَ برم جُلُو کی او چیزی‌یَ بدس بأورم کی مسیحْ عیسی اونٚ رِه مرَ بدس بأورده.

فیلیپیان 3:7

ولی اونچی کی مِره سود بو، مسیحٚ وأسی ضرر بحیساب بأوردم.

۱پطرس 2:7

اَ سنگ شِمرِه کی ایمأن بأوردیدی ارزش دأره ولی اوشأنٚ رِه کی ایمأن نأریدی: «هو سنگی کی معمارأن قوبیل نوکودیدی، ساختمأنٚ رِه سنگٚ زاویه بوبوسته،»